zulu.1977.yourstyle_beauty
QHAKAZA ngalobu busika!
GQAMA UBE MUHLE
Imibala ecwebezelayo egqamile ebikade isesitayeleni ehlobo isazoba mihle idlise kunaleyo ezothile esetshenziswa ebusika.
Ezinkopheni kuzofakwa imibala e-turquoise ne-purple, ezinziphweni kufakwe imibala ebhlu, e-pink ngisho nephuzi imbala.
ECWEBEZELA NGOKUZOTHILE
Imibala esagolide, eyisiliva neyithusi kanye neminye ecwebezelayo isazodlisa iqhakazise ubusika - kodwa ngeke kulunge uma uyisebenzisa yonke kanye kanye ngaphandle uma unesizathu esenza ukuba wenze njalo.
IMIBALA ENGAGQAMILE
Abanamahloni okugcoba ama-nail polishes amasha angagqamile aqale ukutholakala ezitolo ekupheleni kwehlobo mabazame le mibala. Okuhle wukuthi imibala e-navy blue ne-purple ibukeka kahle ezinziphweni ezimfishane. Le mibala ungayifaka ezinzwanini!
EMIHLE EGQAMILE
Imibala egqamile isazobonakala nasebusika kodwa e-berry nebomvu ngokugqamile ikahle ezindebeni nasezinziphweni kanti nayo izoba yintandokazi kule sizini.
Abangenamahloni bangafaka umbala o-cerise-pink ezindebeni.[z]
Indaba: Patricia McCracken
(Imithombo: Revlon, Yardley, Nailene, Lalu, Avon)
EZOBUHLE
Sebenzisa iziphaqulo ezisesitayeleni kule sizini
BUKEKA KAHLE NGAPHANDLE KOKUSEBENZISA IMALI ENKULU
Iziphaqulo ziyindlela enhle yokushintsha indlela obukeka ngayo. Kodwa ukuthenga ezibizayo kuwukumosha imali. Nakhu okufanele ukwenze ukuze ubukeke kahle:
Qalaza ngaphambi kokuthenga
Ama-counter aneziphaqulo mancanyana, iya kwambalwa ukuze ujwayele imibala emisha. Hlola umkhiqizo owuthengayo ngaphambi kokuwu-thenga.
Ongaqala ngako
Ngesikhathi usacabanga ukuthi uzokhethani, yiba nohlelo lozoku-sebenzisa ebusika, kweluleka uFaith Seuoe.
"Iningi lethu liba nesikhumba esikhanyayo ebusika," kuchaza yena. "Bheka ukuthi i-foundation yakho yasehlobo isekahle yini ebusika."
Yifake kancane
Faka imibala egqamile kodwa uyifake kancane. Okunye ongakwenza wukufaka i-gloss phezu kwe-lipstick engagqamile.
Cabangela ingomuso
Yonga imali uthenge iziphaqulo eziyohlala zisesitayeleni ngokukaFaith. Imibala egqamile isazodlisa kanti yifake eqoqweni leziphaqulo ozozisebenzisa.
