zulu.2155.yourfamily_pregnancy
O
UKUKHULELWA KWAKHO
Uma ukhulelwe uba yisisulu sabantu abasuke bezitshela ukuthi bazi kangcono ngokukhulelwa bakutshele ukuthi yini okufanele uyenze nokungafanele uyenze. Sicele ochwepheshe abazi kabanzi ngokukhulelwa ukuba sizwe ukuphawula kwabo ngezeluleko ezinhlanu okungenzeka uzizwe ngabangani noma ngezihlobo zakho
kushiwo
uma ukhulelwe
UKWELUKA KUDONSA INGANE ESISWINI KANTI UKUSEBENZISA IMITHI YEZINWELE UKHULELWE KUYINGOZI.
Akusilo iqiniso. UDkt. Thami Buthelezi wezifo zabesimame ozinze eP.M.Burg usinika isiqiniseko sokuthi ukweluka izinwele akuyenzi
lutho ingane.
Imithi yezinwele iphephile. Ngokwe-Website ethi otispregnancy.org, udayi wezinwele ungangena esikhumbeni uma uwusebenzisa udlulele emchamweni.
Lowo dayi awenele ukuthi ungaze ube yingozi enganeni. Le Website ibuye ithi nokokwelula izinwele akusiyo ingozi.
UDkt Buthelezi uthi nakuba owesimame okhulelwe kumele agweme ukusebenzisa izinto eziyingozi, ukubukeka kahle ukhulelwe kuyasiza ngalesi sikhathi esinzima esihambisana nokukhathazeka.
Ingane
enkulu
ingaba wuphawu lwezi-
nkinga zokukhu-
lelwa
NGEKE UBELETHE KAHLE UMA SEWAKE WABELETHA NGOKUHLINZWA
Lokhu kungamanga. Akuvamile abesimame baphinde babe nezinkinga ezaba yimbangela yokuhlinzwa uma bekhulelwe. Kodwa uma uzobeletha ngendlela ejwayelekile kufanele ubelethele esibhedlela kuphela - ngokukaDkt Buthelezi noDkt. Meshack Mbokota ozinze ePitoli.
UDkt. Mbokota uthi awukwazi ukubeletha ngendlela ejwayelekile uma usuhlinzwe kabili ngoba indawo owahlinzwa kuyona ingavuleka ungakabelethi.
YIDLA KONKE OKUTHANDISWAYO UDLE KAKHULU UMA UFUNA INGANE ENKULU EPHILA KAHLE
Lokhu akusilo iqiniso. NgokukaDkt Buthelezi, okumqoka wukuthola ingane ephila kahle kunenkulu.
"Ubukhulu bengane bungaba wuphawu lwezinkinga ezihambisana nokukhulelwa njengokuba nesifo sikashukela esingazange sibonakale noma silawuleke sigcine sesidale izinkinga ngesikhathi sokubeletha," kusho udokotela.
Owesimame okhulelwe kumele adle kahle njengabo bonke abantu ngokukaDkt Mbokota.
Uma ukhulelwe, isisindo sakho singafinyelela ku-12,5kg ngokusho kwakhe.
Ngesinye isikhathi ukuthandiswa ukudla okuthile kusuke kuyindlela umzimba wakho okutshela ngayo uma kukhona okudingayo oshoda ngako - njenge-iron noma i-calcium - kodwa ukuthandiswa kuyingozi ngoba kungakukhuluphalisa.
ISISU SIYAPHUPHUMA UMA UPHUZE OKUNYE NGAPHANDLE KWE-PANADO
Akusiwo amanga. Gwema imithi ongayiyalelwanga ngudokotela noma umhlengikazi ikakhulu emasontweni angu-12 ukhulelwe - ngokukaDkt Mbokota ugweme notshwala.
IZINGUBO EZIKUBAMBAYO ZIYINGOZI ZIMPINTSHA INGANE
Lokhu akusilo iqiniso. Ngumama kuphela ongakhululeki uma egqoke izingubo ezimpintshayo ngokukaDkt Mbokota. UDkt. Buthelezi uthi kungenzeka abantu lokhu bakusebenzisa njengendlela yokutshela abesimame abakhulelwe ukuthi mabagqoke bahlonipheke. [z]
Indaba: Ntokozo Maseko
QAPHELA
I-Website ethi www.kidshealth.org ithi
qaphela uma welulekwa ngokuthi:
Yeka imithi oyinikwe ngudokotela (njengamavitha-mini anikwa abesimame abakhulelwe).
Gwinya noma uhogele into ongayiyalelwanga ngudokotela wakho (njengamakhambi nezidakamizwa).
Uma wesatshiswa ngempilo yengane yakho
ngoba ukukhathazeka kwakho
kungathikameza impilo
yengane.
UMA KUDINGEKA UKUBA UHLINZWE
UDkt. Buthelezi uthi umama ngeke abelethe ngokujwayelekile uma enalezi zinkinga:
Ekhubazeke kwesingezansi.
Isisindo sengane singaphezu kuka-3,5kg.
Enomzimba ongondlekile emncane kwesingezansi nokungenza ikhanda lengane lingaphumi kahle.
Uma ingane izalwa ngaphambi kwesikhathi
Umama ekhulelwe amawele.
