zulu.892.our world
EZONOBUHLE
MISS SOWETO 2008
Sekuphinde kwaba yileso sikhathi futhi - noMolefi Sebatie wayekhona wasithwebulela izithombe…
Owawina uRochell Motapho nezimpelesi zakhe uDorah Mthethwa noMbali Malekane.
I-MOVIE
U-RAPS udlala kahle!
Sikwethulela isiGelekeqe saseHillbrow
Uma edlala kwiTV, uRapulana Seiphemo ubonakala engusomabhizinisi ozithandayo. Emafilimini simbone elwa kwiHijack Stories nakwi-movie yakamuva ethi Jerusalema adlala kuyona indawo kaLucky odume ngesiGelekeqe saseHillbrow.
I-movie ethi Jerusalema, yawina i-Audience Choice Award kwiDurban International Film Festival uRaps wabuye wawina umklomelo weBest Actor ngokudlala kwakhe kuyona.
U-Lucky ngumfana okhulele eSoweto ohlose ukufunda e-varsity asebenze kahle. Kodwa kuthe uma ehluleka wukuthola umfundaze, walingeka wenza izenzo zobugebengu ukuze asize umndeni wakhe.
Waqala ngokweba nokuduna izimoto wagcina eseluhlupho kulo lonke elaseHillbrow. Wazama ukuhlukana nokwenza izinto ezingalungile kodwa kwabuye kwangavuma…
■ Patricia McCracken
Ngabe unenhlanhla? Ukudlala kukaRapulana indawo kaLucky kwiJerusalema kwenze wawina umklomelo weBest Actor.
BONA ZULU October 2008
UMHLABA WETHU
Bamodela ngezingubo zangaphansi.
Amalungu eMalaika uTshedi noBongani.
Ababengenele umncintiswano wonobuhle bethulwa emphakathini.
OSAZIWAYO
ABANTU BAKITHI
U-Evelyn Nteso odume ngelika-“Evh’a” uzomthola ohlelweni lweSABC 2 oluthi Siyadlala njalo ngoMgqibelo ngo-2.30 ntambama.
UPhila Mazibuko ongowokuzalwa eKZN usanda kujoyina ithimba leSABC 1 iLive njengomethuli wohlelo lwabantu abasuke bezidumisa emaphathini ezweni lonkana njalo ngoLwesihlanu ngo-9pm.
Kwaphinde kwakhangiswa ngengqephu kanokusho.
BONA ZULU October 2008
UMonwabisi Bangiwe ngumuntu wamathalente amaningi. Uphinde futhi abe ngumdansi eqenjini eselizakhele igama emhlabeni i-De Beers Kimberley Field Band. Ungomunye futhi wabadansi emdlalweni iLion King okumanje uhambele kwelaseBrazil nase-Italy.
►
◄
LAPHA NALAPHAYA
“Ubuhle buyazanywa,” kusho uNoeleen Maholwana-Sangqu oshayela uhlelo lweTV. “Ungafunda isitayela ngokuzibheka – ungenza kwenzeke!” UBusi Motlhasedi wakwaBONA (kwesokudla) encoma isitayela sikaNoeleen.
Umdlali wezithombe ongumethuli wezinhlelo zeTV uTumisho Masha nokunguye owayenguMC wosuku simbona ehalaliselwa nguBusisiwe Motlhasedi wakwaBONA, bese kuba nguJenna Clifford nodadewabo kaTumisho uLesedi.
EZOMCULO
I-DENIM
Iqembu lomculo iDenim lisanda kubungaza ukukhipha i-albhamu yalo yakamumva - uMolefi Sebatie wasithwebulela izithombe…
BONA ZULU October 2008
‘Abesimame banganqoba’
Kubukhazikhazi bomcimbi woSuku lwabesiMame wokwethulwa kweMotora U9 phone entsha enombala o-pink no-purple, isikhulumi esiqavile kwakunguJenna Clifford waseSA onebhizinisi lobucwebe ophethe umkhankaso weDream Big okhuthaza abesimame ukuba bazibambele mathupha ezintweni ezibalulekile ezithinta impilo yabo.
Yilezi zifundo azidlulisela kwabesimame nokuyizifundo azithole njengowesimame onebhizinisi:
•Phatha ibhizinisi lakho ngokuthembeka nawe uzithembe.
•Okwenzayo kwenze ngothando, ube ngowesimame othanda ibhizinisi lakhe.
•Ungancintisani nabesilisa ebhizinisini ngoba ngeke uphumelele.
•Funda izincwadi ezifanele ukuze uthole ulwazi oludingayo.
•Zinikele kokwenzayo.
•Ungenzi izinto eziningi – yenza okukodwa ngesikhathi.
•Qikelela ungenzi amaphutha.
•Hleleka.
•Zazi izinjongo zakho uzibekele isikhathi ukuze zifezeke.
•Vuselela ukuzithemba kwakho ngokungagxili ezintweni ezikuhlulayo.
•Sabalalisa umqondo wakho ufunde ukuhlalela ethembeni.
