zulu.961.yourman_motoring
I-Fiat nobuchwepheshe
Sihlola iFiat entsha iLinea enezicabha ezine - yinhle inokuningi okwengeziwe
NGESIKHATHI iFiat entsha iLinea ifika ngoSeptember, yathatha amehlo abaningi ngendlela eyakhiwe ngayo yekhwalithi. Ngaphakathi inokuningi okwengeziwe nokokuphepha.
Okuyizona zinto okufanele uzikhokhele ngaphezulu, ezifana nezihlalo ze-leather ngemali engu-R9 000 nopende o-metallic ngemali engu-R1 500. Ngaphandle kwalokho, kuningi okutholayo: 15” alloy wheels, power steering, amafasitela kagesi, air-conditioning, i-remote, umsakazo odlala amaCD/MP3, ikhomphyutha ekutshela ngohambo nophethiloli, indawo yokubeka izingalo ngaphambili nangemumva, amabhuleki avimbela ukushelela kanye nama-airbags angaphambili.
Iningi indawo esemotweni, isihlalo somshayeli nesitelingi uyakwazi ukukusetha kuvumelane nezifiso zakho, indawo ebhuthini inkulu ngokwanele.
Enye yezinto enhle ezikhona yi-Blue&Me yezokuxhumana nokuzithokozisa. Yasungulwa ngokubambisana ngabeFiat nabeMicrosoft kanti isebenzisa iBluetooth engadingi ukubanjwa ngezandla nokukwenza:
■ Uthole izingcingo ukwazi nokushaya ngaphandle kokukhipha i-cell yakho esikhwameni.
■ Ulalele umculo kwi-phone yakho, MP3 player no-i-USB.
■ Ulalele nomsakazo.
Ukwenza isibonelo, vele usho ukuthi ufuna ukushayela bani ucingo, bese iBlue&Me ivala umsakazo ishayele inombolo oyifunayo, ukhulume ngosizo lwe-microphone.
Kuhle impela lokho ikakhulu emotweni ebiza R175 000 ene-warranty yeminyaka emithathu ka-
100 000km, ne-service plan yeminyaka emithathu ka-60 000km.
Ngakolunye uhlangothi, iFiat inenjini engu-1,4-litre. Nakuba inamandla ngasogwini - kungenzeka izabalaze eGauteng nokuyilapho umoya omncane udla cishe u-20% wamandla ayo.[z]
Indaba nezithombe: Gavin Foster
EZEZIMOTO
7 IMIBUZO ONGAYIBUZA
I-INSURER YAKHO
Bheka zonke izinto ngaphambi kokuvuma i-quote ubuze nemibuzo - ngokubabhalela uma ungenaso isiqiniseko noma yingani kwi-policy.
Qiniseka ukuthi yonke imininingwane iqoshwe ngokuyikho ngaphambi kokwamukela i-quote kunokuthola emva kwesikhathi sekunenkinga.
■ Ngabe lo mshwalensi uyasebenza kumuntu wesithathu (third party), emlilweni nasekuntshontshelweni noma kwezinye izimoto osuke ushayisene nazo, kodwa hhayi kweyakho?
■ Malini oyikhokhelwayo lapho unesicelo se-claim?
■ Ngabe imali yakho yokuqala oyikhokhelwa nge-claim iyaphindeka uma imoto ivelelwe yingozi emgwaqweni olubhuqu?
■ Ngabe inomshwalense wokushayelwa yinoma ngubani nokuthi lokho kuyithinta kanjani imali oyikhipha nyanga zonke neyi-excess?
■ Ngabe uyasebenza ngisho imoto ubuyisebenzisela umsebenzi wakho noma izidingo zakho kuphela?
■ Ngabe abomshwalensi bayakuvumela ufake izinto zokuphepha ezifana ne-tracking device?
■ Ngabe usebenza ngisho uqashe enye imoto lapho eyakho ingekho?
Sibonga uMark Logie wabeMichael Cocks & Associates eHillcrest eKZN.
