zulu.706.bec event
NGOMGQIBELO November 22, 2008 iBONA Empowerment Club izokube inomcimbi kaKhisimusi eThe Pyramid eGoli.
Umcimbi walo nyaka uzophinde usetshenziswe njengowamanqamu koweMageu Number 1, Business Start-up Awards 2008.
Phakathi kwezikhulumi zosuku singabala uDkt Elijah Maswanganyi, umdlali wezithombe uLillian Dube, usomabhizinisi uRebecca Masilo nomculi weGospel uKholeka.
UDkt Maswanganyi uneziqu zaseSAST SA, Haggai Institute Singapore naseFuller University eMelika. Ungusomabhizinisi nomfundisi ohlonishwayo osekuphele cishe 30 iminyaka ethula izinkulumo zokubuyisana nezakhayo.
ULillian Dube usebe kwezokuthokozisa umphakathi iminyaka engaphezu kwengu-20 kanti usehlonishwe ngemiklomelo eminingi. Usedlale emafilimini afana nethi Cry The Beloved Country, Zulu On My Stoep ne-African Skies. Udume ngendawo ayidlalayo kaSister Bettina kwiSoul City. Eminye imidlalo yeTV akuyo - yiGenerations, Soul Buddyz, Mponeng neminye.
URebecca Masilo ngumnini weDitebogo Consultancy yezokuqeqeshwa nokuthuthukiswa kwamaSMME. Naye uyilungu le-BONA Empowerment Club.
Ibhizinisi lakhe walisungula ngo-2004. Ugxile emkhakheni wokuphathwa kwamabhizinisi nasekuqeqesheni, usizo lwama-aftercare, ukuhlomuliswa kwabansundu kwezomnotho nasemisebenzini yokuphatha yabeCSI.
Kusukela ngo-1997 uKholeka akhipha i-albhamu yokuqala, usekhombise okukhulu ukukhula empilweni nasemculweni. Usanda kukhipha i-albhamu yesikhombisa ethi Linamandla Eli Gazi.
Abaxhasi bethu abasha bakwa-Elite Properties nokuyibo abathuthukise indawo yaseBeverley Hills eVanderbijlpark nabo bayobe beyingxenye yohlelo, kanti bangakusiza ekwenzeni amaphupho akho abe yimpumelelo. Ngosizo lwabakwaFNB nawe ungayithola indawo kule ndawo uma imali yenu ningumndeni ingu-R6 000 ngenyanga lapho isihlangene. Shayela kule nombolo: 086-114-6637.
Niyophinde nithole ithuba lokunambitha amahhewu amasha iMageu Number 1 anokunambitheka kwe-Apricot kanti kuyokube kukhona nezikhwanyana eziqukethe okukaKhisimusi okumnandi kusukela ekudleni kuye kwezobuhle nokucwalwa kwezinwele namavawusha asezitolo.
124 BONA ZULU November 2008
WOZA EPHATHINI YETHU
KAKHISIMUSI!
NINI: UMgqibelo, November 22, 2008
KUPHI: The Pyramid, 96 Eloff Street Ext, Village Deep, eGoli
ISIKHATHI: 9.30 ekuseni kuze kube ngu-3 ntambama
IMALI: R60 umuntu – ibandakanya ilantshi neziphuzo. (Kukhokhwa emnyango.) Umuntu uyozithengela ngokwakhe e-bar.
UKUZE UBHUKE: Shayela oyi-Revue Liaison ku-011-883-8829 ngezikhathi zomsebenzi (8.30am-5pm)
ULillian Dube kwiSoul City.
Amalungu eBONA Empowerment Club ezithokozisa eThe Birchwood Hotel eBoksburg ngoJuly 5, 2008.
UKholeka.
UKHOLEKA waqala ukuzibonakalisa kwezomculo eneminyaka eyisikhombisa lapho amangaza abantu esontweni ngephimbo lakhe elimnandi. Akuthathanga sikhathi wabe esecula esikoleni sakhe nokwathi emva kwalokho waculela ikhwaya yangakubo.
Eminyakeni elishumi ezibandakanye emculweni, usekhiphe ama-albhamu ashisayo afana nathi Masizilungiselele, Umkhulu Jehova nethi Uyabizwa, nokungama-albhamu asemakhele elikhulu igama.
Kuningi asekhule kukho uKholeka kusukela esemncane efika eGoli eliqhamukisa kubo eWillowvale ngaseMthatha, kuze kube uzakhela igama kwezomculo.
Ezinye zezinto angasoze azikhohlwa ngomsebenzi wakhe wokucula, zibandakanya ukuqokwa kwiChannel O eqokelwa emkhakheni weBest Female Gospel Video ngo-2005. Useke wamenywa futhi ukuzocula nakumafestiveli eJoy Of Jazz yodumo kanti kule minyaka, ziningi izihlabani zomculo uKholeka asesebenzisane nazo.
NgoNovember 22, 2008 uKholeka uzocula ezinye zezingoma zakhe ezishisa izikhotha - Bambalela, Umkhulu Jehova, Masizilungisele, Uyabizwa nezinye
BONA ZULU November 125
