Go bega bosenyi/molato mo Tirelong ya Sepodisi mo Aforika Borwa
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Tirelo e, e neelwa motho mongwe le mongwe yo o leng motswasetlhabelo wa bosenyi/molato.
Tirelo ya Sepodisi mo Aforika Borwa e tla bula dokete ya kgetse e le go batlisisa ka bosenyi/molato, mme ba tshware ya mmelaelwa le go tlisa kgetse mo kgotlatshekelong go sekwa.
Godimo
Dikgato tse di latelwang
Fa motho e le motswasetlhabelo wa bosenyi, o tshwanetse go ikgolaganya le sepodisi ka go leletsa mogala mo go 10111 kgotsa a ka ya kwa seteišeneng sa mapodisi se se leng fa gaufi. go bega tshenyo/molato
Fa motlhankedi wa sepodisi a fitlha mo lefelong le go nang le bosenyi/molato fa teng, o tshwanetse go kwala setatamente/pego go tswa mo go mongongoregi le paki fa go kgonagalang teng.
Motlhankedi wa sepodisi o tla ya kwa seteišeneng sa mapodisi, go kwadisa molato mo Thulaganyong ya Bosenyi/molato mo , mme a neye mongongoregi tshupetso e e bidiwang gore ke nomoro ya CAS.
Mongongoregi o tshwanetse go netefatsa gore o na le nomoro e ya CAS jaaka tshupetso ya dipatlisiso mo nakong e e tlang mabapi le kgetse ya bosenyi/molato
Fa e le gore mongongoregi o etela seteišene sa mapodisi sa mo gae go ya go bega bosenyi/molato, o tshwanetse go siamisediwa ke motlhankedi wa sepodisi Kwa lefelotshedimosetsong la Ditirelo tsa Sepodisi.
Motlhankedi wa sepodisi o tla simolola pele ka go tshwara ditherisano morago a tseye setatamente go tswa go mongongoregi fa a fetsa o tla kwadisa bosenyi jo ka mo CAS.
Mongongoregi o tla neelwa nomoro ya CAS e ka yona a tla kgonang go dira ditlhotlhomiso ka yona ka dinako tsotlhe maleba le kgetse e e begilweng..
Fa go fetswa ka dokete e, e neelwa letseka mme ena o tla dira dipatlisiso. Ditlhotlhomiso malebana le kgetse eo, di ka lebantshwa letseka le.
Letseka le le tshwaraganeng le kgetse e e rileng, le tla fetsa dipatlisiso tsa lona mme a tlhagise dokete e kwa kgotlatshekelong e e maleba gore molato o, o tle o sekiwe mme o atlholwe.
Letseka le, le tla itsise mongongoregi gore a ka tla kgotlatshekelong leng.
Godimo
Molao o dirisiwang
Godimo
Boemo jwa tirelo
O tla thusiwa ka bonako.
Godimo
Tlhotlhwa
Tirelo e, ga e duelelwe.
Godimo
Diforomo tse tladiwang
Motlhankedi wa lepodisi yo o kwalang setatamente sa gago ke ena yo o tla tlatsang foromo.
Godimo
Lefelo la bodirelo, diaterese le megala
