zulu.445.2008 stars
Isipesheli sikaBONA
siqoqelwe nguWILLIAM SMITH
isithombe abakwaGALLO
Ngabe u-2008 ukuphatheleni" Thola ukuthi ungazithuthukisa kanjani uwalungise kanjani amaphutha akho, nokuthi yini ongayibheka nongayigwema...
ARIES
Mar 21 - Apr 21
UYAPHIKELELA uvelele kokwenzayo, kodwa ubuye ube nothuthuva uhluthukelwe yinhliziyo ube nolaka.
Kulo nyaka... Zethembe. Sihle lesi sikhathi uma ufuna ukuphumelela.
Umsebenzi: Kuzohamba kahle uma uzimisela. Uzothola umvuzo ngokuzimisela kwakho kodwa qiniseka ukuthi imizamo yakho iyabonakala.
Imali: Uma ucabangisisa kahle, ungathola ikhambi lokwakha imali.
Ikhaya: Ukuhlela ngokucophelela kuzokusiza kukuxazululele izinkinga ekhaya. Ungagxili ezintweni ezingahambanga kahle gxila ekulungiseni amaphutha.
Uthando: Nakekela othandana naye uma ufuna ukusimamisa uthando lwenu.
TAURUS
Apr 22 - May 21
UNOTHANDO uliciko, usebenza ngokuzikhandla kodwa ubuye uqinise ikhanda.
Kulo nyaka... Gxila ekubeni ngumqemane nasekuhleleni impilo yakho.
Umsebenzi: Manje ungakwazi ukuvelela kokwenzayo. Okusha okuqala manje kuzothela izithelo ezinhle.
Imali: Ngabe udinga imali ethe xaxa" Qala ngokuzethemba ulungiselele impumelelo yakho.
Ikhaya: Uma kukhona okudinga ukulungiswa, kulungise uzibongele ngokuba nabangani abahle.
Uthando: Qiniseka ukuthi ninobudlelwane obuhle othandweni uzifunele umaqondana uma ungawedwana.
GEMINI
May 22 - Jun 22
NJENGOBA umqondo wakho ushesha, uba nokungaboni ngaso linye nabanye.
Kulo nyaka... Ukuphokophelela kwakho phambili kusho ukuthi usendleleni eya empumelelweni.
Umsebenzi: Yisikhathi sokuqala uhlelo olusha noma enye inselelo.
Imali: Uzophumelela kwezezimali. Landela iphupho lakho. Yilona elizokusiza ukuze uthole imali.
Ikhaya: Khombisa izihlobo zakho ukuthi ungakwazi ukunakekela umndeni wakho.
Uthando: Cabanga izindlela zokuphucula uthando lwakho. Uthando olungenampilo luyacika.
CANCER
Jun 23 - Jul 23
KUYENZEKA uhluthukelwe yinhliziyo uthande nokunakwa kanti uyakwazi nokuhlala wedwa.
Kulo nyaka... Ukuphila kahle nokwaneliseka kusemqoka njengokugculiseka ngasezimalini. Zihlele kabusha uma kungukuthi udlala ngesikhathi nangamandla akho.
Umsebenzi: Zethembe uma uqala omunye umsebenzi.
Imali: Yisikhathi sokuqala izinhlelo ezizokungenisela imali.
Ikhaya: Qiniseka ukuthi kunokuthula ekhaya. Zama ukuhlanganisa izihlobo.
Uthando: Isikhathi ozosichitha nesithandwa sakho sizoba mnandi kakhulu. Ngabe ungawedwana" Heha abantu abasha ngokuchitha isikhathi nabo.
LEO
Jul 24 - Aug 24
UYANAMA ube nobubele ubuye uzazise kokunye, uthanda ukuhlelela abantu nemicimbi kodwa awuthandi ukuba kudlalwe ngawe.
Kulo nyaka... Zifundise ukuphila kahle uguqule impilo yakho.
Umsebenzi: Uma unesikhundla esithile, qhakambisa ikhono lakho nokwethembeka kwakho.
Imali: Ukuba nomdlandla nokukhuthala kuzokunothisa uzizwe uvikelekile. Ikhaya: Yenza kube nobudlelwane obuhle nokubambisana ekhaya. Yiba yisibonelo esihle ngokudingida ezomndeni nezihlobo ubakhuthaze ukuba babeke eyabo imibono.
Uthando: Feza izethembiso zakho. Hlanganyela nabantu ukuze uthole umaqondana uma ungawedwana. Makhulu amathuba okuthola ozozwana naye.
VIRGO
Aug 25 - Sep 23
UYAQAPHELISISA uzihlaziye kabanzi izinto ugxeke ngesinye isikhathi.
Kulo nyaka... Isimo sempilo yakho sizoba ngcono uma uhlala ethembeni.
Umsebenzi: Cabanga ngokuzibona usungumuntu ongcono ukuze ukhuthazeke ekuphuculeni impilo yakho.
Imali: Ukulangazelele ukuphepha nokuvikeleka kanti lokho kuzokwenza ukuba ulondoloze imali.
Ikhaya: Khumbula ukuthi umndeni obambisene awuhlukani.
Uthando: Kuzokukhanyela ukuthi kusemqoka ukuba abangani othandweni.
LIBRA
Sep 24 - Oct 23
UNOTHANDO, uzwana nokusebenza ubambisane nabanye kodwa ubuye uthembele kakhulu kwabanye abantu.
