zulu.1118.soccer preview
Isizini entsha
NGESAMBA semali engu-R100-million, amaqembu ePSL asengena ezingeni lobuchwepheshe njengoba esethole izingqalasizinda ayegcina ukuphupha ngazo eminyakeni eyedlule.
Lesi samba esikhulu kangaka semali sizokwenza ukuba namaqembu amancane akwazi ukuba sezingeni lebhola elifanayo nelamakhulu.
Kodwa okwamanje, izimfivilithi ezijwayelekile kuseyizo ezizobhekwa ekuqaleni kwesizini kule nyanga…
l I-MAMELODI SUNDOWNS njengamanje isemkhankasweni wokuthola isicoco sesithathu kanti inabadlali abanekhono elimangalisayo.
Indlela leli qembu elasithatha kalula ngayo isicoco ngonyaka odlule kubandakanya ukuwina izikhathi ezingu-11 phakathi kukaJanuary no-April kungubufakazi bethalente elikulona. Leli qembu kungenzeka libe nenkinga enkulu ekukhankaseni kwalo okuzayo…
Abadlali abaningi bashiywa yiminyaka ekubeni nalo lizophazanyiswa yimidlalo ye-African Champions League.
Owaqokwa njengoMdlali woNyaka uGodfrey Sapula wadlala indima enkulu ekuphumeleleni kwaleli qembu kuleli qembu - uzokuba neminyaka engu-34 ngoNovember, ekubeni nabadlali abafana noMichael Manzini noPeter Ndlovu nabo sebeshiywa yisikhathi.
Abadlali basesiswini u-Esrom Nyandoro noBenson Mhlongo, ukwenza isibonelo, banomlando omude wokulimala.
Ngesizini edlule uManqoba Ngwenya kwadingeka ukuba angadlali isizini yonke, kanti uDillon Sheppard yena wadlala indima encane kuleli qembu ngenxa yokulimala kwabo bobabili.
Ngesizini edlule, ukwenza isibonelo, uClement Mazibuko akazange adlale, kanjalo nabantu abafana no-Oscar Ntwagae, Elias Ngwepe no-Tyren Arendse babedlala kuma-reserves ekubeni babengadlala ezikimini ezinkulu kwamanye amaqembu ePSL.
I-Sundowns izolokhu ithembile ukuthi u-Mbulelo “OJ” Mabizela abuye emva kokumiswa ngenxa yezidakamizwa. Lo mdlali wasemumva cishe ukubonile ukuthi ukumiswa kunjani, kanti ungomunye wabadlali abaphambili eSA.
l I-ORLANDO PIRATES yathenga abadlali abaningi ngaphandle kokubhekela ikhwalithi yabo.
AmaBhakabhaka kumanje asathembele kumdlali wawo wasesiswini uBenedict Vilakazi kodwa abakamtholi umgadli ozosebenzisana naye.
Ngenhlanhla ezikaMagebhula zikwazile ukuthola iziqongqwane ezifana no-Innocent Mdledle noLucas Thwala asebeyingxenye yeBafana.
l I-KAIZER CHIEFS ayizange idlale kahle kusukela kwahamba uCollins Mbesuma owayiwinela izicoco ezimbili ngekhono lakhe lokushaya amagoli.
I-Chiefs yayaziwa ngonyazi lwabagadli ababefana no-Samora Khulu, Fani Madida noShane McGregor, kodwa kulawa masizini adlule, kubukeka lokho kuya kushabalala.
Umqeqeshi waMakhosi omusha uMuhsin Ertugral ngicabanga ukuthi lokhu yikho okuzombusa emqondweni emizamweni yokukhuphula izinga leChiefs eyaqeda ingunombolo 9 ngesizini edlule.
“Kufanele sibuyise ibhola lethu esaziwa ngalo nokuba sizihlele kahle emumva ngoba akufani neChiefs ukungenelwa amagoli amaningi kangaka njengoba kwenzeka ngesizini edlule,” kusho u-Ertugral ngesikhathi ebuyiswa njengomqeqeshi weChiefs.
Amanye…
U-Ertugral akusiyena kuphela umqeqeshi oshintshe iqembu. uRoger de Sa naye usebuyile kwiWITS UNIVERSITY eyayiqala kahle kakhulu isizini yonyaka odlule kodwa kwabuye kwangayihambela kahle.
