Poelo ya bobedi ya tuelo ya lokgetho lwa lobakanyana
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Fa motho a amogela lotseno lo lo tlhokang gore a duelwe lekgetho SITE kgotsa PAYE, , motho mongwe le mongwe o tshwanetse go duela lekgetho la lotseno lwa lobakanyana. Dituelo tsa lekgetho la lobakanyana di dirwa mo nakong ya dikgwedi di le thataro.
Maikaelelo a Lekgetho lwa lobakanyana ke go thusa batho ba ba duelelang lekgetho gore ba kgone go atlega mo bokgoning jwa bona mo nakong e e tsweletseng pele, kgatlhanong le go duela madi a a kwa godimo gangwe mo ngwageng wa tlhatlhobo ya ditšhelete. Tuelo ya lobakanyana e tla nna go koafatsa lekgetho la bofelo la lotseno. le motho a tshwanetseng go le duela mo ngwageng o o tshwanetseng wa tlhatlhobo.
Motho yo o patelesegang go duela lekgetho la lotseno lwa lobakanyana, o tshwanetse gore mo malatsing a le 30 a patelesegego dira kopo ka lekwalo gore a ikwadise mo lekaleng la mo gae la Tirelo ya Makgetho ya Aforika Borwa . Go sa nneng jalo, go tla nna le tsalo le dikotlo tsa lekgethwana tse di tla bewang fa o duetse morago ga nako le lekgetho le lengwe gape la go romelwa diforomo tsa lekgetho mo nakong e e fetileng.
Nako e e beilweng ya go romela lekgetho la bobedi la lobakanyana e ka se nne morago ga nako ya ngwaga ya ditlhatlhobo tsa ditšhelete kgotsa ngwaga wa bofelo o o rebotsweng wa matlole. Makgetho otlhe a mangwe a tla sala mo bofelong jwa ngwaga wa matlole o o felelang ka 28/29 Tlhakole.
Ela Tlhoko:
Mo go felelang ngwaga wa matlole a ditšhelete teng, go nna le mathata a matlole mme thebolo e ntshitswe go tswa go SARS go tlisa ditlankana/diresiti tsa matlole mo letlheng lengwe e seng mo bokhutlong jwa kgwedi ya Tlhakole. Batho ba go nna jalo ba ka kopa thebolo ya diforomo tsa lekgetho ga mmogo le thebolo ya matlole ya ngwaga. Lotseno lotlhe lona lo tla sala mo bokhutlong jwa kgwedi ya tlhatlhobo ya ditšhelete ya Tlhakole, 28/29.
Bala lekgetho lwa lobakanyana ka tsela e e latelang:
palogotlhe e e lekanyeditsweng ya lekgetho le le tletseng o ntsha lekgetho le le dueletsweng mothapiwa mo ngwageng o o tletseng o ntsha dikeretiti tse tsa lekgetho la boditšhaba mo ngwageng o o tletseng o ntsha madi a a duelwang mo nakong ya ntlha.
Godimo
Dikgato tse di latelwang
Dira dituelo mo foromong ya IRP6 e e neilweng ya lenaneo la dituelo la kgakololo, ka kgotsa pele ga nako e e beilweng. Ditsela tse di farologaneng tsa go duela SARS tsona ke tse di latelang.
Go na le mekgwa e e latelang ya go dira dituelo kwa SARS:
Dituelo tsa lekgetho la lobakanyana di ka dirwa kwa kantorong ya lekala lengwe le lengwe la SARS, Mosupologo go fitlha Labotlhano, magareng ga 08h00 le 15h30, ntle le ka matsatsi a boikhutso a botlhe.
Fa dituelo di dirwa ka poso, ka banka kgotsa ATM, go tshwanetse ga elwa tlhoko nako e e lekaneng ya go posa kgotsa go diragatsa tuelo.
Fa dituelo di dirwa ka mokgwa wa phetisetso ya ileketeroniki, go tshwanetse ga elwa tlhoko dinako tsa banka tsa tswalelo le sebaka sa go nna teng ga madi se se ka tsayang magareng ga matsatsi a mabedi go ya go a matlhano.
