zulu.881.triviajul
amakhasi kaBONA athokozisayo
Konke...
...ngentshe
u Intshe (Struthio camelus) yinyoni engandizi engumnsinsi wakwelase-Africa.
u Izintshe zithathwa njengezinyoni ezinkulu kanti zifuywa emhlabeni jikelele.
u Izintshe zivame ukuba nesisindo esisuka ku-90kg kuya ku-130kg.
u Izimpaphe zezesilisa ezindala zivame ukuba mnyama nokumhlophe emaphikweni nasesisileni. Ezesifazane nezincane zesilisa zinombala ogrey no-brown kanye nokumhlophe okuncane.
u Le nyoni ima ngezinzwane ezimbili, kanti olukhulu lufana nezinselo nokuyilo oluyisiza ekugijimeni. Izintshe zingagijima ziye zifinyelele ejubaneni elingu-65 km/h.
u Izintshe zihamba ziyimihlambi kusukela kwezinhlanu kuya kweziko-50 kanti ziye zihambisane nezilwane ezifana namadube.
u Zidla ikakhulu imbewu nezinye izitshalo. Njengoba zingenawo amazinyo, ezikudlayo ziyakugwinya kugayeke ngaphakathi. Zingaphila ngaphandle kwamanzi isikhathi eside ngenxa yomswakama wezitshalo ezizidlayo.
Zizalwa kanjani
Ezensikazi zizalela amaqanda esidlekeni esingumgodi ongu-30cm kuya ku-60cm ukushona.
Amaqanda entshe angasinda kuya ku-1,3kg kanti angamaqanda amakhulu kunawo wonke amaqanda.
Isidleke sawo singaba namaqanda angu-15 kuya kwangu-60 kanti lilinye lingaba ngu-15cm ubude, 13cm ububanzi.
Lawa maqanda ayacwebezela kanti futhi amhloshana ngombala. Avikelwa yintshe yensikazi emini kuthi ebusuku avikelwe ngeyeduna. Izintshe ezincane zichanyiselwa emva kwezinsuku ezingu-35 kuya kwezingu-45.
BONA ZULU - July 2007
Yakha igama
Bheka ukuthi mangaki amagama esiNgisi anezinhlamvu ezine nezinhlanu ongawakha usebenzisa izinhlamvu zamagama ezisesikhaleni. Uhlamvu oluphakathi (olubomvu) kufanele lusetshenziswe kuwo wonke amagama bese uyabheka ukuthi ungalithola yini igama usebenzisa zonke izinhlamvu zamagama. Uhlamvu lwegama malusetshenziswe kanye.
40 IMIZUZU. Lesi yisikhathi ongasithatha ukubilisa iqanda!
Funa igama
Inhlanzi i-goldfish ilahlekelwa wumbala wayo uma isendaweni engakhanyi kakhulu noma isemanzini ahambayo.
Thola amagama ngokufunda uya phambili, emumva, phezulu, phansi, uvundle. Ungalokothi emgqeni weqe uhlamvu lwegama. Dweba ukekelezele igama ngalinye bese ulicisha ohlwini oluseceleni.
Isilwane esingajwayelekile
IPHELA laseMadagascar likhulu, alindizi kanti livame emahlathini akulelo lizwe. Liphila ngaphansi kweziqu zezihlahla noma ngaphansi kwamaqabunga awe ezihlahleni kanti lingelinye lamaphela amakhulu kunawo wonke emhlabeni njengoba lingafinyelela ku-8cm ngobude.
Noma yisiphi isilwane esizama ukubamba leli phela, sizithola sisenkingeni njengoba imilenze yalo inezinto ezicijise okwezinaliti kanti nalo likwazi ukwenza umsindo osabisayo. Lokhu likwenza ngokuba likhiphe umoya ngezimbobo zokuphefumula ugijime emaceleni omzimba walo.
Nakuba leli phela lihlala ehlathini, kodwa lidonswa wukukhanya kwamalambu asezindlini, kanti kokunye kuyenzeka lihambe liye liyongena ngefasitela elivuliwe. Lolu hlobo lwamaphela aliyona ingozi kanti liyasuka kuleyo ndawo uma kwenzeka liphazamisekile.
Lolu hlobo lwamaphela aseMadagascar luvame ukusetshenziswa kakhulu ezinhlelweni zikamabonakude nasemafilimini uma kusuke kufuneka isilwane esikhulu esisabekayo. Awakwazi ukundiza, ahamba kancane kanti avame ukufuywa.
BONA ZULU - July 2007
Ukuchitha isikhathi!
