zulu.270.yourfood_soups_2
Isobho elimnandi!
Isobho yisidlo esikahle ebusika. Lenze ulidle nesinkwa, ama-rolls noma ne-toast
OKUMNANDI
PUFF PASTRY TRIANGLES
Sebenzisa i-rolling pin, ndlala i-puff pastry esilungile ibe lugqinsi olungu-7mm ebhodini elivuvuzelwe ngofulawa. Sika kube ngunxantathu. Gcoba ngeqanda elishayiwe noma ngobisi, bhaka ulandele imithetho ebhalwe ephaketheni. Seva kushisa nemajarini.
BEEF AND BARLEY SOUP
* 500g i-lean soup meat (i-shin ethambile, brisket noma i-stewing steak), qoba kube ophisi abancane
* 3 amalitha amanzi
* 1 u-anyanisi oqotshiwe
* 4 ukherothi oqotshiwe
* 2 i-baby marrows eqotshiwe
* 3 izindukwana i-celery eqotshiwe
* 3 amazambane aqotshiwe
* 1 inkomishi (250ml) i-pearl barley
* 2 amaqhuzu esobho lenkomo
* 1 isipuni (15ml) usawoti
* 1/2 i-teaspoon (2,5ml) uphepha
1. Faka inyama namanzi ebhodweni ugxabhise.
2. Faka izithako ezisele, uyeke usawoti nophepha. Yehlisa umlilo, mboza ubilise amahora angu-3.
3. Kupholise, susa amathambo. Fudumeza unonge. Seva ne-toast enoshizi.
Kwanela abangu-6
POTATO AND LEEK SOUP
* 2 izipuni (30ml) imajarini
* 3 ama-leeks aqotshiwe
* 1 u-anyanisi oqotshiwe
* 6 amazambane aqotshiwe
* usawoti nophepha
* 2 amalitha esobho lenkukhu
1. Epanini, shisa imajarini uthose ama-leeks no-anyanisi kuthambe.
2. Faka amazambane, thosa unonge.
3. Faka isobho elenele elizomboza ama-veg, govuza ugxabhise. Yehlisa umlilo, mboza ugxabhise kuvuthwe amazambane.
4. Pholisa isobho. Bonda ngokokubonda amazambane, noma nge-processor. (Faka elinye isobho uma kushube kakhulu.) Nonga isobho useve nePuff Pastry Triangles ne-parsley.
Kwanela abangu-6
CHEESE TOAST
Thosa ucezu lwesinkwa ohlangothini olulodwa. Ndlala ushizi ogreythiwe kolunye uhlangothi, grila kuze kube namabhamuza. Seva nesobho elishisayo.
BUTTERNUT SOUP
* 1 isipuni (15ml) uwoyela
* 2 imisweswe kabhekeni
* 2 u-anyanisi oqotshiwe
* 2 izigaxa ugaligi ogxotshiwe
* 1,2kg i-butternut noma ithanga eliqotshiwe
* 4 izinkomishi (1 ilitha) amanzi
* 2 amaqhuzu esobho lama-veg
* 2 izinkomishi (500ml) ubisi noma 1 inkomishi (250ml) ukhilimu no-1 inkomishi (250ml) ubisi
* usawoti nophepha
1. Epanini, shisa uwoyela, thosa ubhekeni, u-anyanisi nogaligi kuthambe.
2. Faka i-butternut, thosa umzuzu owodwa noma emibili. Thela amanzi nesobho. Mboza, ugxabhise imizuzu engu-20 kuthambe i-butternut.
3. Susa emlilweni. Hlanganisa isobho ngesandla noma nge-electric whisk. Faka ubisi, nonga ufudumeze. Seva.
Kwanela abangu-6
CRISPY BACON SOLDIERS
Hlobisa isobho leButternut ngemisweswe kabhekeni
ne-sour cream.
Uma wenza imisweswe kabhekeni, yithose epanini ichochobale. (Yithose ngokwahlukana ukuze inganamathelani.) Yibeke eceleni uyipholise.
Yisike ngesikele.
