zulu.141.runner
Uthini Umthetho
Akukuhle emsebenzini
INKINGA: Ngingumabhalane enkampanini yama-truck. Imenenja yethu entsha yatshela ozakwethu ukuthi angithembekile ngingumuntu onamanga yafunga yagomela ukuthi ngizoxoshwa.
Engisebenza nabo abasangikhulumisi kanti 'ihhovisi" lami selithuthelwe endaweni engcolile enekho-mphyutha engasebenzi.Angisakwazi ukwenza umsebenzi wami.
Uma ngizama ukukhuluma nemenenja ngalolu daba, iyangithethisa ithi angiphume ehhovisi layo.
Akunanqubo elandelwayo yokudlulisa izikhalo kule nkampani kanti angazi ukuthi yini engingayenza. Ngicela usizo.
ISELULEKO SOFEZELA:
Kuyacaca ukuthi yimenenja yakho entsha eyimbangela yokungaphatheki kahle kwakho emsebenzini. Isimo okusona manje singenza ukuba usule emsebenzini ngenxa yokungaphatheki kahle.
Ukushiya umsebenzi ngale ndlela kuchazwe kahle ku-section 186(1)(e) weLabour Relations Act othi umqashwa angasula emsebenzini ngaphandle kokufaka inothisi uma lokho ekwenziswe "umqashi owenze ukuba isimo sokusebenza singabekezeleki."
Abaphenya amacala, njengabeCCMA ukwenza isibonelo, kungenzeka bangaboni ukuthi isimo osebenza ngaphansi kwaso asibekezeleki. Kodwa inkantolo ayichemi uma yenza olwayo uphenyo. Nanka amaphuzu amqoka abhekwa uma kuphenywa:
u Ngabe umqashi ube nesandla ekusuleni komqashwa emsebenzini"
u Ngabe akukho okunye umqashwa abengakwenza ngaphandle kokusula emsebenzini"
u Ngabe yizenzo zomqashi ezibe yimbangela yokusula komqashwa"
Sizokweluleka ngokuthi xhumana nabezindaba zabasebenzi enkampanini yenu. Uma bengekho, zama ukubonana nomunye wabaqondisi benkampani ufake isikhalo. Uma ungasizakali, uhluleka nokubekezelela isimo osebenza ngaphansi kwaso, kungcono usule.
Kodwa isemqoka indlela ozokuchaza ngayo ukwesula kwakho nendlela incwadi ozoyibhala ngayo. Xhumana nommeli ozokusiza ekubhalweni kwencwadi yokwesula emsebenzini. [z]
34 BONA ZULU - December 2006
Sibhalele ikheli lithi: BONA Legally Yours, Box 32083, Mobeni 4060 - ukuze uthole ukubonana nabammeli bethu mahhala imizuzu engu-30 kwelinye lamahhovisi abo ezweni lonkana noma nixoxisane ngocingo.
Nethulelwa wuBONA naboPhiko loFezela
Senze yonke imizamo yokuqiniseka ukuthi isiyalo enisitholayo siyiso. Kodwa konke okuthinta lolo hlobo lwecala kudinga ukucubungulisiswa, ngakhoke aboPhiko loFezela iScorpion Legal Protection (Pty) Ltd, abethimba elimele ukucubungula amacala nabakwaBONA nabashicileli bephephabhuku labo, ngeke babekwe icala ngokulahlekelwa kwaloyo oyosebenzisa lesi siyalo ngenye indlela.
ESITHOMBENI KULINGISIWE
indaba ngu-ISAAC KWELA
IBHOLA ne-rugby yimidlalo ekhonzwe cishe kunayo yonke eSouth Africa nedonsa abalandeli abaningi kanti futhi nasemithonjeni yezindaba ingevelele.
Lokhu akuchazi ukuthi impumelelo yakweminye imidlalo isengozini yokuba ingalandelwa.
Ngenhlanhla ngakwezokusubatha iSouth Africa inomsubathi owenza izimanga emhlabeni jikelele nohlonishwayo nalapha ekhaya.
