zulu.1590.BEC Feedback
BONA ZULU September 2008
IBONA Empowerment Club yavakashela e-East Rand nokuyilapho yaba nomcimbi ophambili eBirchwood Hotel ngoMgqibelo womhlaka 5 July. Ingqikithi yalo mcimbi yayilele kumaThende kaHulumeni namaThuba emiSebenzi Ekurhuleni.
UMhleli kaBONA uForce Khashane wakhuthaza abamabhizinisi amancane ukuba basebenze ngokubambisana baxhasane ukuze kuthuthuke isimo sezomnotho.
URebecca Nxumalo wabeSasko Flour wakhuluma ngemizamo yabeSasko eyaba negalelo ekusunguleni imisebenzi yomphakathi eGauteng njengeBakers Of Tomorrow ngokubambisana neBenoni High School Home Economics Department, Vut-vaal University Of Technology nohlelo iLet’s Fix It kwi-etv, waphinde wakhuluma ngama-workshop kazwelonke abe-Anchor Yeast Baking.
Ithuba elisha lezamabhizinisi i “Business In Your Pocket” ngelabeSecond Cell elethulwa nguRian Chalmers. Linika abancane nabadala ithuba lokudayisa i-airtime kubangani namalungu emindeni.
Ngeminye imininingwane, shayela uRian kule nombolo: 082-334-9419 noma uvakashele iWebsite ethi: www.2ndcell.co.za ukuze uthole imininingwane ngale ngqayizivele yethuba.
Abamabhizinisi eKurhuleni basethubeni lokusungula amabhizinisi amakhulu ezinkampani zamazwe omhlaba ezifuna ukutshala izimali eSouth Africa. Lokhu kwachazwa nguChris van Biljon, oyiChief Executive Officer yabeKurhuleni Business Initiative, okungumbimbi lwamabhizinisi amancane abamba ama-workshop aphinde aqeqeshe ngenhloso yokunika ulwazi kwezamabhizinisi.
Lawa ma-workshop adala ukuxhumana kwabamabhizinisi.
Ongusomabhizinisi nongumethuli wezinkulumo ezakhayo uBoitumelo Mofokeng weluleka abezitokifela ngama-shares omphakathi atholakala ezinkampanini ezinkulu. Wanxusa umphakathi ukuba ulisebenzise leli thuba.
Ongumculi osafufusa uKhulile wabeCatwalk Stable wathokozisa ababehambele lo mcimbi ngopholile umculo woKholo kubandakanya nengoma yakhe yodumo ethi Hlonolofatsa.
Avon
I-Avon ngenye yezinkampani zemikhiqizo ephambili yezobuhle eSouth Africa esanda kukhangisa imikhiqizo yawo ngosizo lukaBONA.
Onguchwepheshe wayo wezobuhle uMabel, wakhombisa ababehambele lo mcimbi izindlela eziyizo zokusebenzisa iziphaqulo zezobuhle. Bheka umkhiqizo omusha i-Imari Seduction eyethulwa ngoJuly 2008.
Ngeminye imininingwane ngochunge lwemikhiqizo yabe-Avon nokujoyina uphiko lwale nkampani lokuthengisa, shayela
ku-0860-10-23-45 noma uvakashele iWebsite ethi: www.avon.co.za
▲UVicky Kubeka owethula ama-workshop eBONA Bake & Cook for Profit.
▲Izethameli zithokozile.
▲UDorah Ditshwene weMageu Number One enika uGladys Bila isheke lakhe.
I-Mageu Number 1
Business Start-up Awards 2008
I-MAGEU Number One isanda kunikezela ngeBusiness Start-up Award ku-Gladys Bila waseDoornfontein, eGoli odayisa esikoleni samabanga aphansi.
UGladys uzidayisela ama-bunny.Ngosizo lweMageu Number One, usezodayisa namaphakethe eMageu Number 1.
Thumela umlando omncane uchaze ngenkampani yakho, usinike inombolo yocingo, uxhumane noLindo kuleli kheli: Box 3855, Rivonia, 2128.
▼U-MC Makheni Motana.
▲Amalungu eBONA Empowerment Club.
▲Umculi weGospel uKhulile.
▲URosemary Mabuza owawina kwiBEC Sasko amukela umklomelo wakhe kuRebecca Nxumalo weSasko Flour.
▲Abawine koweBEC Sasko bamukela amahampa kubaxhasi.
BONA ZULU September 2008
▲Bamfaka iziphaqulo zobuhle.
Indlela yokuwina ngeSasko Flour
UMA ubhaka noma uziphilisa ngebhizinisi lokudla noma ukuthanda ukubhaka, sibhalele ngalokhu:
● Iresiphi yakho oyenze ngeSasko Flour.
● Yini othanda ukuyizuza ngebhizinisi lakho lokubhaka. Sitshele ngezifiso zakho.
● Ungangenela kunoma yimuphi umcimbi weBONA Empowerment Club noma uthumele imingenelo yakho kuleli kheli: Sasko Flour Success Stories, Box 1300, Rivonia, 2128.
Uma udaba lwakho lukhethwe njengolwempumelelo, ungaziwinela izimpahla zokuqhuba ibhizinisi lakho lokuziphilisa ngokudla.