►
◄
BEAN AND BACON SOUP
* 1 isipuni (15ml) uwoyela
* 1 iphakethe (250g) ubhekeni oqotshiwe
* 1 u-anyanisi oqotshiwe
* 2 izinduku i-celery eqotshiwe
* 1 isigaxa ugaligi ogxotshiwe
* 1 iqhuzu lesobho lenkukhu elincibilikiswe ku-1 inkomishi (250ml) amanzi abilayo
* 1 x 410g ithini i-baked beans
* 1 x 410g ithini utamatisi oqotshiwe
* usawoti, u-pepper noshukela wokunonga
* 2 ama-teaspoon (10ml) i-parsley eqotshiwe
1. Epanini, shisa uwoyela uthose ubhekeni, u-anyanisi, i-celery nogaligi kuthambe.
2. Faka isobho, ubhontshisi notamatisi. Yehlisa umlilo, bilisa imizuzu engu-10.
3. Nonga ufake i-parsley. Seva kushisa nesinkwa esingamaqhuzu amancane esithosiwe (croutons).
Okwehlukile: Sebenzisa u-polony noma inkukhu esikhundleni sikabhekeni.
Kwanela abangu-6
AMA-CROUTONS
Susa i-crust ezingcezwini zesinkwa esimhlophe. Qoba isinkwa sibe amaqhuzu.
Thosa kuwoyela nakwimajarini kuze kube nsundu ngokusagolide. Ungasebenzisa nama-rolls uwaqobe abe yizindilinga.
CIABATTA TOASTS
Thosa zinhlangothi zombili izingcezu ze-ciabatta bread ezingesilo ugqinsi.
IZELULEKO ZOKWENZA ISOBHO
■ Uma ufaka ama-veg esobheni azoba mnandi kakhulu uma uwathosa kwimajarini kuqala. Kungumsebenzi kodwa umphumela ozowuthola muhle.
■ Ukubilisa isobho isikhathi eside kushintsha umbala walo.
■ Uma ushise isobho, lithele ebhodweni. Qeda iphunga lokusha ngokufaka isithako esisodwa noma ezimbili kulezi: i-mustard, u-curry powder noma i-chutney. Thela kancane kancane uzwe ukuthi kunambitheka kanjani isobho lize libe mnandi.
■ Uma ufake usawoti kakhulu esobheni, faka izambane elingavuthiwe upheke imizuzu engu-15. Izambane aligcini ngokumunca usawoti kodwa limunca nezinongo zesobho ligcine seliyisidlo esimnandi!
■ Ngabe ufuna ukushubisa isobho? Faka amazambane abondiwe ugovuze. Wafake lize lishube ngendlela oyifunayo.
■ Yengeza umsoco esobheni ngokufaka i-pasta esele, noma inyama nama-veg. Uma ama-veg asalile evuthiwe, wabonde ushubise ngawo isobho.
TOMATO AND BASIL SOUP
* 2 izipuni (30ml) uwoyela
* 1 u-anyanisi oqotshiwe
* 3-4 izigaxa ugaligi ogxotshiwe
* 6 izinkomishi (1,5 amalitha) amanzi
* 2 amazambane aqotshiwe
* 1 x 410g ithini utamatisi oqotshiwe
* 2 izipuni (30ml) i-tomato purée
* 2 ama-teaspoon (10ml) i-basil eyonyisiwe noma efreshi engangesandla eqotshiwe
* usawoti no-pepper
1. Epanini, shisa uwoyela. Faka u-anyanisi nogaligi uthose kube nsundu ngokusagolide.
2. Faka amanzi namazambane, gxabhisa. Faka utamatisi ne-purée. Govuza, mboza ugxabhise.
3. Faka i-basil, bilisa kuze kuvuthwe amazambane. Susa emlilweni, hlanganisa nge-whisk. Nonga.
Iseluleko: Hlobisa isobho ngama-olives namahlamvu e-basil afreshi ukuze kunongeke.
Kwanela abangu-6 [z]
Amaresiphi: Gemini Food Promotions
Izithombe: Kim Thunder