Kuthatha 35 kuya ku-65 izilwane ezincane ukuze kuphume ijazi elinoboya. Izibalo zezinye izinhlobo zamajazi ethu anoboya yilezi: beaver - 15; fox - 15 kuya ku-25; ermine - 150; chinchilla - 60 kuya ku-100.
Izikelemu ezikumuntu zingaba wubude obungu-22,9m
u
t
I-NILE
IGAMA elithi "Nile" liqhamuka olimini lwesiGreek kanti lichaza ukuthi "amathafa omfula."
Zimbili izingxenye ezinkulu zomfula iNile: i-White Nile, esuka enkabeni ye-East Africa, ne-Blue Nile esuka e-Ethiopia.
I-White Nile isuka kwiLake Victoria eRipon Falls, eduze kweJinga e-Uganda, ingenele iVictoria Nile egobhoza cishe ibanga elingu-500km inqamula iLake Kyoga, ize ifinyelele kwiLake Albert.
Emva kokwehlukana neLake Albert, lowo mfula usuke usuwaziwa ngokuthi yi-Albert Nile.
Uphinde ugelezele eSudan lapho waziwa ngokuthi yi-Bahr al Jebel. Ekungeneleni kwe-Bahr al Jebel neBahr el Ghazal, uba ngubude obungu-720km kanti lowo mfula waziwa ngokuthi yi-Bahr al Abyad, noma yiWhite Nile, ngenxa yobumba oluphuma emanzini awo.
Kusukela lapho, lo mfula ungenela e-Khartoum.
I-Blue Nile noma i-Bahr al Azraq isuka kwi-Lake Tana ezintabeni zase-Ethiopia.
I-Blue Nile ihamba cishe ibanga elingu-1 400km kuya e-Khartoum, nokuyilapho ihlangana khona ne-White Nile bese kuphuma i "Nile".
Umfula kulapho impilo yempucuko yabantu baleyo ndawo ilele khona, ngokunjalo nabantu baseGibhithe bakwazi ukutshala ukolo nezinye izitshalo ukuze bondle izizukulwane ngezizukulwane zesizwe sabo.
AmaMulti-Game
BONA ZULU - July 2007
amakhasi kaBONAathokozisayo
Hlola ulwazi lwakho lolimi. Isithombe yiso esikutshelayo ukuthi ngabe yini igama laleyo nto.
Zonke izinhlobo zama-hamster afuywayo zingawesizukulwane seyodwa yesifazane eyi-golden hamster yasendle eyatholakala namancane angu-12 eSyria ngo-1930.
AMAQANDA
UMA kuziwa ngasemaqandeni ezinkukhu, umbala wegobolondo uchazwa wuhlobo lwenkukhu kanti awuhlanganise lutho nokunambitheka kweqanda.
Ukwenza isibonelo: amaqanda a-brown aphuma ezikhukhukazini ezinezimpaphe ezibomvu namagwagwa abomvu.
Amaqanda amhlophe aphuma ezikhukhukazini ezinezinsiba ezimhlophe namagwagwa amhlophe.
t Ngokupha izikhukhukazi odayi abathile bokudla, ungazenza ukuba zizalele amaqanda anezikhuphasha zemibala ehlukene.
Singabangani!
Ngo-2005, inkonyane lemvubu elaphephiswa eMombasa, eKenya, lathathwa lanakekelwa wufudu olukhulu ogama lalo nguMzee. Le ntandane yemvubu eyayinonyaka owodwa yezwana kahle kakhulu nalolu fudu olwaluneminyaka engu-100 nokuyinto eyamangaza ochwepheshe base-zoo.
Isiqophamithi singaqopha izikhathi ezingu-20 ngomzuzwana.
I-Puzzle yezithombe
Isiqhuthamadlebe esincane esinsundu ngombala, singabamba izinambuzane ezingu-1 200 ezilingana nomiyane esikhathini esingangehora elilodwa.
Isithombe ngasinye yiso esikunika impendulo okumele uyibhale ezikweleni ezimnyama.
BONA ZULU - July 2007
Isipeleti
Ukusungulwa kwesipeleti kusukela ngezikhathi ze-14th Century BC kusasetshenziswa izinto ezazaziwa ngokuthi ama-"fibulae" ngendlela efanayo neyesipeleti namuhla. Isipeleti "sanamuhla" saphinde senziwa kabusha ngoJuly 1849 senziwa nguWalter Hunt.
Inyoni yasolwandle i-albatross iyakwazi ukulala indiza.