Dintlha tsa banka:
Badirisi ba ba duelang kwa lekaleng la ABSA, FNB, kgotsa Nedbank ba ka se tlhole ba tlhoka go neelana ka nomoro ya akhaonto le khoutu ya banka fa ba duela. Go fela jalo le ka badirisi ba banka ya inthanete ya ABSA, FNB, Nedbank, le Standard Bank.
Go tla tlhokega:
ID / nomoro ya akhaonto ya mmoelwa e e golaganngwang le mofuta o o rileng wa lekgetho go dira dituelo.
Dintlha tse di tlhagelela mo setlankaneng sa tuelo mo poelong ya IRP 6.
Dituelo tse di sa nyalaneleng le nomoro ya referense le ID ya mmoelwa tse di kailweng fa godimo ga di kitla di amogelwa.
Fa letsatsi la bofelo la tuelo le wela mo letsatsing la boikhutso la botlhe kgotsa mafelo a beke, tuelo e tshwanetse go dirwa mo letsatsing la bofelo pele ga letsatsi la boikhutso la botlhe kgotsa mafelo a beke.
Ela tlhoko:
Mananeo a IRP6 a nako ya bobedi a tshwanetse go romelwa, le fa e le gore go ya ka palelo ya gago ga go na lekgetho la lobakanyana le le duelwang.
Tuelo ya bobedi ya lekgetho la lobakanyana e tshwanetse go itshetlega ka lotseno lwa lekgetho le le lekanyeditsweng le le lekanang le kgoboko ya motheo kgotsa kgoboko e e theilweng mo kgobokong e e rileng mo ngwageng.
O ka nna wa pateletswa go duela lekgetho le lengwe gape le le tshwanetseng SARS fa e le gore lekgetho la gago le le lekanyeditsweng le ka fa tlase ga 90% ya lotseno lwa gago le go ntshiwang lekgetho mo go lona, mme le le ka fa tlase ga kgoboko ya gago motheo.
Netefatsa gore mananeo a gago a IRP6 a romelwa ka nako mo dikantorong tsa lekala la SARS ka tshwanelo, pele ga letlha le le beilweng la tuelo. Se, se tla netefatsa gore kopo ya gago e amogetswe le go diragadiwa mo nakong e e letleletsweng, mme o ka se ka wa duelela dikotlo le ditsalo.
Sekgala sa kgakololo sa tuelo mo lenaneong la IRP6 ga jaanong le mo tsebeng ya yona e e kgaogantsweng le tse dingwe. Ka jalo, o ka kgona go romela lenaneo la gago le le nosi kwa ntle ga go romela le tuelo.
Bona ditaelo tsa IRP fa e le gore o batla thuso fa o tlatsa lenaneo la gago la IRP6.
Godimo
Molao o dirisiwang
Godimo
Boemo jwa tirelo
SARS e tlhagisitse maemo a tirelo a a tla tsenngwang tirisong mo dingwageng tse pedi . Fa o romela dipoelo tsa gago SARS e ikaelela go:
tlhotlha le go sekaseka 80% tsa diforomo tse di tladitsweng sentle e bile di saenilwe tsa dipoelo tsa lotseno mo matsatsing a le 90 go tloga ka letlha la kamogelo mo dipakeng tsa tiro e ntsi le mo matsatsing a tiro a le 34 a tiro go tloga ka letlha la kamogelo ka dipaka tse tiro e seng ntsi tlhotlha dipoelo tsa VAT le PAYE mo matsatsing a le 20 a tiro go tloga ka letsatsi la kamogelo tlhotlha 90% tsa diforomo tsotlhe tse di rometsweng ka mokgwa wa ileketeroniki tsa dipoelo tsa diromelwantle diromelwateng mo diureng tse 4 tsa kamogelo le mo diureng tse 24 tsa kamogelo ya diforomo tse di tlisiwang ka seatla.
Ela tlhoko:
Fa moemedi a dira ka merero ya gago ya lekgetho, go botlhokwa go netefatsa gore SARS e itsesiwe ka ntlha e. Se ke go go sireletsa le go netefatsa gore SARS ga e mpampetse sephiri le khupamarama ya gago.
Godimo
Tlhotlhwa
Tirelo ga e duelelwe.
Godimo
Diforomo tse tladiwang
Kgakololo ya tuelo e mametleletswe mo lenaneong la IRP6.
Godimo
Lefelo la bodirelo, diaterese le megala
