zulu.1307.birthday (2)
UBONA
UBONA usifezile isethembiso - sokuba “yiphephabhuku labantu”
NGESIKHATHI uBONA usungulwa kwakugqokwa amasudi angama-double-breast, izicathulo zePeppa ezazicije phambili nezibuko zelanga. Abesilisa babegqoka izigqoko zeStetson, Dobbs neDorian, kanti kwakugitshelwa izimoto zohlobo lwamaBuick, Studebaker, Plymouth noFord V-8. Abesimame ababebona ukubaluleka kokufunda babebizwa ngo “S’cuse Me.”
Ebholeni kwakuvutha i-Orlando Pirates, Moroka Swallows Big XV, Bush Bucks, Pretoria Home Stars neRockville Hungry Lions.
UBONA watholakala okokuqala ezitolo ngo-1956 uMhleli wawo oMkhulu kunguDkt CJ Oosthuizen. Ababekhonze ukugxeka babengakholwa wukuthi abantu abamnyama bangathanda ukufunda iphephabhuku elibhalwe ngolimi lwabo. Kodwa ushicilelo lokuqala lwathengwa ngelikhulu isasasa. Iminyaka emibili yaphela sekudayiswe oBONA abangu-100 000.
KubaHleli ababa nesandla ngalezo zikhathi singabala uPeter Becker, Earl Martin, Reg Vermeulen, Daizer Mqhaba, Fraser Mtshali noForce Khashane.
Kuleli phephabhuku abafundi bathola izindaba ezibanika ulwazi, bafunde nangempilo yabaculi, namaqhawe ehlukene ezemidlalo nangabantu abaphumelelayo. UBONA usabambelele esithembisweni sawo sokuba “yiphephabhuku labantu”.
Iphephabhuku lethu laba nesandla ekusizeni umphakathi ngesikhathi kwethulwa iBONA People’s Fund. Imali eyayitholakala kuleso sikhwama yayisiza imiphakathi entulayo. Izingane zaseSoweto zakhelwa ipaki, kwathengwa izinto zokudlala nezokufunda, ama-typewriter abangaboni emehlweni, izimoto, kwakhiwa namagumbi okufundela. UBONA awugcinanga lapho ngoba wawubuye ukhiphe izingane zaseGauteng ezazincishwe amathuba zishaywe wumoya ziye ogwini lwaseKZN.
Ngomncintiswano weReach For the Stars owawukuBONA kwakufunwa abakhangisi abasebancane. UKhanyi Dhlomo-Mkhize osengusaziwayo manje naye wayephakathi kwabawina kulowo mncintiswano owawubanjelwe eThohoyandou.
Omunye umncintiswano owaba yimpumelelo kwaba yiBONA Bonanza.
Baningi abasebenzi asebahamba kanti abanye bahamba ngoba sebethole amadlelo aluhlaza.
UMike Mtakati owayenguMhleli wephephabhuku lesiSuthu ngeminyaka yo-1980, wajoyina i-Anglo American waze waficwa yisikhathi sokufa ngo-2004 emva kwengozi yemoto enyantisayo.USibusiso Mntaka owayenguMhleli wesiZulu wajoyina elinye iphephabhuku wathenga nehhotela kanti uLechesa Tsenoli wayeyilungu lephalamende.
UBONA awukaze ubadumaze abafundi kanjalo nabakhangisa kuwona abasaqhubeka nokubambisana nawo! Sibonga ukwesekwa ikakhulu yilaba: Defy, Surf, Omo, Hart Cookware, Royal Baking Powder, Lucky Star, Glenryck neDamelin College.
Sithemba ukuthi nizokuthokozela ukufunda ukuthi sisukaphi njengoba sihalalisela uBONA kule minyaka engu-50 wasungulwa. Sibonga ukusixhasa kwenu.
Sengathi leli phephabhuku lingaqhubeka lenze okuhle eminye iminyaka engu-50! Halala! [z]
BONA ZULU – September 2006
indaba nguCHRISTINE MAROT
una
Senze kahle kanti .... sinekusasa eliqhakazile
50
BONA ZULU – September 2006
