zulu.2759.Today Project
Amakhasi ephrojekthi kaBona
Ngabe uke uphuphe uhamba kokhaphethi ababomvu embonini yezamafilimu- Abadlali bethu abanjenge-
zihlabani ezawina i-Oscar ngefilimu ethi Tsotsi, noCharlize Theron umdlali owawina i-Oscar owazalelwa
eBenoni, bakhombisile ukuthi uyaphumelela uma usebenza ngokuzikhandla kule mboni. Kulolu shicilelo, sibheka i-drama ngeso elibanzi njengoba iyingxenye yezobuciko.
Lolu lwazi lucashunwe ochungeni lwe-Arts And Culture TODAY olushicilelwe abakwaMaskew Miller
Longman. Uchunge lweTODAY lune-learning areas yakho konke okukaGrade 7 kuya kuGrade 9.
Okwakha i-drama
Abalingiswa - abantu okukhulunywa ngabo kulowo mdlalo. Ngabe obani okukhulunywa ngabo, yini eyenzeka kubona- Kusemqoka ukwazi umehluko phakathi kwabadlali nabalingiswa - abadlali abantu abadlala kulowo mdlalo kanti abalingiswa yibona okukhulunywa ngabo kuwona. Okusho ukuthi usuke udlala uma uzama ukuzenza owesimame osekhulile kanti umame osekhulile ungumlingiswa.
Ingxoxo yababili - lapha sikhuluma ngamagama ashiwo ngabalingiswa, nendlela abakhuluma ngayo.
Ukudlala - okwenziwa abadlali esteji, ukunyakaza kwabo, indlela abahlala bame ngayo, isimo sobuso babo, nokunyakaza kwezandla nezingalo ngesikhathi bekhuluma.
Ukwakhiwa komdlalo - indlela okuhlelwe ngayo iziqephu - uqala kanjani- Kwenzekeni-
Uphele kanjani-
Izinhlobo zemidlalo
Imidlalo yomphakathi - i-drama ingaba umkhulumeli womphakathi kanti ithinta izinto ezibalulekile kubantu. Lolu hlobo lwemidlalo aludlalwa abadlali
abaqeqeshiwe kodwa ludlalwa yinoma ngubani emphakathini ofuna
ukusebenzisa i-drama ukuze abantu babe nolwazi ngezinkinga nezinselelo
ababhekene nazo.
Imidlalo yezinkampani - isetshenziselwa ukwethula imikhiqizo emisha,
kubuyiswe isithunzi senkampani abantu babe nolwazi ngayo.
Imidlalo yezimboni - isetshenziselwa ukuqwashisa ngezokuphepha, ifundise ngenqubekela phambili, ichaze ngezinkinga ibe negalelo ekwakheni ubudlelwane obuhle.
Imidlalo efundisayo - isetshenziselwa ukudingida ezibalulekile noma ukwenza izifundo zithokozeleke.
BONA ZULU - July 2006
Odlala umdlalo wokudansa
alinganise usebenzisa izandla, izingalo nobuso kunamagama.
Kulungele izingane zeminyaka engu-8-14
Uthi ubuwazi-
UZakes Mda, ongomunye wababhali bemidlalo ye-forum abaphambili eSouth Africa, wasebenzisa imidlalo
ye-forum emsebenzini awenza neMarotholi Travelling Theatre e-University of Lesotho. Babehambela izindawo
ngezindawo besebenzisa imidlalo ngenhloso yokusiza
umphakathi ukuze uthathe izinqumo ngokuphuculwa
kwempilo yawo. Kule midlalo kwakudingidwa ezimayelana nokutshalwa kokudla, ukusetshenziswa kwezifiki, inkinga yophuzo kudingidwe nangezinyunyana. UZakes Mda
usebhale incwadi ethi When People Play People. Ithinta ezinye zezindlela azizama ebambisene nabantu.
Uthi ubuwazi-
I-monologue yingxoxo umuntu ayikhuluma yedwa. Ungayikhuluma uyibhekise komunye umlingiswa, kanti ingaba yi-soliloquy. Kulokho umlingiswa uvame
ukuzwakalisa imicabango yakhe.
Umdlali edlala i-soliloquy.
Umdlalo we-forum - wasungulwa ngu-Augusto Boal waseSouth America owayesebenza e-theatre
kanti lolu hlobo lomdlalo luyasiza ekutholeni izixazululo ezinkingeni esinazo empilweni. Kulo mdlalo abantu bangakwazi ukumisa abadlali bashintshe okwenzeka kuwona.
Siphisana ngamakhophi amahlanu eBackdrop
-- iqoqo leFIVE ONE-ACT PLAYS
ethathwe kwiDIFFERENT BACKGROUNDS.
Thumela imingenelo yakho kuleli kheli:
Backdrop Giveaway
Maskew Miller Longman
PO Box 396, Cape Town, 8000
Ungakhohlwa wukubhala igama lakho, ikheli
nenombolo yocingo kanye negama
lesikole sakho.
Okwenziwa yimbongi.
BONA ZULU - July 2006
Imbongi
Ubumbongi buyinto eyenziwa
emhlabeni wonke. Kunezinhlobonhlobo zobumbongi ezibanda-kanya ukuhaywa kwezinkondlo, izinkondlo zemibhikisho, izinkondlo ezithinta izithixo namadlozi, izinkondlo zothando nezingoma ze-rap. Ubumbongi sebuyingxenye yamasiko emiphakathini eminingi.
Umtitilizo!
