zulu.1795.yourworld_entertain_2
WINA!
Ongakufunda
ISIPHO SEHAMPA KA-R1 500
UKUGUBHA iMother’s Day, siphisana ngamahampa amabili amanoveli akwaPenguin Books abiza R750 iyinye.
IHAMPA yokuqala inalokhu:
■ Baking Cakes In Kigali: Kule noveli sizwa ngo-Angel Tungaraza, owesimame onekhono lokubhaka obuye asize abangani, omakhelwane namakhasimende.
■ The Help: Abasiza ezindlini balwa nempatho yo ‘madam’ babo eDeep South eMelika ngo-1960.
KANYE: ne-A Lost Wife’s Tale neThe Common Lawyer.
IHAMPA yesibili inalokhu:
■ Tea Time For The Traditionally Built: Umseshi waseGaborone uMma Precious Ramotswe uphenya icala elithinta iqembu lebhola.
■ The Girl Next Door: Lolu wudaba lomzwangedwa nothando lweqiniso olwenzeka emafulethini aseNew York.
KANYE: neBaking Cakes In Kigali neThe Marriage Bureau For Rich People.
Thumela igama lakho nekheli nge-postcard kuleli kheli: BONA/Mother’s Day Books, Box 32067, Mobeni 4060; noma uSMSe PENGUIN ku-35919. Usuku lokuvala: May 29, 2009.
Sibukeza amaDVD
Bolt
Umqondisi: Byron Howard
Abadlala phambili (amaphimbo): oJohn Travolta, Miley Cyrus
■ U-Bolt yinja enamandla kulo mdlalo wamahlaya olungele umndeni wonke.
FUNDA, UBUKE, UPHUMULE
Body Of Lies
Umqondisi: Ridley Scott
Abadlala phambili: Leonardo DiCaprio, Russell Crowe
■ U-Leonardo DiCaprio yimpimpi efuna umkhondo wevukela-mbuso kule-movie ezophakamisa amaphaphu akho. Kodwa indlela ephela ngayo ayiyinhle neze.
Ongazijabulisa Ngakho
▲Man Joe’s Place
Lapha awugcini ngokushisa inyama efreshi kuphela kodwa ungathenga nokokucima ukoma e-bar esesitezi sesibili. Le ndawo iseThekwini eMatendeni, ku-A Section. Vula amehlo nezindlebe zakho ngoba kanye ngenyanga behlisa amanani abo ngo-10%.
■ Ngabe ufuna siqhakambise i-restaurant, i-tavern, i-carwash noma iSonto lakho? Sithumelele i-e-mail:bona@dbn.caxton.co.za. Sitshele kancane ngaleyo ndawo bese usifakela nenombolo kanye nezithombe ezimbalwa.
Quantum Of Solace
Umqondisi: Marc Forster
Abadlala phambili: Daniel Craig, Olga Kurylenko
■ Impimpi uJames Bond, 007, ulwa neqembu lezigelekeqe kule filimu engemnandi kakhulu.
◄Inanda Car Wash
Le car wash ivulela abantu bendawo amathuba emisebenzi kanti ikahle uma ufuna ukuhlangana neziphalaphala zezintokazi. Amakhasimende angapheli kule ndawo ayakufakazela lokho.
Universal Church Of The Kingdom Of God
Uma kungukuthi uke ucabange nge “Pharadesi eMhlabeni”, emqondweni wakho kumele kufike i-Universal Church of the Kingdom of God (UCKG). Leli bandla eliseDiepkloof eSoweto, ekhoneni lika-Immink noKokwane Street, eZone 6, lihle kanti lithatha abantu abangu-8 000. Linendawo yokupaka izimoto eyakhelwe ngaphansi.
▲I-Cool Runnings
Ubani othi indawo yasePitoli ayibi nampilo kusihlwa? Ngineqiniso lokuthi lowo muntu akakaze aye eCool Runnings. Le yi-bar eyenziwe ngesiCarribean. NgoLwesihlanu nangoMgqibelo kusihlwa kunandisa oDJ – kodwa kumele usheshe ufike ukuze uthole indawo ekahle!
Umculo
Paper Trail
Yilalele uze ufike emucwini wesihlanu ukuze uzwe kahle ukuthi uTI wenze umsebenzi oncomekayo ngempela – kuleCD kuboshelwe izingwazi ezinjengoJay-z, Kanye West noRihanna. Imicu ongayilalela ithi Swagga Like Us nothi You Ain’t Missin’ Nothing osabalalisa umqondo wakho.
Putumayo Presents African Reggae
Wunqambothi lweCD lolu! Nabangesiwo amaRasta bazozwa ubumnandi bemicu efana nothi Krebo Cleo.
Coba Coba
Unyakazisa umzimba uma ulalele leCD kusukela emucwini othi Concheperla! Iyingxube yezingoma zaseSouth America zeNovalina.
Nihlanganiselwe nguSlash Luthando
