zulu.813.yourfood_FFF
Thola imali NGAMAKHEKHE
CHOC-CHIP & RAISIN CUP CAKES
Ukulungisa iresiphi: 90 imizuzu
Ukubhaka: 20 imizuzu
Kuphuma angu-12
* 1/2 isipuni (7,5ml) i-yeast
* 1/2 inkomishi (125ml) amanzi afudumele
* 1 i-teaspoon (5ml) ushukela
* 275g ufulawa
* 4 amaqanda ashayiwe
* 60g i-castor sugar
* usawoti
* 115g imajarini
* 90g ama-raisins
* 115g i-plain chocolate chips
* 1 iqanda elishayiwe
1. Endishini enkulu, hlanganisa i-yeast, amanzi noshukela. Govuza ubeke endaweni efudumele imizuzu engu-10.
2. Faka u-100g kafulawa ingxube ishube. Faka amaqanda, ushukela nosawoti. Faka ufulawa osele, hlanganisa kuthambe inhlama.
3. Beka endaweni efudumele, mboza nge-clingwrap imizuzu engu-45 noma ingxube ikhukhumale ngokuphindiwe.
4. Shaya imajarini, faka ama-raisins ne-chocolate chips.
5. Gcobisa ithini lokwenza ama- muffin, gcoba kuze kufike phezulu ukuze amakhekhe anganamatheli uma esekhukhumala. Gcwalisa izikhala ngenhlama enguhhafu. Beka endaweni efudumele imizuzu engu-20, inhlama ikhukhumale ibe ngu-two-thirds esikhaleni ngasinye.
6. Shisisa uhhavini ngo-200°C. Brasha ngeqanda elishayiwe ngaphezulu. Bhaka imizuzu engu-20. Wapholisele ethinini imizuzu engu-5, wakhiphe uwabeke kwi-wire rack.
Kubiza: R24
Ikhekhe ngalinye libiza: R2
APPLE GINGER CAKES WITH LEMON ICING
Ukulungiswa kweresiphi: 15 imizuzu
Ukubhaka: 25 imizuzu
Kuphuma angu-12
* 250g imajarini
* 1 1/2 izinkomishi (375ml) ushukela o-dark brown
* 3 amaqanda ashayiwe
* 1/4 inkomishi (60ml) i-golden syrup
* 300g ufulawa
* 1 1/2 ama-teaspoon (7,5ml) i-bicarbonate of soda
* 2 izipuni (30ml) i-ground ginger
* 1 isipuni (15ml) i-ground cinnamon
* 1 inkomishi (250ml) i-apula eligreythiwe
* 2/3 inkomishi (170ml) amanzi ashisayo
Lemon Icing
* 160g i-icing sugar
* 1 i-teaspoon (5ml) imajarini
* 1 isipuni (15ml) ujusi kalamula
1. Shisisa uhhavini ngo-180°C. Ndlala ama-muffin kuma-paper cases.
2. Endishini, shaya imajarini noshukela. Faka amaqanda, elilodwa ngesikhathi. Faka i-syrup.
3. Faka izithako ezomile, i-apula namanzi. Yikha ingxube uyifake kuma- paper cases.
4. Bhaka imizuzu engu-25. Yeka amakhekhe ethinini imizuzu engu-5, kupholisele kwi-wire rack.
5. I-icing kalamula. Endishini, sefa i-icing sugar. Faka imajarini nojusi kalamula. Beka indishi epanini elinamanzi ashisayo, govuza i-icing ize ibe manzi. Thela phezu kwamakhekhe afudumele.
