Lekgetlho lwa ntlha la kopo ya tokomane ya boitshupo/pasa
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Lekwalo lwa boitshupo/Pasa ke tokomane e e supang gore o mang. Dipasa di fiwa baagi ba Aforika Borwa kgotsa baagi ba ba nang le phemiti ya leruri ya boagi ya ba ba nang le dinyaga di le 16 kgotsa go feta. E ka nna ya neelwa gape mongwe le mongwe yo o direlang puso kgotsa mokgatlho wa tsa molao ka kwa ntle ga Aforika Borwa kgotsa yo o tlhophilweng go direla puso ya naga e nngwe. Tšhono eno e neelwa le molekane le bana ba gagwe.
Godimo
Dikgato tse di latelwang
Dira kopo kwa dikantorong tse di gaufi tsa Merero ya Selegae kgotsa tsa boromiwa fa o dira kopo o le kwa moše.
Tlatsa foromo ya kopo ya BI-9.
Neelana ka setifikeiti sa matsalo kgotsa pasa ya bogologolo e e ntshitsweng pele ga 1 Phukwi 1986.
Fa e le gore matsalo a gago a ne a sa kwadisiwa, mme ga go na setifikeiti sa matsalo, tlatsa foromo ya BI-24/15 mme.
Gokelele gongwe tokomane e le nngwe fela e e tshegetsang ntlha e, jaaka setifikeiti sa kolobetso, lekwalo la sekolo kgotsa setifikeiti sa botsetse.
Neelana ka ditshwantsho tsa pasa tse pedi.
Menwana e tla gatisiwa go e rekota ka fa Rejisetareng ya Baagi.
Bakopi ba banyalani ba tshwanetse go ntsha khopi ya setifikeiti sa lenyalo.
Mosadi yo o dirang kopo ya pasa mme a eletsa go boela kwa go sengwe tsa difane tse a neng a itsewe ka tsona, o tshwanetse go tlhagisa bopaki jwa gore ka tota o na le tetla ya go dirisa sefane seo.
Mohudugi yo o dirang kopo ya pasa o tshwanetse a gokelela phemiti ya boagi ya leruri, tšhabafatso kgotsa setifikeiti sa thebolo, setifikeiti sa lenyalo le foromo ya BI-529.
Godimo
Molao o dirisiwang
Godimo
Boemo jwa tirelo
Kopo e ka nna ya tsaya dibeke di le robedi.
Godimo
Tlhotlhwa
Tirelo e ga e duelelwe.
Godimo
Diforomo tse tladiwang
Ela tlhoko: Diforomo ga di bonwe mo inthaneteng. Ikgolaganye le kantoro ya lefapha e e gaufi nao.
Godimo
Lefelo la bodirelo, diaterese le megala
