zulu.823.goalkeepers
Bagade amapali
Ezebhola noBONA
indaba nguMARK GLEESON
izithombe ngabeTOUCHLINE PHOTO
U-AVRIL PHADI
(27) weJomo Cosmos
UPHADI uthathwa njengomunye wonozinti abanethalente kwiPSL kanti uyavuma ukuthi kusadingeka ukuba akhuphule amasokisi ukuze enze ezibukwazo emapalini uma eseqeqesheke kahle.
Uthi bewazi? UPhadi uliqhamukisa eVereeniging kanti akakaze adlale kwelinye iqembu ngaphandle kweCosmos.
BONA ZULU – May 2006
Sibhala ngonozinti abahlanu abaqavile eSA …
U-CALVIN MARLIN
(30) weSuperSport United
KUSUKELA uHans Vonk athatha umhlalaphansi, uMarlin usezakhele igama njengonozinti ongaconsi phansi kwiBafana Bafana kanti uyazi ukuthi kukhona onozinti abasebancane abagaqele ukumphuca leli jezi kumafayineli eWorld Cup ka-2010.
Uthi bewazi? U-Marlin wadlala imizuzu emine emdlalweni wakhe wokuqala iqembu lesizwe libhekene neSaudi Arabia ngo-2002.
U-ROWEN FERNANDEZ
(27) weKaizer Chiefs
UNGUNOZINTI oqavile kwiChiefs phezu kokuncintisana no-Emile Baron kanti manje usekhankasela ukudlala eqenjini lesizwe.
Uthi bewazi? U-Fernandez unomfowabo omncane odlala esiswini osenyuvesi yaseMelika owathola umfundaze webhola.
U-MONEEB JOSEPHS
(26) we-Ajax Cape Town
U-JOSEPHS ungomunye wonozinti abasheshayo kwiligi kanti usezakhele igama ngokuvimba amashodi amabi. Kodwa ukungaziphathi kahle kwakhe kumncishe amathuba okudlala phesheya.
Uthi bewazi? U-Josephs wachitha amasizini ambalwa edlala njengesekela lengqalabutho engu-Andre Arendse esazicija ngaphambi kokubonakala eqenjini elikhulu. [z]
BONA ZULU – May 2006
U-BRIAN BALOYI
(32) weMamelodi Sundowns
UBALOYI akakwazanga ukudlala isizini yonke edlule ngenxa yokulimala kodwa usabalwa kubadlali abayintandokazi kule lizwe.
Uthi bewazi? UBaloyi waba ngumdlali wokuqala ukuhola u-R1-million ngonyaka emva kokushiya iChiefs ejoyina iSundowns.