Kubiza: R36
Ikhekhe ngalinye: R3
IBONA neFood For Fun And Funds izokukhombisa ukuthi lawa makhekhe angakungenisela kanjani inzuzo
SMARTIE CUP CAKES
Ukulungiswa kweresiphi: 15 imizuzu
Ukubhaka: 20 imizuzu
Kuphuma angu-18
* 225g imajarini
* 225g i-castor sugar
* 225g ufulawa i-self-raising
* 1 i-teaspoon (5ml) i-baking powder
* 4 amaqanda
* 1 i-teaspoon (5ml) i-vanilla essence
I-icing
* 375g i-icing sugar esefiwe
* 225g imajarini
* usawoti
* Ama-smarties noma omunye uswidi wokuhlobisa
1. Shisisa uhhavini ngo-175°C. Beka ama-paper cases angu-18 emathinini ama-muffin.
2. Endishini, hlanganisa imajarini, ushukela, ufulawa, i-baking powder, amaqanda ne-vanilla essence. Shaya nge-electric whisk imizuzu engu-2-3.
3. Faka ingxube kuma-paper cases. Bhaka imizuzu engu-20.
4. Khipha kuhhavini, pholisela ethinini imizuzu engu-5. Wakhiphe uwabeke kwi -wire rack.
5. I-icing. Endishini hlanganisa i-icing sugar, imajarini nosawoti. Faka i-icing emakhekheni. Hlobisa ngamaSmarties.
(Faka amakhekhe ethinini izinsuku ezingu-3, noma uwafake kwi-freezer izinyanga ezingu-3.)
Kubiza: R26
Ikhekhe ngalinye libiza: R1,50
Izeluleko zokupakisha
Uma udayisa ama-cup cakes angu-12: ibhokisi lokuwafaka libiza R2.
Uma ubhakela i-birthday noma umshado: okokugoqa kubiza R5.
IMALI, ISIKHATHI NOLWAZI
Kule nyanga sibheka izinto ezintathu ezimqoka ezisetshenziswa osomabhizinisi abancane abaphumelelayo. Ngaphandle kwalezi zinto ngeke balunge.
IMALI
Iningi losomabhizinisi abasakhula likholwa wukuthi ngeke likwazi ukuqala noma ukukhulisa ibhizinisi ngoba licabanga ukuthi lokho kudinga imali eningi.
Lokho akusilo iqiniso. Omunye wosomabhizinisi abasakhula engasebenza naye wayefuna ukuvula ibhizinisi lokudiliva. Wapaka imoto yakhe endaweni enezimboni eseduzane kwalapho ehlala khona wangena imboni nemboni ebuza ukuthi akukho yini angabadilivela kona.
Enye inkampani yamnika amaphasela angu-10 ayezowadiliva. Emva kwesonto leyo nkampani yamshayela ucingo yabuza ukuthi angakwazi yini ukuyidilivela amaphasela angu-700 ngesonto izinyanga ezintathu. Wavuma wabatshela ukuthi lokho uzokwenza ngamalini bangaba nankinga. Isivumelwano semali ababezomnika yona wasisebenzisa njenge-deposit yemoto ayezodiliva ngayo.
Lokhu kufakazela ukuthi awudingi imali eningi ukuze uvule ibhizinisi.
Hlakanipha, vula ibhizinisi. Imali izozingenela!
ISIKHATHI
Isikhathi kumele songiwe njengemali.
Zibuze ukuthi okwenza njengamanje kuzokusiza kanjani ukuze kufezeke iphupho lakho. Ngabe uyasonga isikhathi noma udlala ngaso?
Osomabhizinisi abaphumelelayo bayasazisa isikhathi.
ULWAZI
Shintsha ukucabanga kwakho uyeke ukuthi "Ngeke ngikwazi" uthi "Ngizokwazi". Lokho ungakwenza ngokuthola ulwazi.
Siphila emhlabeni lapho ulwazi lutholakala khona kalula. Ungathola konke okufunayo kwi-Internet. Kunokuchitha isikhathi ngokuzibuza ukuthi "Ngizokwenza kanjani lokhu?"zibuze ukuthi "Ubani ozongisiza kulokhu?"
Uzomangala ukuthola ukuthi kulula kangakanani ukuthola abanolwazi abazokusiza ukhulise ibhizinisi lakho.
NGENYANGA EZAYO: Indlela uhlaka lwebhizinisi olusisiza ngayo ukuze sibone sibuye sifeze izinjongo zethu.
Lluwellyn Diedericks
