zulu.1482.yourworld_entertain
Ongazijabulisa ngakho
I-His Glory Worship Tabernacle
“Kule ndawo abanezinhliziyo ezibuhlungu, abakhathazekile, abalahliwe nabangathandwa bayaduduzwa bathotshwe amanxeba.” UMfundisi uMthunzi Namba (weJoyous Celebration) ulichaza kanjalo ibandla lakhe. Kungenzeka kuleli bandla uzithele ezihlabanini ezinjengoBob Mabena, Sipho Makhabane noHlengiwe Mhlaba. NgamaSonto kukhonzwa kabili – ngo-7.30am nango-10am. NgoLwesithathu kusukela ngo-6pm kuye ku-7.30pm kuba nemihlangano kuxoxwe ngeBhayibheli nezinkinga ezithinta umphakathi. Leli bandla liseGreyville Primary School, libhekene neGame City Mall kuStamford Hill, eThekwini.
Twilight
Umqondisi: Catherine Hardwicke
Abadlala phambili: Robert Pattinson, Kristen Stewart
■ U-Kristen Stewart uhlala ephuma eceleni, akazwani nokwenza okwenziwa amantombazane afunda nawo e-high school. Kuthe uma umama wakhe ephinda eshada uKristen wathunyelwa kubaba wakhe ayezohlala naye wahlangana noRobert Pattinson owayengumkhovu bagcina sebethandana!
Sibukeza amaDVD
FUNDA, UBUKE, UPHUMULE
Tale Of Despereaux
Umqondisi: Sam Fell
Abadlala phambili (amaphimbo): oMatthew Broderick, Dustin Hoffman, Emma Watson
■ Kule-movie yomndeni wonke okulingisa kuyona izilwane kuxoxwa ngamagundane nesobho kanti uDespereaux uthola ukuthi uyena ozobuyisa ukukhanya kulo mbuso.
UShisa Nyama oseJozi
Abanikazi bakaShisa Nyama oseMidrand bavule igatsha ekhoneni lika-Eloff no- Anderson Street eduzane kweGhandi Square eJozi. NgoMsombuluko uthola izipesheli zenyama yangaphakathi kanti ngoLwesithathu banesitshulu senyama yenkomo esisevwa nedombolo. Ayibonane khona!
The Day The Earth Stood Still
Umqondisi: Scott Derickson
Abadlala phambili: Keanu Reeves, Jaden Smith, Jennifer Connelly
■ U-Jennifer Connelly ngusosayensi ohlangana ne-alien enguKlaatu (Keanu Reeves), osehambe umhlaba wonke exwayisa abantu ngokufudumala komhlaba okuzayo.
Kodwa iningi labaholi bomhlaba alimlaleli. Ngabe uJennifer uzokwazi ukubonisa i-alien ukuthi kubaluleke kangakanani ukuphepha kwethu?
Maxi’s Lifestyle
Uma ufuna ukubukisa ngemoto yakho, uzishayele i-brandy uzidlele amancoko nosisi abahle, yiMaxi’s Lifestyle okufanele uyivakashele. Le car wash eseMlazi kwa-V ngaphandle kwaseThekwini igqamile ibonakala kalula ngoba inezambulela ezinkulu eziphuzi.
Umculo
The Main Event (JR)
I-Gata Le Nna, okucula kuyona uTowdee, neMathata, okucula kuyona uDudu Mathumbu nabanye yizingoma eziqhakambisa ubumnandi bale-albhamu kaJR, onezingoma eziyintandokazi emisakazweni eziqokelwe kuma-awards ambalwa. Ubuye abe yingxenye yethimba leMotswako ebophele oHHP, Mo’lemi noTuks. Kusho ukuthi singabheka okukhulu asazokwenza.
I-Exclusive Lounge
Yindawo enhle ehlukile ngempela lena. Kunyakaza bonke abantu uma oDJ benza izinto zabo kule ndawo esePietermaritzburg. I-Exclusive Lounge isekhoneni likaCommercial Street noBerg Street kanti yindawo yokuvakashelwa uma usePietermaritzburg ufuna ukuzijabulisa.
Wafa Wafa (Tear Gas)
NgesiNgisi leli gama lithi “Do or die” kanti ukucula kwaleli qembu noBongo Riot, 2Lip noSlikour kwalisebenzela kodwa le-albhamu ethi Wafa Wafa ayimnandi njengeyokuqala eyayithi, K’shubile K’bovu.
Round 2 (J. Holiday)
Le albhamu kaJ. Holiday yesibili ayimnandi njengeyokuqala eyaqokelwa kumaGrammy kodwa iyalaleleka. Lalela umucu othi It’s Yours nothi Make That Sound.
■ Ngabe ufuna siqhakambise i-restaurant, i-tavern, i-car wash noma iSonto lakho? Sithumelele i-e-mail: bona@dbn.caxton.co.za. Sitshele kancane ngaleyo ndawo bese usifakela nenombolo kanye nezithombe ezimbalwa.
Nihlanganiselwe nguSlash Luthando