UMbulaeni Mulaudzi wazalelwa eMuduluni, enyakatho yePolokwane wakhula edlala ibhola. UMakonde Makhumisane umqeqeshi wakhe wabona elinye ithalente kuyena elalizogcina ngokuba limenze umsubathi webanga elingu-800m.
Lo mgijimi owayesemncane wayekhombisa okukhulu ukuthuthuka kulo mdlalo wokugijima kangangoba ngo-1999 uMakhumisane wabona sekuyisikhathi sokuba afake uMbulaeni ngaphansi kweVaal Tech no-Ian Harries. Ngaleso sikhathi uMbulaeni wayenze 1:48;00 ku-800m no-47;20 ku-400m.
UHarries wagxila ekumqeqesheleni isipiti. Ngo-July 22, 2000, eBudapest, uMulaudzi owayengaziwa engabhekwe muntu ngaleso sikhathi wethusa abaningi enza izimanga ku-800m ngokushiya ushampeni wama-Olympics uVebjoern Rodahl.
Ngasekupheleni kuka-2001, uMulaudzi ku-800m wehlisa isikhathi sakhe saba ngu-1:44;01 emqhudelwaneni waseWeltklasse eZurich, kwelaseSwitzerland.
Ngo-2002, wawina kumaCommonwealth Games nokwaba yindondo yakhe yokuqala emidlalweni yamazwe omhlaba waphinda waya eZurich lapho aphuma waba ngowesithathu wehlisa isikhathi sakhe saba ngu-1:43;81.
UMbulaeni waqhubeka nokudonsa amehlo omhlaba, impumelelo yakhe enkulu yaqhamuka ngo-2004, kwi-IAAF World Indoor Championships eBudapest, eshiya uRashid Ramzi ngesikhathi esingu-1:45;71 ukuze awine indondo yakhe yokuqala yegolide.
Ngo-2006 kumaWorld Indoor Championships eMoscow, uMulaudzi wayebukeka ethembisa kakhulu emizuliswaneni yokuhlungela u-800m, kodwa ngeshwa uWilfred Bungei wamkhuba ngengozi emjikelweni wokuqala kwemine.
UMulaudzi wakwazi ukuthola indondo yesiliva phezu kokulimala okwamenza wangagijima cishe izinyanga ezine.
NgoJuly 16 wagijima eLapinlathi eFinland wawina ngesikhathi esingu-1:44;99, emva kwezinsuku ezilishumi wahamba waya eHelsinki, wafike wawina ngesikhathi esingu-1:43;97.
Emidlalweni yokugijima eyayibanjelwe eWeltklasse eZurich ngomhlaka 18 August uMulaudzi wenza izimanga ngokuphumelela ngesikhathi esingu-1:43;38.
Emva kwezinsuku ezimbili ezalandela, wakuphinda futhi lokho eMonaco. Ukuwina kwakhe kwesine e-Europe kwaba yisikhathi esingu-1:44;14.
Okwalandela lapho kwaba yimidlalo yaseRieti nokuyilapho wenza ezibukwayo ngomhlaka 27 August ewina ngesikhathi esingu-1:43;09 - nokwaba yisikhathi esishesha kunazo zonke ngo-2006.
NgoLwesihlanu mhlaka 8 September lo msubathi wayegubha iminyaka engu-26 azalwa. Emva kosuku olulodwa, wazinika isipho angakaze asicabange empilweni ngesikhathi ewina iWorld Athletics Final ka-800m wathola $30 000 (imali cishe engu-R222 000).
Kwadingeka ukuba ahlule abasubathi abayisikhombisa kanti akazange ehlulwe emijahweni lapho ayebhekene khona nezingqungqulu zomhlaba.[z]
Ngumsubathi ogijima ngaphezu kwabo bonke emhlabeni ku-800m - kanti futhi ungowaseSouth Africa...
Umsubathi wethu ophuma phambili
Akujubane kuyafiwa!
BONA ZULU - December 2006 35
