zulu.2397.bec feedback
NGENHLA: Abafundi bakaBONA abaliqhamukisa eVaal belungiselela ukuzitika ngezidlo.
BONA ZULU – November 2005
Amathuba okuvula amabhizinisi eVaal
U-Karin Fritz wakwaMageu Number One ebuka ubhulankethi we-Aranda oyisipho sikaForce Khashane onguMhleli kaBONA.
Umbiko
USheila Maseko owayeshaye imvunulo yesiSuthu wayengumphathi wohlelo emcimbini uForce Khashane onguMhleli kaBONA awuvula ngomkhuleko.
Owangena kuqala ukuzokwethula inkulumo nguSusan Konyana ongusomabhizinisi. U-Susan ungowesimame wokuqala endaweni ukuba nenkampani yakhe yabangcwabi kanti leli bhizinisi waliphatha emva kokwedlula komyeni wakhe emhlabeni. Wethula inkulumo enohlonze ngokubekezela ebhizinisini phezu kwezingqinamba.
UKutlwano Thago waphawula ngeMageu Number 1 njengesiphuzo esinempilo nokuthi ungayithola kanjani imali ngokudayisa lesi siphuzo. Lolu hlobo lwebhizinisi lwasungulelwa ukuhlomisa amalungu eBONA Empowerment Club.
UKhosi Zwane, onguMhleli weVaal Weekly waphawula ngamathuba amaningi avulelwe labo abafuna ukuzisungulela amabhizinisi.
U-Peter Tlholoe, ongumqondisi wezokuthuthukiswa kwebhizinisi kwa-Aranda Textiles waphawula ngempumelelo yebhizinisi lokudayiswa kwemikhiqizo ye-Aranda kumalungu eBONA Empowerment Club.
Okwahlaba abaningi umxhwele ngumyalezo we-video kaConnie Mbowane osanda kuwina umklomelo weShoprite Checkers’ Woman Of The Year. U-Connie waqala uhlelo lwezivande eVaal ukuze kusizakale izingane zesikole kanti nabasebenza kulezi zivande bathola amasenti.[z]
Bangaphezulu kuka-300 abafundi bakaBONA abangabanga nandaba namakhaza eVaal bahambela umcimbi weBONA Empowerment Club. Kulo mcimbi owawubanjelwe eMfuleni Sports Centre eVanderbijlpark kwaqhakambiswa amathuba emisebenzi atholakala kulesi sifunda.
U-Susan Konyana waphawula ngempumelelo yebhizinisi lakhe wakhombisa nezihambeli izindlela ezingawusebenzisa ngazo ubhulankethi wabeSuthu.
NGENHLA: I-Six Feet ecula i-hip-hop yavala ngehlahla kulo mcimbi.
NGENHLA: U-Christine Marot wakwaBONA ebhalisa izihambeli esizwa nguMosidi noLerato.
KWESOBUNXELE: U-Sheila Maseko owayengumphathi wohlelo noPeter Tlholoe wakwa-Aranda.
BONA ZULU – November 2005
