Bega tshotlako ya batsofe
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Tirelo e e tlhalosa mokgwa wa go tsaya dikgato le go simolola tsela ya go falosa ka go thibela kgotsa go kganela tshotlako ya batsofe. Go na le mefuta e e farologaeng e batsofe e nnang batswasetlhabelo ba yona. Yona ke:
Tshotlako mo mmeleng: Tiragalo nngwe le nngwe e e tlisang kgobalo kgotsa loso lwa motsofe ka tsela e e bonalang. Sekao, go fapha, go betsa, go kgarametsa, go tshola makgwakgwa, go sega, go dirisa dikgoreletsi tse di bonalang kgotsa tsa dikhemikhale, go naya melemo e e fosagetseng kgotsa go feta tekano, kgotsa tiragalo nngwe fela e e ka tlisang kgobalo, go se iketle mo mmeleng, tiriso e e feteletseng ya melemo kgotsa loso.
Tshotlako ka thobalano: tiragalo nngwe fela e e tlisang go tlontlololwa ga motsofe ka mabaka a thobalano kgotsa go ikgotsofatsa ka maikutlo ao ntle le kitso e e tletseng, tlhaloganyo le tumelo ya bona ka botlalo.
Tshotlako ya tlhaloganyo, maikutlo le ka puo: Tsamaiso ya maitsholo a a nyatsang le go utlwisa botlhoko mo motsofeng, a a tlisang kgobalo mo tlhaloganyong kgotsa mo maikutlong. Sekao, go ikgatholosiwa, go tlogelwa kgotsa kgatelelo, go timiwa lorato le tsiboso ya tlhaloganyo, go bitsa ka maina a sele kgotsa go omanya, ditatofatso le ditsholofelo.
Tshotlako kgotsa go tlontlololwa ka tsa madi kgotsa ikonomi: Tiriso e e seng molaong kgotsa ya boferefere ya madi a thebolelo ya botsofe, thoto, kgotsa madi a motsofe ntle le tumelelo ya gagwe kgotsa tlhaloganyo e e tletseng kgotsa kitso ya ditlamorago, kgotsa ka fa tlase ga kgatelelo.
Go ikgatholosiwa: Go se tlamele kgotsa go ba tima tlhokomelo le ditlhokego tsa botlhokwa tsa boitekanolo mo mmeleng le mo tlhaloganyong. Sekao, go tlhoka dijo, lorato, bonno, diaparo, melemo, tshegetso ya maikutlo, tsiboso le go se itlhokomele.
Kgatako ya ditshwanelo tsa botho : Go kganelwa ditshwanelo tsa botlhokwa jaaka tlotlo, seriti, sephiri sa botho, kgololosego ya kgopolo, tumelo, kakanyo, puo, tlhaloso le motsamao wa batsofe. Sekao, boloi , se se ka tlisang go rewa maina, kgetholoso, go utlwisiwa botlhoko le loso.
Ke mang yo o ka begang tshotlako?
Mongwe le mongwe yo o lemogang go ikgatholosiwa kgotsa go tsholwa makgwakgwa, kgotsa a na le lebaka le le utlwalang la go belaela gore seo se a diragala kgotsa se diragetse.
Godimo
Dikgato tse di latelwang
Bega tshotlako kgotsa tshotlako e e belaelwang kwa go Modirediloago Mogolo kwa kantorong ya Tlhabololo ya Loago kgotsa seteišene se se gaufi nao sa sepodisi.
E seng jalo, o ka bega tshotlako ntle le gore o ikitsise mo kwa HEAL mo go 0800 003 081.
Godimo
Molao o dirisiwang
Godimo
Boemo jwa tirelo
Mo diureng tse 48 morago ga go bega, modirediloago o tla batlisisa tiragalo eo mme a kwale pegelo.
Fa motho yo o itsiseng e le modirediloago yo o ka kgonang go samagana le ntlha e, o tshwanetse go tswelela ka patlisiso mme a neele pegelo e e kwadilweng ka botlalo go kantoro ya Tlhabololo ya Loago mo dibekeng tse 4.
Fa motho yo o itsiseng e se modirediloago, ke maikarabelo a Modirediloaga Mogolo wa kantoro ya Tlhabololo ya Loago go isa ntlha e kwa go maleba mme a solofele pegelo e e kwadilweng mo dibekeng tse 4.
Fa Tshotlako e ama Legae la Batsofe, lefelo, mokgatlo o e seng wa puso kgotsa mokgatlo wa baagi, modirediloago kwa kantorong e e seng ya bogareng o tshwanetse go samagana le bothata jo.
Fa motho yo o sotliwang a sa batle go fudusiwa, o tshwanetse go saena afitafiti e e supang gore o tlhaloseditswe ditlamorago tsa go se fudusiwe ka botlalo.
Fa go se sepe sa tse di fa godimo se se dirang, batlisisa keletso ya motho. Tona ya Tlhabololo ya Loago kgotsa kgotsa Leloko la Khuduthamaga o tshwanetse go tlhopha mongwe go tsereganya.
Godimo
Tlhotlhwa
Tirelo e ga e duelelwe.
Godimo
Diforomo tse tladiwang
Diforomo tsa kopo di ka bonwa kwa kantorong e e gaufi nao ya Tlhabololo ya Loago.
Godimo
Lefelo la bodirelo, diaterese le megala
Mogala o o sa duelelweng wa Tlhabololo ya Loago - 0800 60 10 11
