zulu.2952.universe
UZuleyka Rivera, onguMiss Universe omusha!
BONA ZULU – September 2006
Owinile ngu…
Eish, waze wamuhle!
indaba ngu-ISAAC KWELA
Sinethulela owesimame omuhle kunabo bonke emhlabeni
SINETHULELA isingqazu esinguMiss Universe omusha uZuleyka Rivera (18) ongumfundi wasenyuvesi waseziqhingini zaseCaribbean ePuerto Rica.
Kulo mncintiswano obekungoka-55 kwakuqhudelana izintokazi zamazwe angu-86, kanti wawubanjelwe eLos Angeles ngeSonto mhlaka 23 July.
Lo mncintiswano owawuphethwe ngabenhlangano kaDonald Trump wawusakazelwa kubantu cishe ababalelwa ku-600 million emazweni angu-170.
Kulo mncintiswano, uRivera wabuzwa ukuthi uyibuka kanjani impumelelo?
Waphendula ngolimu lwaseSpain wathi: “impumelelo wukwaneliseka okuthola ngokwazi ukwenza into ngaphandle kokukhathazeka phezu kwezingqinamba.”
Abahlanu bokugcina le ntokazi engubude obungu-1,75-metre eyaphuma kubo yaziwinela $250 000, kwakungoLauriane Gillieron (Switzerland), Kurara Chibana (Japan), Lourdes Arevalo (Paraguay) noTara Conner USA).
I-Puerto Rica yawina lesi sicoco ngo-1970, 1985, 1993 nango-2001, nokwenza leli lizwe laba ngelesibili ngokuwina lilandela i-USA.
Nampa ababengamajaji: owayenguMiss Universe 2003 waseDominican Republic u-Amelia Vega, umdlali wama-movie uBo Derek, isihlabani se-American football u-Emmitt Smith, noSean Yazbeck wohlelo lukaTrump oluthi The Apprentice.
UZuleyka uzimisele ngokuqeda indlala emhlabeni… [z]
BONA – August 2005
