ZULU.796.ppl
okwenzeka ezweni
Usashisa!
VUKA!
Imiklomelo yeVuka kuklonyeliswa ngayo izikhangiso zeTV eziphambili ezenzelwe ukusiza umphakathi. Esinye esawina yi-“Handle Your Gambling.” Lesi sikhangiso sikhishwe ngabeSouth African Responsible Gambling Foundation kanti sikhombisa umehluko phakathi kwemizwa yokuwina nobunzima bokulahlekelwa yikho konke.
UGlen Marques oyiCEO yeM-Net (kwesobunxele) noNolo Letele (kwesokudla) oyiCEO yakwaMultiChoice bekanye nabayingxenye yabaqondisi be“Handle Your Gambling,” uLani Greenhill noSimon Anderson.
Batshuza emagagasini!
I-Roxy Learn To Surf Tour ikhombisa ukuba nelikhulu isasasa ngesikhathi samaholidi kaDecember njengoba ochwepheshe babaqeqeshi - nabasizi babo beqeqesha ikakhulu intsha emabhishi aseSA. Lapha abaqeqeshi uMatt Pender (ngemumva) noKenny Matthews sibabona beqeqesha amantombazane.
BONA ZULU – February 2008
Isikhulu esiphezulu seSABC uDali Mpofu, Busi Mhlongo, Ihhashi Elimhlophe, Dorothy Masuka noDoc Shebeleza.
Ohloniphekileyo uTata uMadiba nowakwakhe umama uGraca besengqungqutheleni yabezindaba yekhonsathi i-46664.
Isenzo esihle
Abaculi bakuleli basanda kuhlangana bethula iDVD ngenhloso yokusiza uBusi Mhlongo ongaphilile.
Emcimbini wokwethulwa kweDVD - uLinah Khama ekanye noBusi Mhlongo.
u
t
okwenzeka ezweni
wumshayeli wetekisi ‘endizayo’?
Babhakela umphakathi
I-“I Bake, I Care” wuhlelo lomsebenzi eSoweto olwasunguleka ngokubambisana phakathi kwabeGolden Cloud nabeHOPE okuyinhlangano ezimele iNGO edume umhlaba wonke.
Lolu hlelo lwe-“I Bake, I Care” luzosiza kakhulu ekuthuthukiseni imiphakathi - ikakhulu abesimame ekuzakheleni ikusasa ngokubhaka, ngokusho kukaSibongile Mooko wabeGolden Cloud.
Ngokufundisa ukubhaka namakhono kwezamabhizinisi, lolu hlelo lomsebenzi luzokwenza abesimame bakhiqize imikhiqizo yekhwalithi ephezulu abazoyidayisa emiphakathini yabo nokuba bazakhele inzuzo,” kusho yena.
UMCULO u-Ike Turner wawuqala eseyingane ekhula eMississippi. ngeminyaka yo-1930. Upiyane walufundiswa wumculi we-blues uPinetop Perkins.
Wakhuliswa ngokomculo ngumculi waseNutbush eTennessee - u-Anna Mae Bullock.
Ngo-1960 uBullock wakhulelwa ingane ka-Ike wacelwa futhi ukuba aqophe ecula phambili engomeni ethi A Fool In Love. Emva kwalokho washintsha igama lakhe waba nguTina Turner.
Lezi zithandani zashada ngo-1962 kanti sezike zacula ngokubambisana ezingomeni ezifana nezithi River Deep, Mountain High, Nutbush City Limits.
Laba bashadikazi bakwaTurner - isimo somshado wabo sasetshenziswa ekwenzeni i-movie yaseHollywood ngo-1993 i-What’s Love Got To Do With It. Le movie yenza u- Laurence Fishburne ukuba aqokelwe umklomelo we-Oscar ngokudlala kwakhe indawo kaTurner.
Ngeminyaka yo-1980, izidakamizwa notshwala kwamholela ekutheni angahambisani kahle nengalo yomthetho nokwaphetha ngokuba athole isigwebo eside ejele.
Emva kokukhululwa kwakhe, uTurner waqala wavuselela kabusha umsebenzi wakhe wokucula nokuthe eseneminyaka engu-76 wawina iGrammy ngo-2007 ngeRisin’ With the Blues.
Wedlula emhlabeni ngoDecember 12, 2007.[z]
Sikhumbula iqhawe!
UMichael Schumacher (38) ngumshayeli ohamba ngesivinini esikhulu emhlabeni kanti usebe ngushampeni womhlaba izikhathi eziyisikhombisa. Usanda kumangaza umshayeli wamatekisi uTuncer Yilmaz ngokuba amgudluze esitelingini azibambele yena mathupha ukuze afice ibhanoyi ayephuthuma ukuyoligibela.
“Kimina kwaba yinto engakholakali ukuba imoto yami ishayelwe wuSchumacher,” kusho uYilmaz.
“Wayejika amakhona ngesikhulu isivinini esika ezinye izimoto ezindaweni eziyingozi,” kusho uYilmaz owathola i-tip yemali enguR800 ngalolo hambo.
Lo mshayeli wezimoto zomjaho waseJalimane usehlala eSwitzerland. Wathatha umhlalaphansi kwiFormula 1 ngo-2006. Abethimba lakhe elidala iFerrari bethi mancane amathuba okuba abuyele kulo mdlalo.
UDONSE UGOBE!
ULilia Stepanova enza izimanga zakhe ngesikhathi sekhefu emidlalweni ye-Archery World Cup eyayibanjelwe eDubai.