•Hlala nabantu abacabanga njengawe ukuze uhlale ukhuthazekile usebenzise nama-tape aqoshiwe akhuthazayo.
■ Neliswa Mzimba
URosie Motene uthi akayifuni nakancane into ezoma phakathi kwakhe nendlela yempumelelo. “Yisikhathi sokuba abesimame basizane,” kuqhuba yena. Lapha ukanye nabasebenzi bakwaBONA uBusisiwe Motlhasedi noNeliswa Mzimba.
I-Denim
UMLANDO
Hamba kahle,
Isaac Hayes
SITHANDA ukuzwakalisa ukudabuka kwethu ngokushiywa emhlabeni ngu-Isaac Hayes ngomhlaka 10 August kulo nyaka. Igalelo lakhe emculweni we-soul ne-funk lingelinganiswe. Amanye ama-albhamu akhe aba nedumela yiHot Buttered Soul (1969) neBlack Moses (1971). Enye into eyamakhela udumo kakhulu yingoma yakhe ayeyidlala efilimini ethi Shaft. UHayes wathola i-Academy Award emkhakheni weBest Original Song ngeShaft, nokwamenza uMmelika omnyama wokuqala ukuwina i-Oscar hhayi emkhakheni wezokudlala kumafilimu. UHayes waphinde wabonakala kumafilimu nasemidlalweni eminingi yeTV. Yiphimbo lakhe elalizwakala kowayedlala indawo ka “Chef” kuSouth Park.
EZOMSAKAZO
SINETHULELA uNkosinathi Ntuli (25) ongumethuli wezinhlelo zesiNdebele kuSABC 1 futhi onguDJ kwi-Ikwekwezi FM.
UNkosinathi noma u“Nathi Nice” njengoba bemazi abalandeli bakhe - wazalelwa eKameelrivier Village, eduze kwaseSiyabuswa eMpumalanga. Wajoyina iSABC 1 ngo-2006 kanti kumanje usenza uhlelo luka-4 ntambama kuya ku-11 ebusuku phakathi nesonto nangezimpelasonto.
Ngo-April kulo nyaka wajoyina Ikwekwezi FM njengoDJ wafike wanikwa uhlelo lwasekuseni kusukela ngo-7 kuya ku-9 iWasala Wena nokuluhlelo alwenza ngenkulu impumelelo.
“Ngifuna ukuzibonakalisa kwezokusakaza. Engikuthandayo ngomsakazo wukuthi unginika ithuba lokuxhumana nabalaleli,” kusho yena.
■ Warren Mabona
USEMOYENI
UNathi Nice nenselelo entsha
UHayes wazalwa ngomhlaka 20 August 1942 eTennessee kanti wazifundisa ngokwakhe ukudlala upiyano, i-hammond organ, i-flute ne-saxophone.
EZOMCULO
Sizipholele noSiyabonga
Ukube ubuzihlalele nesihlabani seRhythm City uSiyabonga (Clayton Misoya), ngabe wenzani? “Ngithanda ukudlala i-pool nokuba nguDJ - noma ngizibukele eyodwa yalawa mafilimu - Training Day, Scarface, American Gangster, Goodfellas noma iMiami Vice.”
BONA ZULU October 2008
►
◄
LIBYA
INDODANA yomholi waseLibya uMuammar Gaddafi uSayf al-Islam isanda kumemezela ukuthatha kwayo umhlalaphansi kwezepolitiki.
Nayo ibingumholi ngokwayo kwezepolitiki kodwa ithi ayisazimisele ukuzifaka kwipolitiki yaseLibya njengoba leli lizwe njengamanje selinezizinda zentuthuko nokunye okuningi okwakungekho phambilini.
CENTRAL AFRICAN REPUBLIC
I-United Nations Food And Agriculture Organisation (FAO) isanda kuqeda ukusabalalisa ukwabiwa kwembewu okuthathwa ngokuthi ngokukhulu kunakho konke eCentral African Republic (CAR), nokuyilapho ibinikelelwa abalimi abangaphezu kuka-12 500. Umlimi ngamunye uthole imbewu yamakinati angu-4kg nembewu ye-corn engu-10kg. Amavolontiya e-UN aphinda aba nezinhlelo zokuqeqesha ngenhloso yokusiza amalungu omphakathi akwazi ukutshala.
ANGOLA
NASI isibonelo okufanele iSouth Africa isilandele...uhulumeni wase-Angola usanda kumemezela ukuthi uzokwethula impesheni eyisipesheli kulabo abangabaculi. “Ngalokhu uhulumeni ukhombisa ukuzibophezela ekusizeni abantu osekuphele isikhathi eside bezinikele ekuthokoziseni umphakathi nasekuthuthukiseni usiko lwase-Angola,” kusho omunye wabaculi bakhona.
SOUTH AFRICA
QINISEKA ukuthi emahoreni angu-24 ngosuku uma kuyilanga lokuhola awuphuzi - lowo kwaba ngomunye wemibono owaphakanyiswa engqungqutheleni yemizamo yokuthola ikhambi lokwehlisa ubugebengu.
