zulu.426.matshepo
BONA ZULU –September 2007
IMPILO kaThuli yashintsha ngesikhathi esebenzela amabhizinisi amakhulu ebuye ecelwa ukuba abe yi “Face Of Walco.” UMatshepo Maleme uthi: “Umdlali engimlingisayo ubhekene nezinselelo eziningi kanti uneshwa lokuhlangana nabantu abayizibonelo ezimbi kuyena.”
U-Frans Kalp onguphrojusa we-Egoli obuye abe ngumbhali wayo oyinhloko uthi uMatshepo wenza ushintsho kulo mdlalo, “kanti ngendawo ayidlalayo siveza nobumqoka bokubaluleka kokuba abaqashi bazi ngesimo sabasiza emakhaya uma kukhulunywa ngeHIV,” kuqhuba uFrans.
“Angizange ngikholwe ngesikhathi ngithola ucingo oluthi ngikhethiwe ukuze ngidlale ngoba nganginovalo ngesikhathi ngihlolwa. I-Egoli ihluke kakhulu kwengikujwayele. Okwenziwa kulo mdlalo kuhlelekile”
UMatshepo wazalelwa eSoweto wahlala nogogo nomkhulu wakhe eFree State.
“Ngangifuna ukwenza izifundo ze-drama emva kokuba sengiqede u-matric kodwa abazali bami bangavuma. Ngathola umsebenzi ngathatha isinqumo sokufundela ukudlala eLab eMarket Theatre.”
Waqala ukudlala emdlalweni othi Bubomi Sana, i-drama eyayidlala kuSABC 1. Emva kwalokho wadlala kuMuvhango.
NgoMay 2007, uLibe Ferreira ongumqondisi we-Egoli wahlola ababezodlala indawo kaThuli.
“Kwaphela isikhathi eside ngifuna owayezodlala leyo ndawo kodwa kwathi lapho sengihlola uMatshepo, ngakhombisa umbhali walo mdlalo oyinhloko ukuhlolwa kwakhe. Kwasikhanyela ukuthi nguye ozodlala le ndawo! Uyazethemba.”
Abathandi balo mdlalo bazomvumela. UMatshepo Maleme ngumdlali ongeke wakhala ngaye… [z]
Isihlabani sokuzalwa
Uya kude
BONA ZULU – September 2007
UMatshepo Maleme ungene ngomfutho embonini yezikaqedisizungu.
UMatshepo Maleme usanda kujoyina abadlali be-Egoli njengoThuli Moagi indodakazi kaThulani…
