zulu.513.blockpuzzle
BONA Block Puzzle
BONA ZULU – February 2007
Zithokozise uthuthukise ulwazi lwakho lwesiNgisi. Phendula ngokuyikho ulandele imicibisholo uzothola igama lesihlabani somculi waseSouth Africa ezikweleni ezimnyama.
No 64
WINA
Isipho sezingoma zeValentine’s Day esibiza
KUZOZONKE izithandani … Niyazi ukuthi uFebruary yinyanga yothando, kungakhoke uBONA nabeRevolver Records besihlanganisele amahampa angengaphansi kuka-50 ezingoma ze-classic neze-reggae ezimayelana nothando ukuze zihambisane nomuzwa walobu busuku.
KwiReggae Love Songs kuhlanganiswe ingcwenga yezingoma ezingu-21 kubandakanya ethi Mr Loverman kaShabba Ranks, Baby I Love Your Way edlalwa iBig Mountain, I Got You Babe ye-UB40 kanjalo nethi Can’t Be With You Tonight edlalwa wuJudy Boucher.
IYoung, Gifted And Black ididiyele izingoma zothando zabaculi abafana no-Johnny Nash – I Can See Clearly Now, Musical Youth – Pass The Dutchie, Pato Banton – Baby Come Back, Maxi Priest – Close To You neyeThird World ethi Now That We’ve Found Love.
ITrojan Reggae iqukethe ingcwenga yomculo we-reggae yabakwaTrojan Records okuyinkampani yokuqopha yodumo emhlabeni kanti kuyona kuboshelwe izihlabani ezifana noDennis Brown, Toots And The Maytals, Bob Marley noJimmy Cliff.
Thokozela ubusuku bothando nge-champagne, amakhandlela neyodwa yalamaCD lapho uzipholele nesithandwa sakho!
Ukuze uwine
Gcwalisa izikwele ukuze uthole igama elifihlekile kulezo ezimnyama. Bhala impendulo kwi-postcard, ufake igama lakho, ikheli nenombolo otholakala kuyona ngezikhathi zasemini, uyithumele kuleli kheli: BONA/Block Puzzle No 64, Box 32067, Mobeni, 4060, noma uSMSe BONALOVE ku-35919. (I-SMS ngayinye ibiza R3.) [z]
Usuku lokuvala ngumhlaka
28 February 2007
R7 500
Uma uthanda ukubhalelana nomngani, sibhalele kuleli kheli: BONA/Penpals, Box 32083, Mobeni, 4060. Sitshele ngawe - usinike igama nekheli lakho!
U-Margaret Kathumba (32) uthanda ukwakha ubuhlobo nanoma ngubani. Ukhonze ukuvakasha, umculo woKholo, ukubukela ibhola, ukudlala i-netball, ukunitha, ukupheka, ukubukela ama-movie nokubhala. Izincwadi mazibhalwe ngesiNgisi zihambisane nezithombe. Ikheli lithi:
c/o Mr N. Malani, Malawi Housing Corporation, Box 414, Blantyre, Malawi.
UThabile Sihlongonyane (30) uthanda ukuzwana nabesilisa abangaphuzi abangabhemi beminyaka engu-30-45 abazimisele ngomshado. Unendodakazi eneminyaka engu-6 usonta eMethodist kanti ukhonze ukufunda, ukuya esontweni nokulalela umculo woKholo. Ikheli lithi: Box 4224, Mbabane, Swaziland.
U-Hoffman Groening (30) nguMkhaladi wesilisa okhonze ukufunda, nomsebenzi wezandla. Uthanda ukuzwana nabesimame banoma yiluphi uhlanga beminyaka engu 20-30. Ikheli lithi: Qalakabusha Correctional Service, Private Bag X20088, Empangeni, 3880. Izincwadi mazibhalwe ngesiNgisi, isiZulu noma isiSwazi.
UBheki Mkhwanau (30) yilungu lamaNazaretha Uthanda ukuzwana nabesimame bebandla lakhe abazihloniphayo, nabameSabayo uNkulunkulu abangenangane beminyaka engu-22-28. Abaphuzayo bangazihluphi. Ukhonze ukuya esontweni nokufunda amanoveli. Ikheli lithi: Box 1130, Mtubatuba, 3935. Izincwadi mazihambisane nezithombe nezinombolo zocingo.
U-David C. Mlindi (47) uthanda ukuzwana nabesimame beminyaka engu-36-50. Ukhonze iTV, umculo woKholo, ukuya esontweni nokuvakasha. Izincwadi mazibhalwe ngesiXhosa noma ngesiZulu zihambisane nezithombe. Ikheli lithi: Box 1447, Kirkwood, 6120.
UMpopo Johannes Chirwa uthanda ukwakha ubuhlobo nabesimame beminyaka engu-18-45. Izincwadi mazibhalwe ngesiZulu, isiSuthu, isiXhosa, isiVenda noma isiNgisi. Ikheli lithi: No 200101359, Mangaung Correctional Services, Private Bag X101, Fitchardt Park, Bloemfontein, 9317.
U-Nicholas Dongwana (33) wakwaBox 153, Parow, 7499, nguMzalwane oZelwe kaBusha ofuna ukwakha ubuhlobo nabantu abakhuluma isiXhosa. Ukhonze umculo woKholo, ukubhala, ukuya esontweni nokwakhana nabanye abantu.[z]
Thola Umngani
BONA ZULU – February 2007
