zulu.2640.bec
Owamanqamu weBONA Empowerment 2008!
▲►Amalungu eBONA Empowerment Club ezithokozisa ePyramid eGoli ngoNovember 22, 2008.
▲Abafinyelela kowamanqamu koweMageu Number 1 Small Business Start-Up bekanye noKarin Fritz wabeMageu Number One, Dorah Ditshwene noForce Khashane wakwaBONA.
UDANIEL Mogale, ongumfundi ka-matric waseDiepsloot eGoli nguye owawina iMageu Number 1 Small Business Start-up ka-2008.
Le nsizwa eneminyaka engu-19 yavula indawo yokujima egalaji lakubo ngo-2004 kanti kumanje inamalungu abhalisile angaphezu kuka-100. UDaniel wawina R15 000. ULahliwe Mabusela onenkulisa eSoshanguve eTshwane wawina R7 000.
Owesithathu kwaba nguDaphney Leso owaqala umsebenzi wezivande eSandsloot eMakopane eLimpopo. Lolu hlelo lomsebenzi kumanje seluvulele umphakathi amathuba omsebenzi kanti lusiza ngezimali isikole iNkokone
Primary School lapho uDaphney enguthisha-nhloko khona. Imiklomelo yanikezelwa ngoyi-brand manager yeMageu Number One, uDorah Ditshwene noyisikhulu esiphezulu sezokuthengisa uKarin Fritz.
Okunye okwadonsa amehlo abaningi yinkulumo eyakhayo kaDkt Elijah Maswanganyi waseLimpopo nomculo kaKholeka.
Abaxhasi ababekhona - Mageu Number One, Sasko Flour nabe-Elite Properties. USpeedo Horn wakhuluma ngokuthola imali yokuthenga umuzi neqhaza lenkampani ayimele i-Elite Properties ekwakheleni isizwe imizi.
Ukuze uthole indlu ongayithenga, shayela uSpeedo: 011-807-9750 noma 086-114-6637.
Abe-Elite Properties basiza abantu bathole imali yokuxhaswa, umuzi nangezindlela ezizokwenza ukwazi nokumelana nekhaya lakho. [z]
UMBIKO WABE-BEC
Ijimu yakhe inama-
lungu angu-100
▲UDaniel Mogale owawina koweMageu Number 1 Small Business Start-up, uDorah Ditshwene noKarin Fritz wabeMageu Number One kanye noForce Khashane wakwaBONA.
▲UDkt Elijah Maswanganyi.
▲Umculi womculo wokholo uKholeka.