Kulo nyaka... Ukuphila kwakho kahle kuzoncika enkululekweni yakho nasekulangazeleleni kwakho izinto. Kuzokusiza ukuphumula emva kokusebenza.
Umsebenzi: Okwenzayo kwenze ngomdlandla ngoba uzophumelela.
Imali: Lindela ukubona umehluko kwezezimali. Ukukhalipha kwakho nokuba nezinjongo kuzokusiza.
Ikhaya: Akukho okudlula abathandiweyo bakho empilweni yakho. Banike uthando oluthe xaxa.
Uthando: Ubudlelwane phakathi kwakho nesithandwa sakho buhle kakhulu. Uma ungawedwana, kuzophela ukudlala umzwangedwa.
SCORPIO
Oct 24 - Nov 23
OKUKUBUSAYO wukuphumelela kuphela ezintweni ozenzayo, uyakwazi ukuba nezimfihlo.
Kulo nyaka... Shintsha indlela odla ngayo nophuza ngayo uma lezi zinto zikucekela phansi. Zigcine ungumqemane
Umsebenzi: Khuthalela ukufeza amaphupho akho emsebenzini.
Imali: Yisikhathi sokuphucula isimo sezezimali noma sokuyiphatha kahle imali. Ungakwazi ukuqhamuka namaqhinga okwakha nokonga imali.
Ikhaya: Gxila ekwakheni umoya wobumbano ekhaya uvuselele namasiko omndeni.
Uthando: Yisikhathi esihle kwabashadile nabangashadile. Ungakwazi ukuvuselela uthando olwashabalala noma uhehe amehlo omuntu othile uma ungawedwana.
SAGITTARIUS
Nov 24 - Dec 22
UHLALA uthokozile ukhuthazekile, uzamukela kalula izinselelo wenze nokuyingozi, uzwana nokwenza okuthandayo.
Kulo nyaka... Gwema imicabango emibi. Phila kahle ukhululeke emphefumulweni.
Umsebenzi: Uzokhushulelwa kwesinye isikhundla ngenxa yekhono lakho. Abanye bazoyihlonipha imibono yakho.
Imali: Zimisele ngokungenisa imali nangokuyonga. Zivikele ngokuphatha kahle imali ukuze uzibeke esimweni esihle.
Ikhaya: Enikuhlelayo nenijwayele ukukwenza ningumndeni ningakuphucula. Uzohlomula ngokusiza abanye.
Uthando: Lindela ukubona umoya wobumbano uma kukhona othandana naye. Uma ulangazelele uthando, zithokozise ngoba lokho kukubeka ethubeni elihle lokuluthola.
CAPRICORN
Dec 23 - Jan 21
UZWANA namabhizinisi nokuhleleka, ulangazelele ukuvikeleka emsebenzini.
Kulo nyaka... Nonga impilo yakho ngokwenza izinto ezihlukahlukene.
Umsebenzi: Ukhombisa ubuhlakani uma ufuna imiphumela egculisayo. Izinselelo obhekana nazo uzixazulula kalula.
Imali: Ngeke ube nenkinga yemali uma uyiphatha kahle.
Ikhaya: Yiba nesikhathi sokuthokozela imfudumalo esekhaya lakho nasemndenini wakho. Uma kunezinkinga ezidinga ukulungiswa, hamba phambili ekuthatheni izinyathelo zokuzilungisa.
Uthando: Ungazihluphi ngokubambelela kokudlule - yiba nothando umqonde kahle umuntu wakho. Ungathola umaqondana uma ungawedwana.
AQUARIUS
Jan 22 - Feb 20
UVAME ukuyilawula impilo yakho nezinhloso zakho kanti kokunye uyaliqinisa ikhanda.
Kulo nyaka... Qala manje uvuselele ingqondo nomzimba wakho.
Umsebenzi: Imibono yakho, izinqumo zakho kanye nendlela osebenza ngayo kuzonconywa kukutholise nemali.
Imali: Mawungagculiswa yimali osuzakhele yona manje ngoba ngokuhlela kahle, usebenze ngokuzikhandla ungakwazi ukuzenzela imali ethe xaxa.
Ikhaya: Imizamo yokuxazulula izinkinga nokwakha ubudlelwane obuhle ekhaya izothela izithelo ezinhle.
Uthando: Usesikhathini esikahle kakhulu kwezothando kanti kuningi okusha okuzokuphatha kahle.
PISCES
Feb 21 - Mar 20
UKUBA sematheni kukuphatha kahle, kokunye izinto awuzibeki ngendlela eqondile. Ukujwayela kalula okusha.
Kulo nyaka... Qiniseka ukuthi wena nomndeni wakho niphila kahle ngokuthi nizijwayeze izindlela ezintsha zokuphila ugcizelele nephuzu lokubaluleka kwempilo enhle.
Umsebenzi: Uzohamba ibanga elide uma izinhlelo zakho zisabalele.
Imali: Ithalente lakho lizokungenisela imali.
Ikhaya: Nakekela umndeni wakho uwuthande ukuze nihlale nithokozile.
Uthando: Uthando luzosimama. Uma ungawedwana, kuzophela ukubulawa wumzwangedwa. [z]
BONA ZULU - January 2008
wakho"
Ngabe lo unyaka
BONA ZULU - January 2008
u
t
BONA ZULU - January 2008
Ukuphatheleni
unyaka
