zulu.570.yourfood_minutes
Ukudla ngemizuzu
STUFFED BRINJALS WITH VEGETABLES AND MINCED MEAT
* 2 ubhrinjolo
* 1 isipuni (15ml) uwoyela
* 1 u-anyanisi oqotshiwe
* 1 isigaxa sikagaligi ogayiwe
* 1 utamatisi oqotshiwe
* 1 i-teaspoon (5ml) i-paprika
* 1 i-teaspoon (5ml) u-curry powder
* 1 i-teaspoon (5ml) ushukela
* 100g i-minced meat
* 1/2 x 375g ithini le-vegetable curry
* ushizi wokunonga ogreythiwe iCheddar
1. Sika ubhrinjolo phakathi ngokwehla kwawo. Ngesipuni kopolota okungaphakathi ukubeke eceleni.
2. Epanini thosa u-anyanisi nogaligi imizuzu engu-3. Bondela phakathi utamatisi, izinongo noshukela. Kupheke imizuzu emihlanu ulokhu ukugovuza.
3. Faka okukhiphe kubhrinjolo ne-minced meat ukupheke imizuzu engu-10. Faka i-vegetable curry ukubonde ukupheke imizuzu emihlanu. Kugudluze emlilweni.
4. Faka ingxube ngesipuni kumagobolondo kabhrinjolo, emiphethweni awo ugcobe uwoyela. Abeke kwi-baking tray. Bhaka kuhhavini ongu-180°C imizuzu engu-25-30 kuze kuphekeke kube nsunjwana ngenhla. Kunonge ngoshizi.
Kwanela ababili
Ezinye izindlela
■ Inkukhu eqotshiwe ingasetshenziswa njenge-filling.
■ Utamatisi ungasetshenziswa esikhundleni sikabhrinjolo.
OKUSHESHAYO
VEGETABLE SAMOOSAS
Samoosas
* 4 amashidi e-phyllo pastry
* uwoyela wokubhrasha
Filling
* 2 amazambane acwecwiwe abiliswa abhucwa
* 1 inkomishi (250ml) i-sweetcorn esethinini
* 1 x 375g ithini le-vegetable curry
* usawoti nophepha
1. Ebhodini elinofulawa, sika ishidi lenhlama ye-phyllo ngokulehlisa imicu emine (cishe 8cm x 25cm). Kubhrashe kancane ngowoyela.
2. Endishini hlanganisa izithako ze-filling.
3. Beka umucu we-pastry ebhodini elinofulawa. Goqa ikhona langakwesokudla phansi lifinyelele kwelosobunxele ukwakha unxantathu. Goqa ikhona eliphansi langakwesobunxele uligoqele kwi-pastry. Lokhu kuzokwakha iphakeshana kwesobunxele kwi-filling. Faka 1 isipuni (15ml) i-filling kulelo phakeshana uqhubeke ukugoqe kuze kuba ishidi le-pastry lisebenze lonke nephakeshana lavaleka.
Manzisa isayidi langaphansi, uthambise -i-pastry ngamanzi amancane bese ucindezela kahle kancane ukuze uvale iphakethe.
4. Kubeke kwi-baking tray ukubhrashe ngowoyela. Kubhake kuhhavini ongu-180°C imizuzu engu-10-15 noma kuze kube nsunjwana.
Kwanela abangu-3
Iseluleko
■ Sebenza uqede ngeshidi elilodwa le-phyllo pastry ngesikhathi. Mboza amanye amashidi asele ngendwangu eswakeme ukuvikela ukoma.
Izitshalo zibalulekile ekudleni okunempilo. Ezisemathinini azinambitheki nje kuphela, kodwa zigcwele konke okuhle
VEGETABLE PIE
* 2 izipuni (30ml) uwoyela
* 1 u-anyanisi oqotshiwe
* 1 isigaxa sikagaligi esigayiwe
* 1 x 375g ithini le-vegetable curry
* 1/2 i-teaspoon (2,5ml) ushukela
* 1/2 inkomishi (125ml) ama-frozen peas
* 2 amazambane acwecwiwe abiliswa abhucwa
* i-coriander yokunonga
1. Epanini shisa uwoyela uthose u-anyanisi nogaligi imizuzu engu-3 kuze kuthambe.
2. Faka i-vegetable curry, ushukela no-peas. Kupheke imizuzu emihlanu.
3. Cindezela ingxube epanini bese phezulu ufaka amazambane abhuciwe. Mboza ipani ngesivalo ukupheke imizuzu emihlanu.
Kwanela abangu-3
Enye indlela
■ Ingxube ka-curry ungayikhiphela kwi-oven-proof dish, ngenhla ufake amazambane abhuciwe ukubhake kuhhavini ongu-180°C imizuzu engu-20-25. [z]
Amaresiphi: Ntwenhle Mpanza
Izithombe: Peter Whitfield