Lokhu kuhlangene nokwehlisa amanani ezitolo ezintweni ezifana nokudla noma izicathulo zesikole, kungasiza ekutheni le mali engu-
R41-billion echithwa abantu ngonyaka otshwaleni, isetshenziselwe kulezi zidingo,” kusho uBarbara Holtmann wabeCSIR.
Ngokocwaningo lwabeCSIR, bangamaphesenti angu-47% abafayo kubonakale ukuthi bebephuzile, 66% okungenxa yokwethuka, ekubeni u-50% wabadlwenguliwe kwatholakala ukuthi babephuzile noma bekhungethwe yizidakamizwa ngesikhathi behlaselwa.
BONA ZULU October 2008
SOMALIA
ISIBALO sabantu abadinga usizo eSomalia sesenyukele kumaphesenti angu-77 kulo nyaka kuya ngaphezu kuka-3 million - ngokusho kocwaningo olusha. Izwe laseSomalia kumanje libhekene nezinkinga ngakwezokuvikela nokuyinto esithathe iminyaka engu-17, izimpi nokuhlukumezeka kwabantu abasuke belethe usizo, ukuqolwa kwemikhumbi nezinxushunxushu zezombusazwe,” ngokusho kombiko.
ZIMBABWE
UKUTHENGISWA komculo kwelaseZimbabwe sekwehle kakhulu kangangoba izindawo eziningi eziwudayisayo zagcina ukuwu-oda ngoMay kulo nyaka. Lokho akwethusi neze njengoba iCD ekhiqizwe kuleli lizwe ibiza ngaphezu kuka-$400, aphuma kwamanye amazwe abiza $3 000!
UGANDA
U-MURNGI, i-chimpanzee eneminyaka engu-32 egcinwe eQueen Elizabeth National Park e-Uganda, usanda kuzala nokuyinto eshayelwa ihlombe kakhulu leyo ngoba lezi zilwane ziyashabalala kuleli lizwe. Okumangazayo wukuthi azishodiswa wukuzingelwa nokuphela kwezindawo ezihlala kuzona kodwa zibulawa wumdlavuza novendle!
GHANA
INKINGA yokuphela kwamahlathi idlangile e-Africa. Kodwa elaseGhana liqhamuke nendlela ekahle yokuvuna u-14 million wezihlahla ezingabiza u-$4 billion.
Izingongolo zezihlahla zizothathwa ehlathini laseGhana elambozwa yidamu eminyakeni engu-40 edlule kanti kuzogxilwa kakhulu ezingongolweni ezingaboli njengezezihlahla ze-ebony, wawa noma ze-odum. Imishini yokunquma izihlahla izofakwa ezikebheni ezizoba nama-sonar okudonsa izihlahla emanzini.
MALAWI
UHLELO lukahulumeni lokukhipha ama-ARVs lusize ekwehliseni isibalo sababulawa yi-AIDS. ElaseMalawi libalwa kulawo mazwe akhahlanyezwe yilesi sifo njengoba u-7% wabantu abangu-13 million uphethwe yisona. Ebantwini abangu-159 111 abaqala ama-ARVs ngo- 2004, bangu-106 547 abasadla anhlamvana.
“Kodwa mkhulu umsebenzi osasihlalele ngoba kungenzeka ukuthi bashona ngoba beqale ukwelashwa sebegula kakhulu noma kwaba wukungakutholi ukudla okunomsoco,” kusho isisebenzi sezempilo.
EZOSAZIWAYO
Siziphumulele noSOPHIE
Isihlabani seGenerations uSophie Ndaba usanda kuhambela ezindaweni eziningi ezweni lonkana njengomethuli weSoul Sessions yakwa-Old Mutual. Emdlalweni kamabonakude uhlale ezimisele ukusiza ekuthuthukiseni abanye. Uhlale engumuntu ozihlekelayo njengoba nimbona ezithombeni zethu… indaba nguPatricia McCracken
USophie ecwalwa ngomunye wabacwali bakhe bezobuhle uFaith Seuoe, nokunguye futhi owacwala uBonang osekhaveni yethu kule nyanga.
USophie exoxa nababehambele i-Old Mutual Soul Sessions eThekwini.
BONA ZULU October 2008
Nakuba izinzipho zakhe zicwalwe kahle futhi eyisihlabani, uSophie akanqeni ukuzi-ayinela.
►
◄
Yinhle ibomvu
USophie Ndaba, Gerry Rantseli-Elsdon noYvonne Chaka Chaka bezipholele kule Mercedes S-Class eyakhiwa ngabasebenzi bakwaMercedes beyakhela okaMadiba njengesipho ngesikhathi ekhululwa eRobben Island ngo-1990. Emva kweminyaka isebenza, le moto kumanje ibekwe eMuseum waseMercedes-Benz e-East London. Maduze nje ibikade isembukisweni eSandton Square eGoli lapho ibiyingxenye yokugubha iminyaka engu-90 okaMadiba azalwa.
