Kopo ya setifikeiti sa lenyalo
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Setefikeiti sa lenyalo ke tshupo ya bopaki ba gore o nyetse. Lenyalo le tshwanetse go go diragadiwa batho ba ba nyalang ba le teng, dipaki tse pedi tse di tshotseng makwalo a bona a boitshupo le motlhankedi wa puso.
Netefatsa boemo jwa gago jwa lenyalo mo websaeteng.
Godimo
Dikgato tse di latelwang
Batho ba ba nyalanang ba tshwanetse go nna le ditokomane tsa boitshupo le foromo B1-31 e e tladitsweng..
Tlatsa foromokopo B1-130 mo dikantorong dife kapa dife tsa Lefapha la Merero ya Selegae. Dira kopo kwa botseteng ba Aforika Borwa kgotsa Boromiweng fa o nna moseja wa mawatle.
Lenyalo le ka dirwa la semmuso ke motlhankedi wa tsa manyalo yo o tlhophilweng go tswa go setlhopheng sa tumelo e e rileng kgotsa mokgatlo kgotsa moemedi wa Lefapha la Merero ya Selegae.
Lenyalo le tshwanetse go tshwarelwa kwa kerekeng, moago o o dirisetswang merero ya tumelo fela, mo kantorong ya puso kgotsa kaw ntlong ya motho. Fa mongwe yo o nyalang a lwala thata kgotsa a utlwisitswe/utlwile botlhoko , lenyalo leo le ka tshwarelwa kwa bookelong.
Baditšhaba ba ba nyalanang mo Aforika Borwa ba tshwanetse go nna le diphaseporoto tse di tshwanetseng le foromo B1-31 e e tladitsweng.
Batho ba ba bedi ba ba nyalanang, dipaki di le pedi le motlhankedi wa tsa manyalo ba tshwanetse go saena Buka ya Kwadiso ya Manyalo ka bonako morago ga gore le lenyalo le tshegofatswe.
Lenyalo la babotlana:
Babotlana ke batho ba ba leng ka fa tlase ga dingwaga di le 21 ba ba eseng ba nyalane. Go ya ka molao, batho ba ikileng ba nyalana mme lenyalo la bona la phatlaladiwa ke loso kgotsa tlhalano, ga ba tlhole ba kaiwa e le babotlana.
Babotlana ba tshwanetse go:
Romela bosupi bo bo kwadilweng ke batsadi boo babedi le/kgotsa batsadi ba semolao le foromokopo e e tladitsweng ya B1-32. O ka dira kopo ya bosupi go Komišenara ya Katlaatleloloago ya Bana fa batsadi ba gago ba ka se kgone go fitlhelwa kgotsa ba sa itse go dira bosupi ba lenyalo.
O ka dira kopo ya bosupi kwa Kgotlatshekelokgolo mo tikologong eo o tshelang le batsadi ba gago fa Komišenara a gana go dira bosupi.
Batho ba ba tlhalaneng mme ba batla go nyalana gape ba tshwanetse go nna le taolo ya tlhalano. Romela maikano fa go le lebaka le le utlwalang la gore goreng ba sa ntshe taolo ya tlhalano kgotsa fa ba ne ba tlhalana mo nageng ya boditšhaba mme ba ka se kgone go e bona . Maikano a tshwanetse go tlhagisa gore mokopi o tlhalane semolao, leina la kgotlatshekelo le letlha la tlhalano.
Batlhologadi ba ba batlang go nyalana gape ba tshwanetse go tlhagisa setefikeiti sa mofu o a neng a nyalane nae. Romela setefikeiti sa maikano fa setifikeiti sa loso sa mofu se se teng. Maikano a tshwanetse go netefatsa leina la mofu le letlha la loso.
Godimo
Molao o dirisiwang
Godimo
Boemo jwa tirelo
Setefikeiti sa lenyalo se se khutswafaditsweng: Se ntshiwe ka bonako
Setefikeiti sa lenyalo se se sa khutsafadiwang. Dikopo di tsaya dibeke di le 6-8
Godimo
Tlhotlhwa
Setefikeiti sa lenyalo se se khutsafaditsweng: R11
Setefikeiti sa lenyalo se se sa khutswafadiwang: R53
Godimo
Diforomo tse tladiwang
Godimo
Lefelo la bodirelo, diaterese le megala