U-Ian Gorowa okwamanje nguye umqeqeshi omusha weMOROKA SWALLOWS, owathatha izintambo kuGavin Hunt okumanje usengumqeqeshi weSUPERSPORT UNITED.
UHunt wakwazi ukuthatha iZinyoni azibeke endaweni yesithathu.
I-BLOEMFONTEIN CELTIC isiqashe uKhabo Zondo owayekwiClassic neLamontville Golden Arrows njengomqeqeshi wayo omusha.
UGorowa owayeyisekela lomqeqeshi kwi-Ajax, wethusa abaningi ekuqokweni kwakhe kodwa wanxusa abalandeli ukuba bamnike isikhathi.
“Ngifuna ukuba iSwallows ngiyiwinele izinto ngibuyise izinsuku ezinhle zakudala sikwazi ukuqhudelana nabantu abafana noChiefs noPirates,” kusho yena.
“Inhloso yami enkulu wukuba sidlale ingcwenga yebhola elithokozisayo, ukuze nemiphumela ibe mihle.
“Kodwake izinto azenzeki ngokuphazima kweso. Ngikholwa wukuthi iSwallows ngingayenza elinye lamaqembu amakhulu nahlonishwayo kwiLigi.
“Engikucelayo wukuba abalandeli bangibekezelele.”
Kukhona neJOMO COSMOS ongeke uyiqonde. Leli qembu lakhombisa ukwehla emva kokudayiswa kukaChris Katongo eDenmark, kodwa liyethemba ukuthi u-Anthony Laffor uzokwazi ukufeza izethembiso zakhe… [z]
BONA ZULU – August 2007
Ngabe iPirates ithembele kakhulu kuBenedict Vilakazi?
UGodfrey Sapula owaba negalelo ekunqobeni kweSundowns - ngabe useshiywa yiminyaka?
Ubani ovuthayo nongavuthi
Njengoba kunezivumelwano ezinkulu zeTV, amaqembu angu-16 ePSL aqala isizini entsha ebheke izethembiso ezinkulu…
indaba nguMARK GLEESON
izithombe ngabeGALLO IMAGES
Umdlali wasemumva oshisayo uLucas Thwala.
BONA ZULU – August 2007 103
Ngabe u-Elias Ngwepe uzolithola ithuba lokuzibonakalisa kule sizini?
u
t
Ngifuna ukuwinela iSwallows izinto
URoger de Sa usebuyele kwiWits.
104 BONA ZULU – August 2007
U-Ertugral ewina enye indebe.
I-Bloemfontein Celtic isiqoke uKhabo Zondo njengo-mqeqeshi.
PSL 2006/07 amaqiniso nezibalo
IMIDLALO
Imidlalo edlaliwe: 240
Eyawinwa yiqembu lasekhaya: 112
Ukudlala ngokulingana: 68
Eyawinwa yiqembu lokuhamba: 60
AMAGOLI
Amagoli ashaywa: 524
Iqembu lasekhaya: 306
Iqembu lokuhamba: 218
IMIPHUMELA
1-0 – 37 izikhathi
0-0 – 33 izikhathi
1-1 – 26 izikhathi
2-1 – 25 izikhathi
1-2 – 20 izikhathi
2-0 – 19 izikhathi
0-1 – 14 izikhathi
0-2 – 12 izikhathi
UKUHLASELA OKUHLE
Uma ubheka indlela eyadlala ngayo ngesizini edlule, iSundowns kusho ukuthi yayishaya amagoli angu-1,50 kuyo yonke imidlalo.
Lapha kulandela iChiefs eyayishaya amagoli angu-1,40 ngomdlalo, bese kuba yi-SuperSport neCosmos ababambana ngamagoli angu-1,27 umdlalo ngamunye.
UDONGA OLUQINILE EMUMVA
I-Sundowns nalapha isazihola phambili ngokungenelwa amagoli esingathi angu-0,57 umdlalo.
Abalandelayo yiSilver Stars, abangenelwa amagoli angu-0,70 umdlalo umunye kulandele iSuperSport nangu-0,73.
U-Ian Gorowa uthathe izintambo njengo-mqeqeshi kwiSwallows.
