Loso lwa baagi ba Aforika Borwa ba ba kwa dinageng tse dingwe
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Botsamaisi jo bo kwa Godimo jwa Ditirelo tsa Boditšhaba kwa Lefapheng la Merero ya Boditšhaba ga mmogo le Dikarolo tsa Boditšhaba tsa Kemedi ya Aforika Borwa kwa ntle ga naga di tlamela ditirelo go baagi ba Aforika Borwa ba ba dirang, nnang le go etela kwa dinageng tsa kwa ntle.
Ke ditirelo dife tse baagi ba Aforika Borwa ba ka di solofelang go tswa mo batlhankeding ba tsa Boditšhaba?
Ditirelo tsa tshedimosetso:
Thuso mo go rulaganyeng phalodiso ya baagi ba Aforika Borwa ba ba leng kwa dinageng disele ka nako ya dikhuduego tsa sepolotiki, matlhotlhapelo a a tlhago kgotsa a a bakilweng ke motho.
Tlhaeletsano le ba lelapa le/kgotsa ditsala mo Aforika Borwa boemong jwa baagi ba Aforika Borwa ba ba kwa dinageng disele ka nako ya maemo a tshoganyetso.
Tlamelo ka thuso e e seng ya matlole go busediwa gae le tlamelo ya tsa melemo kgotsa seporofešenale.
Kgokagano le bothati jwa selegae go batla le go fitlhelela baagi ba Aforika Borwa kwa dinageng disele, ntle le baagi ba ba batliwang ke ba ba tlhatlhetseng dikgetse mo tsamaisong ya bosiamisi.
Thuso go malapa ka go tsereganya mo phetisetsong ya matlole maloko a malapa a a mo tlalelong.
Tlamelo ka ditirelo tsa tshegetso le kgakololo mo dikgetseng tsa go dirwa batshwarakananyo kgotsa go gapiwa ka dikgoka.
Mofuta wa tiragalo le pabalesego ya batlhankedi di ka tlhotlheletsa bokgoni jwa rona jwa go tsiboga.
Go tshwarwa:
Golagana le malapa a batho ba ba tshwerweng kwa dinageng disele fa ba kopiwa ke motho yo o tshwerweng.
Tsamaisa phetisetso ya madi go batshwarwa ba ba kwa ntle ga naga, ka go ikobela melao le melawana ya naga e e tshwereng motho yoo ga mmogo le melao ya Banka ya Risefe ya Aforika Borwa tebang le phetisetso ya matlole kwa dinageng disele.
Tsamaisa thomelo ya makwalo le melemo go baagi ba Aforika Borwa ba ba tshwerweng kwa dinageng disele. Se se diragala fela go ya ka ditlamelo le ditlhwatlhwa tse di beilweng tsa Lefapha la Merero ya Boditšhaba le go nyalana le melao le melawana ya naga e e tshwereng motho. Ditlhwatlhwa di ka fetolwa gangwe le gape.
Ditirelo tsa semolao le bokwaledi:
Tsamaisa go rebolwa ga ditlankana tsa semolao go molatofadiwa yo o kwa dinageng disele ka go latela ditsela tsa bosiamisi.
Tsamaisa kopo ya go neelwa ga motshwarwa, makwalo a go kopa tshedimosetso, go romela disamone o le kgakala le bopaki ka ga khomišene go dirisiwa ditsela tsa bosiamisi.
Kgomaretsa diapositile le ditifikeiti tsa netefatso mo ditlankaneng tsa botlhe tsa semmuso.
Tlamela ka thuso e e seng ya matlole go batswasetlhabelo ba bosenyi.
Tlamela ka kgakololo, maele le tshegetso go motsadi kgotsa motlhokomedi wa motshwarwa, ka kamano le Kantoro ya Mmueledi wa Malapa mo dikgetseng tsa go thopiwa ga bana ba Aforika Borwa ba isiwa kwa dinageng disele. Fa go na le bopaki jwa gore boitekanelo le pabalesego ya ngwana di mo kotsing, kgetse e e tsewa e le ya tshoganyetso.
Tlamela ka lenaneo la babueledi.
Ditirelo tse dingwe:
Thusa ka go busetsa dipaseporoto tse di timetseng, utswitsweng, senyegileng kgotsa tse di feletsweng ke nako kwa dinageng disele .
Tlamela ka kadimo ya tshoganyetso .
Itsise ba losoka ka loso, bolwetse jo bo kotsi kgotsa kgobalo ya baagi ba Aforika Borwa. Thuso e e seng ya matlole le kgakololo ka ga setopo sa Maaforika Borwa a a tlhokafaletseng kwa dinageng disele le yona e tla rebolwa.
Kopa bothati jwa selegae go batlisisa dintsho le bosenyo jo bo belaetsang kgatlhanong le baagi ba Aforika Borwa.
Tlamela ka kgakololo le maele ka ga go ikgodisetsa bana ka thuso ya Lefapha la Tlhabololo ya Loago.
Tlamela ka thuso le kgakololo go kemedi ya dinaga disele ka ga baai ba dinaga tsa bona mo Aforika Borwa.
Dira ka dikopo tsa tshedimosetso kgotsa go leka go romela mmotsi kwa lefelong le le maleba.
Ke ditirelo dife tse batlhankedi ba ditirelo tsa Boditšhaba ba sa direng ka yona?
go thusa go golola go tswa kgolegelong tsenelela mo tsamaisong ya dikgotlatshekelo kwa dinageng disele neela kgakololo ya semolao tsenelela mo kgotsa go simolola tsamaiso ya kgotlatshekelo kopa bothati jwa selegae go tshola Maaforika Borwa ka mokgwa o o kwa godimo batlisisa bosenyi kgotsa dintsho go bona rekoto ya bosenyi boemong jwa gago tuelelo ya go fisiwa ga baswi, diphitlho go busediwa ga masaledi a moswi mo Aforika Borwa tsaya ngwana yo o thopilweng tsenya tirisong tumelano ya Aforika Borwa ka ga botlhokomedi kgotsa go patelatsa naga go tsaya tshwetse ka kgetse ya botlhokomedi tuelelo ya disuga tsa hotele, semolao, melemo le tse dingwe tuelelo ya ditshenyegelo tsa maeto go dira tiro e e dirwang ke batlhankedi ba tsa maeto, ditirelo tsa phofo, dibanka, jwalojwalo go bona marobalo, tiro kgotsa ditetla tsa tiro boemong jwa gago go boloka dithoto tsa gago kgotsa go batla dilo tse di timetseng amogela diimeili tsa gago rebola diphenšene le dipoelo tsa tshireletso ya loago thusa baagi ba dinaga tse pedi mo nageng ka naga e nngwe ya bona.
Godimo
Dikgato tse di latelwang
Ikgolaganye le Kemedi ya Aforika Borwa e e gaufi kgotsa Botsamaisi jo bo kwa Godimo jwa Ditirelo tsa Boditšhaba kwa Lefapheng la Merero ya Boditšhaba. Go ya ka tirelo e e tlhokegang, tsela e e amogelegang ya boikitsiso e ka kopiwa. Fa o etsaetsega, botsa pele ka mogala.
Ditirelo tsa Boditšhaba di dira diura tse 24 ka letsatsi, matsatsi a le supa ka beke. Mafelo a beke le morago ga diura tsa tiro, thuso e rebolwa ka tirisano le Phaposi ya Ditiro ya Lefapha kwa Pretoria.
Godimo
Molao o dirisiwang
Godimo
Boemo jwa tirelo
