zulu.354.BEC Event
BONA ZULU September 2008
UChichi Maponya
Ungusomabhizinisi ohamba ezinyathelweni zikababa wakhe ongusaziwayo kwezamabhizinisi. Njengomqondisi weMaponya Group, uChichi ube nesandla empumelelweni yeMaponya Mall, inxanxathela yezitolo enkulukazi eSoweto eyavulwa ngoSeptember 2007.
IMaponya Mall ivule amathuba amaningi emisebenzi eSoweto njengoba kunezitolo ezinkulu kuyona, kubandakanya nosomabhizinisi baseSoweto abanamabhizinisi.
KUYOBE kukhona uChichi Maponya ongusomabhizinisi wesiMame oVelele oyobe eyisikhulumi sosuku, uDick Khoza onguMbhali noMfundisi noMmatshilo Motsei oyiMbongi noMbhali kwiBONA Empowerment Club eyoba ngoMgqibelo mhlaka 4 October, 2008 eyohlanganisa abanamakhono amangalisayo! Woza uzozibonela amaqhawe aseSoweto, udansele izingoma zikaZamajobe (Ndawo Yami, Memeza nethi Ye Wena Sani), uzitike ngokudla kwaseNtaliyane!
Lo mcimbi uyobanjelwa eTuscan Barbecue eMaponya Mall kanti ingqikithi yawo ithi IPHATHI YASE-ITALY E-SOWETO. Uzohlanganiswa nengqikithi yeSoweto Festival ethi – Ukuqhuba iBhizinisi eSoweto. Izimenywa ziyohlangana nosomabhizinisi abakhasayo abaphumelelayo, zizwe izindaba zabo zempumelelo, zithole nezeluleko zokwenza imali zifundiswe nokuphekela inzuzo.
I-BAKE & COOK FOR PROFIT ESOWETO
INGQIKITHI – UKUQHUBA IBHIZINISI ESOWETO
■ Ukuvakashela izindawo zamasiko ■ Bake & Cook for Profit ■ Abasiki bengqephu baseSoweto
■ Hlangana nezinkakha kwezamabhizinisi eSoweto.
NINI: NgoMgqibelo mhlaka 4 October, 2008
KUPHI: Tuscan Barbeque, Maponya Mall, Old Potch Road, Pimville, Soweto.
ISIKHATHI: 9.30am kuphele ngo-3 ntambama.
IMALI: R60 umuntu emunye (kukhokhwa emnyango)
Kuhlangene nelantshi neziphuzo. Umuntu uyozithengela ngokwakhe e-bar.
UKUZE UBHUKE: shayela oyiRevue Liaison ku-011-883-8829 ngezikhathi zomsebenzi (8.30am-5pm)
UZamajobe
Muhle, usemncane, unethalente kanti waqokwa kwi-European MTV Awards nakumaSAMA, wafinyelela kowamanqamu kwiTop 10 yama-Idols.
Izingoma zakhe ezithi Magic, Hey nethi Ndawo Yami zidumile, ziyaculwa kanti ziyathandwa.
Uyothola ithuba lokubona lesi sihlabani sase-Africa kwiBONA Empowerment Club ngoMgqibelo, October 4, 2008.
