ZULU.174.trivia
Happy birthday, Trevor
OGUBHA usuku lwakhe lokuzalwa kule nyanga nguTrevor Manuel, owazalelwa eKensington, eCape Town, ngomhlaka 31 January 1956. Ungungqongqoshe wezoMnotho eSA kanti wangena kwezepolitiki ngo-1981 njengonobhala jikelele weCape Areas Housing Action Committee. Wabuye waba yilungu lesigungu esikhulu kwi-United Democratic Front (UDF).
NgoSeptember 1985, waboshwa wavalwa umlomo kwaze kwaba ngu-August 1990. NgoMarch 1986 wabuye wavulwa umlomo. Ngo-August kulowo nyaka, uManuel wabuye waboshwa ngaphansi komthetho wesimo esibucayi kwaze kwaphela iminyaka emibili. Waphuma ngoJuly 1988, waphinde waboshwa ngoSeptember 1988 waphuma ngoFebruary 1989.
Emva kokuvulwa kwe-ANC umlomo, uManuel waqokwa njengesekela lomgqugquzeli eWestern Cape. Ngo-1996 uMongameli Mandela wamqoka njengongqongqoshe wezeziMali.
I-World Economic Forum yaqoka uManuel njenge “Global Leader For Tomorrow” ngo-1994 wabuye waklonyeliswa ngomsebenzi asewenzile.
NgoSeptember 23, 2008, wasula njengongqongqoshe wezeziMali emva kokwesula kukamongameli uThabo Mbeki. Wabuye wamemezela ukuthi angaqhubeka asebenze ngaphansi kukamongameli omusha uKgalema Motlanthe. Wabuyiselwa kwikhabhinethi eyamenyezelwa ngoSeptember 25.
AMAKHASI ATHOKOZISAYO
Konke nge…
NHLANZI ETINYELAYO
■ Izinhlanzi ezitinyelayo zihlobene nezinhlanzi noshaka kanti zitholakala emanzini ezindaweni ezifudumele ezigudle ugu emhlabeni wonkana. Zitholakala nasemanzini emifula ese-Asia nase-Africa.
■ Lezi zinhlanzi zibhukuda ngezinsiba zazo ezinjengamaphiko.
■ Lezi zinhlanzi aziziboni izinto ezifuna ukuzidla ngoba amehlo azo nemilomo kungaphezulu emzimbeni. Ukudla zikuzwa ngephunga zibheke umsinga ukuze zibone into ezizoyidla.
■ Okubukhali ezikusebenzisa uma zitinyela kusemgogodleni kanti kuqala emsileni oyisiswebhu esifana nozipho. Ezikutinyela ngako zikuhlaba ngako kusale okunye ukuze kukhule. NgoSeptember 4, 2006, uSteve Irwin owayesebenzela umabonakude e-Australia wahlatshwa yile nhlanzi esifubeni washona.
■ Ubukhulu balezo ezindala bulingana nempama yesandla somuntu kanti ezinye izinhlobo njengalezo ezinomsila omfishane zinemizimba engu-2m ububanzi ubude bube ngu-5m.
Bheka Umfanekiso
Bheka isithombe uthole izinto eziqala ngohlamvu B ngesiNgisi. Zibhale ngezilimi ozaziyo.
I-Santos Football Club yasungulwa eHeideveld eCape Flats ngo-1982. Leli qembu elibizwa nge “The People’s Team,” lizinze e-Athlone Stadium.
UMusa Otieno Ongao ongukaputeni walo ongomunye wabadlali baseKenya abaphumelelayo waqala ukudlalela iqembu lakhe lesizwe bebhekene neZaire ngo-1993 eneminyaka engu-19.
U-Erwin Isaacs odlala kwiSantos uyena osefake amagoli amaningi. Lo mdlali wafaka amagoli angu-11 ngesizini ka-06/07 yePSL wafaka angu-12 ngesizini ka-07/08.
U-Duncan Crowie usaphethe irekhodi lokufaka amagoli amaningi – wafaka angu-19 ngo-1991.
YUMMY?
I-restaurant eseStockholm, eSweden, idayisa ukudla okufakwe ugaligi kuphela. Kuleli lizwe bane-cheesecake kagaligi
UTHI
UBUWAZI?
Isibindi siyindlala enkulu emzimbeni womuntu. Sikhiqiza inyongo esiza ekugayeni ukudla.
Lena yinyanga yokuqala onyakeni ekhalendeni lamaRoma nakwelethu. Ibalwa kweziyisikhombisa ezinezinsuku ezingu-31 kanti ngale nyanga kuyaphola ezindaweni eziseNtshonalanga kanti kufudumele kweziseNingizimu.
U-January ususelwa kuJanus, “isithixo somnyango wokungena,” kanti lokhu kuyahambisana njengoba uJanuary uyisingeniso sonyaka omusha.
UMLANDO WASE-SA
■ 1957
January 30: I-United Nations yatshela elaseSA ukuthi alishintshe umgomo walo wobandlululo.
■ 1974
January 11: Kwazalwa uDavid, Elizabeth, Emma, Grant, Jason noNicolette Rosenkowitz eCape Town. Kwakuqala ngabo emhlabeni ukuthi kuzalwe amawele ayisithupha akhule aphile.
■ 1976
January 5: Kwavulwa isiteshi sokuqala sikamabonakude se-SABC.
■ 1991
January 9: Izingane zabansundu zamukelwa okokuqala ezikoleni zabamhlophe.
January 29: U-FW de Klerk, owayenguMongameli waseSA, uNelson Mandela, owayeyisekela likamongameli we-African National Congress, noMangosuthu Buthelezi, umholi weNkatha Freedom Party bahlangana baqala izingxoxo zokuthula.
■ 1994
January 16: I-PAC iqeda umzabalazo wayo wezikhali.
■ 2002
January 29: I-Doctors Without Borders, inhlangano yosizo yamazwe ngamazwe, yaqala ukuthumela imishanguzo ye-AIDS eshibhile etholakala kalula eSA yenza okuphambene nemithetho eqondene nokukhishwa kwemithi kuleli. [z]
Faka Amagama
Funa indawo efanele ufake amagama abhalwe ngokubomvu asohlangothini lwesobunxele
