Kopo ya go dira boikuelo jwa ngongorego ya go tlhoka maitseo kgotsa ditlolomolao tse di dirilweng ke ditokololo tsa Tirelo ya Sepodisi mo Aforika Borwa kgotsa ditokololo tsa Tirelo ya Sepodisi sa Mmasepala
Tlhaloso
Maikaelelo a tirelo e, ke go thusa ditokololo tsa setšhaba go dira boikuelo ka ngongorego mo Bokaeding jwa Dingongorego jo bo Ikemetseng ka bojona . Fa o dira boikuelo le kantoro ya ICD ya boditšhaba, molato o tla romelwa go kantoro ya porobense e e tshwanetseng gore e batlisiswe.
Mefuta ya dingongorego tse di ka ikuelelwang mo go ICD:
Ngongorego ya Karolo ya II: Ngongorego ya motho yo o sa obameleng SAPS go ya ka Molao wa tsa Selegae wa Tirisodikgoka wa1998 , ka mafoko a mangwe tokololo ya SAPS kgotsa MPS e e retelelwang ke go obamela ditshiamelo tsa Molao wa tsa Selegae wa go se nne mo molaong ga Tirisodikgoka.
Ngongorego ya Karolo ya III: Ngongorego ya magatwe a gore motlhankedi wa sepodisi o tlole molao ka go tlhola kgobalo e e masisi mo mmeleng wa motho gore a bo a isiwe bookelong go alafiwa. Go tlhoka maitseo kgotsa tlolomolao ya go nna jaana, e tshwanetse ya bo e diragetse fa motho a sa ntse a le mo pabalesegong ya sepodisi. Tse di latelang ke lenane la dingongorego tsa Karolo ya III:
Tirisobotlhaswa ya dithata e e nang le kutlwalo e kgolo mo setšhabeng go ya ka dikgobalo tse di tlhodilweng, palo ya batho ba ba amegileng, bogolo jwa madi jo bo dirisitsweng, kgotsa nako e tiragalo e diragetseng ka yona.
Tshubo
Kubogelo ka maikaelelo a go tlhola kgobalo e e masisi mo mmeleng wa motho, kgotsa maiteko a go bolaya
Phamolo
Go fenya mekgwa yotlhe ya molao
Kutso ka leina ka go amogela ditokomane tse di utswitsweng ka leina le e seng lona mme o ntse o itse gore di ka bo di utswitswe ka tlhotlhwa ya go lekana madi a le R50 000 kgotsa go feta foo
Tsietso
Tlhaselo e e bontshang go tlhoka maitseo.
Botsenwa
Tirisomašetla mo gare ga batho
Matshosetsi
Go utswa ka dikgoka
Tshenyo ya ka bomo ya dithoto
Go nna le seabe mo sintekeiting sa tshenyo
Go nna le thoto e e utswitsweng
Go betelela
Go amogela thoto e e utswitsweng
Go utswa
Tshenyego
Thobalano ya banna,
Bogodu
Go bogisa
Go batla le go pateletsa motho gore a go duele
Go tlhotlheletsa tiragalo e e rileng, tumalano go se bue sepe ka tiragalo e e rileng kgotsa maiteko a go dira nngwe ya ditshenyo tse di builweng ga godimo.
Ngongorego ya Karolo ya IV: Ngongorego ya magatwe a a reng tokololo ya sepodisi e dirile tshenyo nngwe kwa ntle le tse di filweng fa kgotsa go tlhoka maitsholo go go sa kang ga tlhola loso kgotsa kgobalo e e masisi ya mmele mo mothong yo mongwe.
Ngongorego ya Karolo ya V: Ngongorego e e kwa ntle ga taolelo kgotsa pholisi ya ICD.
Dingongorego tse go ka se kgonweng go dira boikuelelo ka tsona mo go ICD:
Ditiragalo tsa dingongorego tse di diragetseng pele ga tlhomo ya ICD, ke gore,. ditiragalo tse di diragetseng pele ga Moranang 1997. Gape le ditiragalo tse di diragetseng ngwaga pele ga fa di ka begiwa mo go ICD, kwa ntle le fa e le gore go na le tse dingwe tse di sa amegeng fa, ka mabaka a a rileng.
Dingongorego kgatlhanong le badiredi ba Tirelo ya Ditshiamiso batlhankedi ba kgotlatshekelo le ditokololo tsa Mophato wa Phemelo wa Bosetšhaba wa Aforika Borwa.
Fa o batla go bona tshedimosetso e nngwe gape, o ka ya go Bokaedi jwa Dingongorego jo bo Ikemetseng ka bojona
Dikgato tse di tshwanetseng go latelwa
Dira boikueleo jwa ngongorego ka bowena, ka mogala, ka lokwalo kgotsa ka emeile mo kantorong ya ICD. Dingongorego tsotlhe di tshwanetse go ikuelelwa ka nako ya tiro, magareng ga 8h00 le16h30.
Tlatsa Foromo ya Pegelo ya Ngongorego mme o e fekesetse mo kantorong ya ICD e e gaufi le wena.
ICD e ka nna ya go kopa gore o e neele tshedimosetso e nngwe gape pele ngongorego e ka batlisisiwa.
Fa o itlisa ka bowena, o tla ikopanya le modiredi wa molato kgotsa molekodi
Molao o o dirisiwang
Boemo jwa Tirelo
Tiragatso ya dingongorego:
Kamogelo ya ketelo ya modirelwa e ka nna ya tsaya metsotso e le tlhano..
Nako ya go emela tshwaro ya ditherisano le modiredi wa molato kgotsa molekodi yona e ka tsaya nako ya go lekana metsotso e le 30.
Rasiti ya kamogelo e e kwadilweng ngongorego yona e ka tsaya malatsi a le 30.
Pegelo ya tswelopele e ka nna ya tsaya malatsi a le 30.
Pegelo ya bofelo e ka nna ya tsaya malatsi a le 90.
Tlhotlhwa
Ditirelo ga di duelelwe.
Diforomo tse di tshwanetseng go tladiwa
Foromo ya Pegelo ya Ngongorego: FOROMO ya ICD 1
FOROMO
Bodirelo, diaterese le megala
