zulu.2614.health (2)
Ezempilo
Elase-Africa lithole ikhambi
I-yogurt efakwe izithako eziyisipesheli ingaba yikhambi kwabaneHIV/AIDS abanohudo nezinye izinkinga zesisu, ibavulele namathuba emisebenzi ngokocwaningo olwenziwe eNigeria nguDr Kingsley Anukam weDepartment of Pharmaceutical Microbiology e-University of Benin ekanye noProfessor Gregor Reid ongumcwaningi waseCanada weDevelopment Centre for Probiotics. Iziguli ezadla u-100ml we-yogurt eyengezwe nge-bacteria egunyaziwe (ebizwa nge-probiotics) zawuzwa umehluko ezinkingeni zesisu ezazinazo ezinsukwini ezimbili zidle le-yogurt. Kwi-International Union of Nutrition Sciences Conference esanda kuba seThekwini, uDr Anukam waphawula ukuthi ukwenziwa kwalo mkhiqizo kungavula amathuba amabhizinisi amancane kwabadinga imali ethe xaxa.
IQINISO:
IQINISO:
Isibindi yisitho esinesisindo esikhulu kakhulu emzimbeni.
Umzimba wakho usabalalisa amalitha angu-5,5 egazi kanti ukushaya kwenhliziyo kuphampa inkomishi yegazi.
Faka ama-sunglasses
Ama-sunglasses angaphezu kwento ongahloba ngayo - abalulekile empilweni yabantu baseSouth Africa ikakhulu uma beselangeni. Lokho kudalwa wukuthi ama-ultraviolet (UV) ayimbangela enkulu yokonakala kwamehlo emhlabeni wonkana. Ngokwe-International Healthy Eyesight Campaign, kufanele uvikele amehlo ukhethe izibuko ezi-100 percent we-UV-resistant.
Sebenza uhleke
Unyaka omusha wuqale ngokuzikhumbuza izinsuku ezimnandi ozichithe nozakwenu emsebenzini - phela amahlaya ayabakha ubudlelwane ehlise ukukhandleka kwengqondo ngokusho kukaJanet Holmes umcwaningi waseNew Zealand emva kocwaningo alwenze e-Elsevier. Ngokwakhe, leyo mizuzu yentokozo nihlangene nincokola yenza umehluko omkhulu empilweni. Ngokwemiphumela yocwaningo lwakhe amancoko abesimame akhombisa ukubambisana kanti abesilisa amancoko bawasebenzisela ukuqophisana nabanye nokuphucula indlela ababukeka ngayo.
Hlala uphilile noPATRICIA McCRACKEN
Yidla okunoshukela - uphephe
Nali ikhambi enkingeni enkulu abantu baseSA abacela ezigidini ezingu-2,5 abanesifo sikashukela ababhekene nayo - ukushintsha indlela odla ngayo ugweme ukudla okungakhuphula izinga likashukela egazini.
I-South African Cookbook For Diabetes And Insulin Resistance (Tafelberg, R129) kaHilda Lategan inezidlo ezingaphezulu kuka-230 ezinjengo-curry, ubhontshisi, muffins ne-chocolate cake. Lezi zidlo ziconsisa amathe kanti umndeni wonke ungakhotha iminwe emva kokuzidla nonesifo sikashukela angazizwa ekhishwa inyumbazane uma sekudliwa. Manje ungakwazi ukudla okunempilo nokunomsoco ngenxa kaLategan osekuphele iminyaka engu-30 enguchwepheshe kwezokudla okunomsoco. [z]
BONA ZULU - January 2006
