zulu.2478.ports
ELASE-SOUTH AFRICA linamachweba ayisithupha aphethwe abeTransnet National Port Authority. Lawa machweba aseThekwini, e-East London, eRichards Bay, ePort Elizabeth, eCape Town naseSaldanha.
Maduze nje azojoyinwa elaseNgqura elizoba senyakatho-mpumalanga yePort Elizabeth.
I-MOSSEL BAY yatholwa nguBartholomeu Diaz wasePortugal ngo-1488. Yayaziwa ngokuthi yiBay of Saint Blaise kanti igama layo lashintshwa nguPaulos van Caerden waseNerthelands owathola ukuthi kuleli chweba kugcwele izimbaza.
I-RICHARDS BAY yichweba elikhulu kunawo wonke eSA elisendaweni engu-30-sq/km emfuleni uMhlathuze River osogwini olusenyakatho yeKZN. Le ndawo eyenziwa ichweba ngo-1976 yayinolayini wesitimela nepayipi likawoyela nelegesi elaliya eGoli.
I-KALK BAY isetshenziselwa ukudoba kanti isogwini oluseWestern Cape.
I-VICTORIA ne-ALFRED BASINS – ichweba laseCape Town lokuqala – lineCape Town Waterfront yodumo kanti lisasetshenziselwa uhwebo lwemikhumbi.
EThekwini
Amachweba amqoka eSA
Amachweba asemqoka empilweni yethu – izingubo esizigqokayo, ukudla esikudlayo nezimoto esizigibelayo kungena ezweni lethu ngamachweba aseSA
BONA ZULU – November 2007
...ETHEKWINI sinechweba lesishiyagalolunye kwamatasa kakhulu emhlabeni. Linemishini esezingeni eliphezulu nolayini bezitimela abangu-302 kilometres.
Ngo-1976 angu-6 000 ama-container ayefikela kulona ngenyanga kanti ngo-2004/5 ayesengu-96 882 ngenyanga. Ezithombeni kubonakala indawo enokolweni nokuthuthwa kwe-cornmeal evela kwamanye amazwe.
...I-PORT ELIZABETH imqoka kakhulu kwezolimo. Idume ngokuthunyelwa kwe-manganese ore engamathani angaphezulu kuka-2,7 million kwamanye amazwe.
...I-SALDANHA kuphela eSA ethumela i-iron ore kwamanye amazwe. Kusukela ngo-1976, angu-400 million amathani asethunyelwe kwamanye amazwe.
...I-CAPE TOWN ibuye ibizwe ngeTable Bay, ithumela izithelo kwamanye amazwe, kukhandelwe nemikhumbi kuleli chweba.
Cape Town
Ingu-3 003 imikhumbi eyatheleka echwebeni laseCape Town ngo-2006/7
siqoqelwe nguZAMANDELU MNCWANGO
Saldanha
Ichweba laseThekwini liqashe abasebenzi abangu-35 000 – abangagcwala amakhumbi angu-2 180 angama-16-seater
Okwenzeka...
Emachwebeni ethu
Konke ngama-terminal…
Phakathi emachwebeni kukhona ama-terminal angaphansi kwabeTransnet Port Terminals (TPT). I-terminal yindawo lapho izimpahla zingena khona noma zethulwa khona.
Esewonke ama-terminal emachwebeni ehlukene ase-South Africa angu-16. Ahlukaniswe izikhawu ezine ngokohlobo lwemithwalo asebenza ngalo: Ukwenza isibonelo, izimoto, ama-container, imithwalo emikhulu kanjalo nemincane.
Ichweba laseThekwini lingelimatasa kakhulu eSA nase-Africa. Linezindawo eziyisithupha okwedlula kuzo imithwalo eyehlukene engenisa inzuzo
engu-65% kwetholwa amachweba wonke akuleli.
Amagama ayisipesheli
Berth: Yindawo echwebeni lapho imikhumbi noma izikebhe zima khona, singayifanisa nendawo yokupaka yomkhumbi.
Dock: Yindawo esechwebeni lapho imikhumbi ikhandelwa khona.
Container: Yinto okufakwa kuyona izimpahla bese ivalisiswa ifakwa emkhunjini. Eyi-20 foot yiyona ejwayelekile emhlabeni nakuba engu-40-foot isiya ngokuthatha indawo yayo njengoba izindleko zezinto zokuthutha zikalwa ngokwe-container ngayinye.
TEU: Yisisindo somthwalo wama-container esikalwa ngo-20-foot equivalent units (TEUs). Lokhu kucishe kulingane no-38,5m³.
Bulk cargo: Umthwalo oxegayo omkhulu ofana namalahle, i-ore nokusazinhlayiya okufakwa entweni yokulayisha ngebhande i-conveyor.
Break-bulk: Yinoma yimuphi omunye umthwalo okuthi ngenxa yesisindo sawo, nokungahambisani nokufakwa nezinye izinto, okudingeka ukuba ufakwe ezintweni ezingamabhokisi, ama-crates, uboshwe noma ufakwe kuma-drum.[z]
Amazwe angomakhelwane bethu nawo ayawasebenzisa amachweba ethu - cishe izimpahla zamazwe angaphandle ezingamaphesenti angu-95 zidlula emachwebeni aseSouth Africa.
Isetshenziselwani imikhumbi?
RORO: Wakhelwe ukuthwala izinto ezinamasondo njengezimoto, ama-trailer nezinqola zesitimela. Kunendawana eyenza kube lula ukuthi lokho okusuke kugitsheliswa kuzihambele kalula ngamasondo - kanjalo noma sekwehliswa.
CONTAINER SHIP: Umkhumbi wempahla osetshenziselwa ukuthwala ama-container.
REEFER: Umkhumbi osetshenziselwa ukuthutha umthwalo olayishwe kuma-container imvama ongukudla okufana nama-fruits, inyama, inhlanzi, izitshalo nemikhiqizo yasemadeleni.
BONA ZULU – November 2007
UTHI UBUWAZI?
l Ichweba yindawo esosebeni lolwandle lapho kufikela khona imikhumbi kulayishwe nempahla. Kuyenzeka kungene nemikhumbi yokungcebeleka ethwala abagibeli. Echwebeni kunemishini futhi eyakhelwe ukuba yethule impahla.
l Isikhumulo semikhumbi sona sincane kunechweba kanti sisetshenziswa yizikebhe ezincane zokudoba nezokuzithokozisa.
Udaba oluxhasiwe
