zulu.69.biscuits
Amakhekhe ahlotshisiwe!
NO BAKE BISCUITS
* 1/2 inkomishi (125ml) imajarini
* 1 inkomishi (250ml) i-cocoa powder
* 1 inkomishi (250ml) ubisi
* 1 inkomishi (250ml) ushukela omhlophe
* 2 izinkomishi (500ml) i-oats
1. Epanini, ncibilikisa imajarini. Faka i-cocoa powder, ubisi noshukela. Govuza.
2. Thela i-oats ugovuze. Susa ipani emlilweni, kupholise imizuzu engu-5-10.
3. Yikha ingxube ngesipuni uyibeke kwi-baking sheet uyeke kusethe.
Kubiza: R24,56
Kuphuma angu-25
Iseluleko: Uma wenza akaKhisimusi wahlobise ngama-cherrie abomvu na-green engakasethi.
GINGERBREAD MEN
* 3 izinkomishi (750ml) i-cake flour
* 2 ama-teaspoon (10ml) i-bicarbonate of soda
* 2 ama-teaspoon (10ml) i-ground ginger
* ibinzana likasawoti
* 3/4 inkomishi (185ml) imajarini eqotshwe izikwele
* 1 1/2 izinkomishi (375ml) ushukela
* 1 iqanda
* 4 izipuni (60ml) i-golden syrup
1. Endishini, sefa ufulawa, i-bicarbonate of soda, i-ginger nosawoti. Cubuzela phakathi imajarini ngeminwe.
2. Kujeke, shaya ushukela, iqanda ne- syrup. Thela engxubeni eyomile, yifake kwi-blender.
3. Ndlala inhlama ebhodini. Qoba kube yiGingerbread Men (noma ukumise ngenye indlela). Sebenzisa i-straw uvule imbobo yokufaka ukotini wokulengisa amabhisikidi.
4. Beka ethreyini lokubhaka ubhake kuhhavini oshisiswe ngo-180oC imizuzu engu-15.
5. Kupholise uhlobise nge-icing noswidi.
Kubiza: R14,60
Kuphuma amabhisikidi angu-15 amakhulu noma angu-25 amancane
SUGAR COOKIES
Cookies
* 1/2 inkomishi (125ml) imajarini
* 1/2 inkomishi (125ml) ushukela
* 1 inkomishi (250ml) i-self-raising flour
* 1 inkomishi (250ml) i-cake flour
* 1/2 i-teaspoon (2,5ml) usawoti
* 1 iqanda
* ubisi (uma kome kakhulu)
1. Endishini, shaya imajarini noshukela. Thela ofulawa, usawoti neqanda ugovuze. Uma komile, thela ubisi.
2. Dova ingxube ebhodini elivuvuzelwe ngofulawa. Ndlala kungabi wugqinsi. Qoba kume ngendlela oyithandayo ubeke ethreyini. Vula imbobo nge-straw ekhekheni ngalinye. (Kulezo zimbobo faka ukotini wokulengisa amabhisikidi)
3. Bhaka kuhhavini oshisiswe ngo-180oC imizuzu engu-10-15.
4. Kupholise ungakafaki i-icing.
I-Icing
* 1 1/2 izinkomishi (375ml) i-icing sugar
* 1 okweqanda okumhlophe
* 4 amaconsi ujusi kalamula
* i-food colouring
1. Endishini, sefa i-icing sugar.
2. Kwenye indishi, shaya okweqanda okumhlophe. Faka i-icing sugar kancane kancane eqandeni, shaya kushube. Faka ujusi kalamula.
3. Faka ukotini emakhekheni ukuze uwalengise.
4. Hlobisa i-icing. Yikha umbala wokuhlobisa owuthandayo ngesipuni uthele kupulasitiki omncane uwubhobose ekhoneni ukuze wenze i-piping bag. Putshuzela i-icing emakhekheni. Wayeke aqine ungakawalengisi esihlahleni.
Kubiza: R16,35
Kuphuma angu-20
POPCORN TINSEL
* 1 isipuni (15ml) uwoyela
* 2 izinkomishi (500ml) i-popcorn kernels
* inaliti nokotini
1. Epanini shisa uwoyela. Pheka i-popcorn, inkomishi eyodwa ngesikhathi.
2. Faka ukotini enalitini. Shaya ifindo ekupheleni kukakotini. Xhuma i-popcorn kukotini. Khipha inaliti ushaye elinye ifindo.
Kubiza: R3,50
SWEET CANDY CHAINS
* ukotini noma iwuli
* inaliti
* uswidi othambile
1. Faka ukotini enalitini. Shaya ifindo ekupheleni kwawo. Xhuma uswidi wenze kube yintambo ende. Nquma ukotini ukhiphe inaliti, shaya elinye ifindo.
Kubiza: Kuncika enanini likaswidi. [z]
BONA ZULU December 2008
OKUMNANDI
Izingane zakho mazibe matasa zenze amabhisikidi okuhlobisa isihlahla sikaKhisimusi kula maholidi. Amaresiphi nezindlela zokuhlela ngabeGemini Food Promotions, izithombe nguKim Thunder
No Bake Biscuits
BONA ZULU December 2008
