zulu.2445.umoja
Okwaqala kuyiphupho ezitaladini zaseSoweto sekubonwe amazwe angaphezu kwakungu-20 emhlabeni…
BONA ZULU – March 2006
Bagubha ubunye
NGENHLA: Le-show ingaphezu kokugubha umculo wethu – kuyona sithola isifundo ngomlando wezwe lethu.
Izimanga ze-
UMOJA, umdlalo kaTodd Twala noThembi Nyandeni umayelana nobunye, nokuthi umculo nomdanso kwakusihlanganisa kanjani thina njengama-Africa.
Kule-show ebophele abalingisi baseSouth Africa abangu-40 abasebasha kuyadanswa, kushaywe izigubhu ne-marimba, kuculwe umculo onesigqi sesintu, kushaywe i-gumboot; kuculwe i-jazz yaseSophiatown, umculo woKholo, i-kwaito kudanswe nesipansula.
Abadlala kule-show bazalwa emindenini ephila ngamasiko ahlukahlukene kanti Umoja ubanika ithuba lokuxoxa izindaba ezibathintayo – sizwa ngobubha, isibindi nokuzinikela kwabantu.
“Umoja unginike ithuba lokuzimela nokubhekela izidingo zempilo yami,” kusho uSabelo Mahlangu odansa abuye ashaye i-jemba.
“Ngakhuthazwa wububha, nendlala ukuze ngenze okwakhayo ngempilo yami. Kwakumele ngikhethe phakathi kokusebenza nokuphila ngobugebengu. Ngagcina ngithathe isinqumo esifanele.”
UDelisile Ngubeni odansa abuye acule uneminyaka emine eyingxenye ye-Umoja.
“Ngazama inhlanhla kuyona ngoba ngingenayo imali yokuqhuba izifundo zabahlenga izimpilo (paramedics),” kusho yena. “Lokhu kungukufezeka kwephupho lami.”
UDelisile naye njengabanye abakulo mdlalo uyondla kubo. “Kuningi engikwenzele umndeni wami ngemali engiyitholayo.”
U-Todd noThembi babefunda ndawonye kanti bakhetha ukungena endimeni yezikaqedisizungu bedansa becula. Baphinda bahlangana ngesikhathi bethola izindawo ababezolingisa kuzona kuma-show abenza baya naphesheya kwezilwandle ngo-1978.
Kwakuthi lapho besahlabe ikhefu badanse phambi kwabalandeli ababengebaningi. Lokho kwadlondlobala kwaba yilokhu esesikubiza nge-Umoja manje.
Kwakuyinhloso yabo ukuhlanganisa basimamise intsha encishwe amathuba – yilokho asebekwenza
namuhla! [z]
Ungawubuka kuphi:
E-Artscape Opera House, eCape Town kuze kube ngumhlaka 5 March. Izikhathi: NgoLwesibili kuya kuLwesihlanu: 8 kusihlwa; ngemiGqibelo: 3 ntambama nango-8 kusihlwa; ngamaSonto: 3 ntambama nango-7 kusihlwa. Amathikithi abiza: R50-R160.
Iya ku-www.umojatheshow.com
BONA ZULU – March 2006
NGENHLA: Sikhombisa ukuthi umculo wamakhwaya nowoKholo siyawuthanda.
KWESOBUNXELE: Sikhunjuzwa nangezikhathi zaseSophiatown.
indaba nguMONICA FERREIRA noMICHELLE CILLIE
KWESOBU-NXELE: Bashaya i-gumboot dance.
NGEZANSI: Abasunguli bale-show, uTodd Twala noThembi Nyandeni.
