zulu.489.feedback
BONA ZULU July 2008
“You have no business being poor!”
UMCIMBI weBONA Empowerment Club wawubanjelwe ePort Elizabeth ngoMay 3 2008 e-Edward Hotel nokuyilapho izethameli zalo mcimbi zathokozela izinkulumo ezakhaya ezazihambisana namathuba okusebenzisana ngokuxhaswa ngabeSasko Flour, Mageu Number One, no-Avon.
UMnuz Odwa Mtati, oyiCEO yeChamber Of Commerce And Industry ePort Elizabeth wethula inkulumo enohlonze ngamathuba okutshala izimali kule ndawo - ikakhulu ekulungiseleni iNdebe yoMhlaba ka-2010 nasemva kwayo.
AbeMageu Number One banika owaphumelela kwiBusiness Start-up awards uNokuzola Beauty Golozana waseSteytlerville umklomelo wemali engu-R2 000. UNicky Lawrence wakwa-Avon wasikhombisa ukuthi imikhiqizo yakwa-Avon ingawenza kanjani umehluko. Ababehambele lo mcimbi bazitika ngomculo wokholo ababewethulelwa yizihlabani zalo mculo uSphiwe noKhulile. AbeSasko Flour bathola ithuba lokukhombisa ngezindaba zempumelelo esezenze umehluko ezimpilweni zabantu basePort Elizabeth.[z]
