Kopo ya go kwadisa sediriswa sa go thaya ditlhapi
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Sediriswa sa go thaya ditlhapi ke mokoro kgotsa sekepe se se dirisediwang, kgotsa se tlamelwa go ela tlhoko, kotulo le tshotlako ya metswedi ya mawatle, kgotsa go tshegetsa ditiragalo tse di nyalanang natso. Di akaretsa didiriswa tse di thusang sediriswa kgotsa didiriswa kwa lewatle mo go diragatseng tiragalo nngwe le nngwe e e letleletsweng e e amanang le go thaya ditlhapi - go akaretsa - fela e seng go felela ka - paakanyo, thebolo, go boloka, go tsidifatsa, go tsamaisa, kgotsa go diragatsa, Bothati jwa Pabalesego ya Mawatle jwa Aforika Borwa le Lefapha la Merero ya Tikologo le Bojanala Department of Environmental Affairs and Tourism di tshwanetse go dumelela sediriswa sa go thaya ditlhapi.
Ga go sediriswa sa go thaya ditlhapi se se tla kwadisiwang ntle le thata ya go thaya ditlhapi le tetla ya go nna le seabe mo ditiragalong tsa go thaya ditlhapi.
Godimo
Dikgato tse di latelwang
Rulaganya gore sediriswa se tsenele tsamaiso ya SAMSA ya tshekatsheko ya go tshwanela lewatle e morago ga yona SAMSA e tlileng go rebola Setifikeiti sa Pabalesego. Setifikeiti se se tshwanetse go tsamaya le kopo ya kwadiso.
Tlatsa foromo ka ditlhakakgolo mme o kwale mabaka fa go tlhokega
Neelana ka tshedimosetso e e latelang:
leina la sediriswa leina le dintlha tsa mong wa sediriswa boleele jwa sediriswa maatla le mothamo wa sediriswa folaga ya Naga e sediriswa se kwadisitsweng ka fa tlase ga yona setifikeiti sa pabalesego sa Bothati jwa Pabalesego ya Mawatle jwa Aforika Borwa.
Romela foromo ya gago ya kopo le tshwanelo ya gago ya go thaya ditlhapi kgotsa konteraka e e konoseditsweng le mong wa sediriswa go dirisa sediriswa se se amegang fa o se motshola-tshwanelo ya go thaya ditlhapi.
Supa paka le lekala la go thaya ditlhapi le sediriswa se isiwang kwa go lona.
Godimo
Molao o dirisiwang
Godimo
Boemo jwa tirelo
Tiragalo ya kopo e ka tsaya matsatsi a le 3 a tiro kgotsa go feta go lebilwe tiragatso e e maleba ya kopo.
Godimo
Tlhotlhwa
Tlhwatlhwa e farologana go ya ka boleele jwa sediriswa.
