zulu.1737.cleaning
YONGAIMALI
YIBA nalezi zinto ezilandelayo ekhishini lakho ukuze ungazisweli izinto zokuhlanza ikhaya ezishibhile, ezingaxabani nemvelo, ezisebenzayo:
U-Vinegar Omhlophe: Ususa u-grease, uyavuselela, uqeda iphunga, unezibulali magciwane.
I-bicarbonate of soda (bicarb): Iyahlanza, iqeda iphunga, ithambisa amanzi.
Ulamula: Unezibulali magciwane, uyahlanza, uyavuselela.
I-Borax: Iyahlanza, iqeda iphunga, ibulala amagciwane - ungayisebenzisela ukubulala izinambuzane. (Qaphela: Nakuba i-borax ingeyemvelo, ingaba yingozi ezinganeni nasezilwaneni ezifuywa ekhaya kanti akufanele ibekwe obala)
okokuhlanza ikhaya
Ongahlanza ngako noma yini: Hlanganisa uhhafu wenkomishi ka-vinegar nekota yenkomishi ye-bicarb, ujusi kahhafu kalamula namalitha amabili amanzi. Ngalokhu ungahlanza noma yini kubandakanya naphansi. (Qaphela: Ungawufaki u-vinegar uma uhlanza indawo ene-granite.)
U-powder wokukhuhla: Hlanganisa izipuni ezine ze-bicarb nezine zamanzi ukwenza inhlama.
Upholishi wefenisha: Faka ingxenye eyodwa kajusi kalamula ezingxenyeni ezimbili ze-olive oil (okungeyona eyokupheka oyithenga ekhemisi) noma ze-vegetable oil.
Okokuhlanza amawindi: Faka inkomishi ka-vinegar omhlophe emalitheni amathathu amanzi - consisela nojusi kalamula nensipho eluketshezi yokugeza izitsha ukuthele ebhodleleni le-spray.
Okokubulala amagciwane nokokuhlanza indlu yangasese: Hlanganisa inkomishi ye-borax namalitha amane amanzi ashisayo.
Susa amabala
Ngeshwa amabala awasuki wonke, ikakhulu uma emadala.
Okumqoka okufanele ukukhumbule ukuwasusa ngokushesha. Okunye okumqoka ukungawasusi ngamanzi ashisayo, noma ufake ingubo emanzini ungakalisusi ibala. Mbambatha ibala ngendwangu ehlanzekile (ungalihlikihli, lizongena lihlale endwangwini) uthele amanzi abandayo.
Kukhona okokususa amabala ongakusebenzisa. Landela imithetho yokuwashwa kwendwangu ngaphambi kokususa ibala, uqaphele uma ibhalwe ukuthi iwashwa elondolo kuphela.
Uma kutheleka ukudla engubeni ungekho ekhaya, usawoti uwamunca kahle amabala okudla okunamafutha.
Yiba nebhodlela lamanzi e-soda water ozosusa ngawo amabala atheleke kukhaphethi. Thela kancane endaweni enebala, umbambathe kome.
Amafutha ekhandlela ungawasusa nge-paper towel ne-ayina elifudumele. Uma amafutha omile, waphale. (Uma ethambile, waqinise ngeqhwa.) Beka indwangu phakathi kwamaphepha amhlophe aqinile u-ayine iphepha ulishintshe zikhathi zonke kuze kusuke amafutha ekhandlela.
Sebenzisa indlela efanayo uma amafutha ekhandlela ekukhaphethi. Qaphela ungashi ukhaphethi.
Ukususa u-chewing gum: Beka iqhwa phezu kuka-chewing gum. Wuphale uma usuqinile. [z]
BONA ZULU July 2008
I-Bicarb, u-vinegar omhlophe nolamula - zingakusiza lezi zinto ekuhlanzeni ekhaya.
yokuhlanza
yonke into ekhaya lakho
Indlela
Njengoba imikhiqizo yokuhlanza amakhaya neyokususa amabala ibalulekile ekugcineni amakhaya ethu ehlanzekile, ivame ukunganakwa leyo eshibhile, okungeyemvelo... indaba nguGrace Khuzwayo, izithombe ngu-Alexis Diack
Uma ufuna ukuhlanza amawindi, hlanganisa inkomishi eyodwa ka-vinegar omhlophe namalitha amathathu amanzi - faka kancane ujusi kalamula ne-dishwashing liquid ukufake ebhodleleni le-spray.
Gcina ikhaya lakho lihlanzekile
Ifriji: Lihlanze njalo ngaphandle nangaphakathi.
Beka i-bicarb ngaphakathi efrijini ukuze idonse iphunga. (Yichithe emva kwezinyanga ezimbalwa ufake enye.)
Umgqomo wezibi: Vuvuzela i-bicarb ukuze kuphele iphunga. Uma ufuna ukuwugcina uhlanzekile ungenazinambuzane, vuvuzela i-borax.
Okhaphethi: Vuvuzela i-bicarb uyeke isikhashana ngaphambi kokusebenzisa i-vacuum.
Zenzele i-air freshener: Hlanganisa ujusi kalamula namanzi ufake ebhodleleni le-spray - faka amaconsi ambalwa kawoyela wakho owuthandayo.
UKUHLANZA I-TOASTER
I-toaster: Ivame ukunganakwa kuze kugcwale izimvuthu zesinkwa.
Okokuqala, qiniseka ukuthi i-toaster ayiplakiwe nokuthi iyabanda. Yibeke ephepheni ukuze ungangcolisi uma usuyihlanza. Uma inethreyi elisuswayo, lisuse, uma usususe izimvuthu, ligeze ngamanzi ashisayo anensipho ulomise kahle. Uma ithreyi lingaphumi, phendula i-toaster ibheke phansi uyixukuze kuze kuphume zonke izimvuthu. Izimvuthu ezishile ungazisusa ngesixubho esihlanzekile noma nge-pipe cleaner. Ungaphali ngento eyinsimbi ngoba ingabulala i-toaster.
BONA ZULU July 2008
Hlanza indlu kalula
I-bathroom
Yingxube ye-bicarb engahlanza obheseni nobhavu.
Izitsha
Uma ufuna ukuqhakazisa izitsha zakho, faka isipuni se-bicarb nojusi kahhafu kalamula emanzini ozozigeza ngawo. (Ungafaka nolamula osuwukhamile; usiza ngokususa u-grease uqabule namanzi).
Ukususa amabala
Thela uhhafu wenkomishi ye-bicarb nohhafu wenkomishi ka-vinegar omhlophe umboze. Le ngxube izohlohloza okwesikhashana. Emva kwehora, shaya ithoyilethi ngamanzi abandayo (Qaphela, u-vinegar akufanele uwusebenzise kanye ne-bleach noma okunye kokuhlanza i-drain, noma uwusebenzise emva kokusebenzisa lezi zinto esizibalile ngoba ukukuhlanganisa kungazixabanisa kuphume intuthu eyingozi.) Uma i-drain ivalekile, thela inkomishi kasawoti nenkomishi ka-bicarb ulandelise ngeketela lamanzi abilayo.
Amaketela
Amaketela agqwalile ungawahlanza ngamanzi ano-vinegar ugxabhise le ngxube. Khumbula ukulihlambulula ngaphambi kokulisebenzisa, ugcwalise namanzi uwabilise ukuze lihlanzeke kahle!
Ilondolo
Faka uhhafu kuya ku-three quarter wenkomishi ye-bicarb ezingubeni zakho ukuze uthambise indwangu kusuke namabala - ungafaka nojusi kalamula ukuze kube nephunga lemvelo.
Ama-microwave
Susa izinsalela zokudla ngenhlama ye-bicarb, noma ngesihlanzi esingakhethi. Ungaqoba nolamula uwuhlukanise kabili ukhame ujusi wawo, wufake endishini enamanzi uwubilise kwi-microwave. Umhwamuko uzothambisa ukungcola i-microwave inuke kamnandi. Sula.
Amakhethini
e-shower
Wawashe emshinini wokuwasha. Ungawawasha nangesandla, ufake inkomishi ye-bicarb noma inkomishi ka-vinegar omhlophe.
I-Steam iron
Sebenzisa le ndlela engenhla ufake amanzi ano-vinegar e-ayineni udedele isitimu amanzi aze aphele wonke e-ayineni. Gcwalisa amanzi ahlanzekile uphinde uvulele isitimu ukuze lihlanzeke kahle.
Ithoyilethi
Ukuze indlu yangasese ihlanzeke kahle, thela inkomishi ye-borax esihlalweni sendlu yangasese ukuyeke ubusuku bonke. Khuhla ushaye ithoyilethi ngakusasa ekuseni.
BONA ZULU July 2008
Izeluleko zochwepheshe
UWenzile Mpanza, opheka ehhotela laseThekwini
"Sisebenzisa u-vinegar uma sihlanza phansi nasemakhabetheni ngaphezulu. Uyahlanza ususe namagciwane. (Hlanganisa uhhafu wenkomishi ka-vinegar ku-two-litre kajeke wamanzi.)
Sisebenzisa imikhiqizo yokuhlanza esetshenziswa ezimbonini uma sihlanza indawo enkulu.
Uma sisusa amabala emfaniswaneni simbambatha ibala ngosawoti. Uma siphuthuma, siphendula izinkinobho emfaniswaneni ukuze kufihleke ibala." (Yingakho abapheki begqoka amajakhethi ayi-double-breast!)
ULindiwe Kuzwayo, umsiki wengqephu oneB&B
"Ngisebenzisa okokususa amabala okusetshenziswa ngaphambi kokuwasha noma ngenze ingxube kasawoti nojusi kalamula ngimbambathe ibala kahle."
