zulu.488.breakfast
Amabhulakifesi ehla esiphundu
amaresiphi nezindlela zokuhlela ngabakwaGEMINI FOOD PROMOTIONS
izithombe nguKIM THUNDER
Usukhathele isidlo ohlale usidla njalo ekuseni? Zama lezi zidlo ezehlukile
Individual Tomato And Egg Bakes
Kubiza: R11,99
Kwanela abangu-6
Izithako
6 otamatisi
uphepha omnyama omahhadla
1 isipuni (15ml) i-Aromat
6 amaqanda
Indlela yokwenza
1. Sika ingaphezulu likatamatisi bese ukopolota okuphakathi. Vuvuzela ngophepha onsundu ne-Aromat. Kubeke kwi-oven-proof dish egcotshiwe.
2. Shaya iqanda ulifake kutamatisi ngamunye.
3. Kubhake kuhhavini oshisiswe ngezinga elingu-180oC imizuzu eyisishiyagalombili (noma ngaphezu kwalokho, kuncike ekutheni uwathanda enjani amaqanda).
4. Kuseve kushisa no-toast noma namasosiji noma ubhekeni.
Special Treat Porridge
Kubiza: R9,95
Kwanela abane
Izithako
120g iphalishi le-oats
4 izinkomishi (1l) ubisi
1/4 i-teaspoon (1ml) usawoti
3 izipuni (45ml) ama-raisins
1/4 inkomishi (60ml) uju ne-syrup
3 izipuni (45ml) imajarini
i-cinnamon (oyithandayo)
Indlela yokwenza
1. Endishini cwilisa i-oats obisini ubusuku bonke.
2. Faka usawoti nama-raisins. Kukhiphele epanini ukubilise ulokhu ukugovuza zikhathi zonke. Kugovuze emlilweni omncane kuze kushube iphalishi.
3. Bondela phakathi uju nemajarini. Kuvuvuzele nge-cinnamon. Kuseve ngokushesha.
Breakfast Muesli
Kubiza: R22,98
Kwanela abangu-6
Izithako
2 izinkomishi (500ml) iyogathi ye-strawberry
2 izinkomishi (500ml) i-muesli
2 izinkomishi (500ml) i-fruit, elicwecwiwe laqotshwa (ama-strawberries, ubhanana, uphayinaphu)
i-fresh mint
Indlela yokwenza
1. Engilazini ngayinye, faka wendlale iyogathi, i-muesli ne-fruit.
2. Phezulu faka i-mint bese ukuseva.
Iseluleko: Ukuze wonge, sebenzisa amaWeetbix ahlephukile avuvuzelwa ngoshukela esikhundleni se-muesli.
Syrupy Fruit Kebabs And Cornflakes
Kubiza: R23,90
Kwanela abangu-6
Izithako
6 ama-bamboo skewers
6 amaplamusi avuthiwe, akhishwa izinhlamvu asikwa phakathi
3 obhanana abacwecwiwe basikwa izingcezu
1 uphayinaphu ocwecwiwe wasikwa izingcezu
2 izipuni (30ml) i-syrup
2 izipuni (30ml) imajarini encibilikisiwe
i-cinnamon
i-fruit yogurt
ama-cornflakes
Indlela yokwenza
1. Cwilisa ama-bamboo skewers emanzini abandayo imizuzu engu-30. Ngentambo faka-ifruit kuma-skewers.
2. Endishini hlanganisa i-syrup nemajarini. Ngebhulashi gcoba ama-kebabs ngengxube ye-syrup bese ukugrila imizuzu embalwa.
3. Kuphendule i-fruit lize lifudumale. Kuvuvuzele nge-cinnamon.
4. Kuseve nge-fruit yogurt nama-cornflakes.
Sausage Patties With Fried Eggs
Kubiza: R28,90
Kwanela abangu-6
Izithako
500g amasosiji ebulwe isikhumba (asikwa ngobude bawo)
usawoti nophepha
2 u-anyanisi ocwecwiwe waqotshwa
1/2 inkomishi (125ml) izimvuthu zesinkwa
1/4 inkomishi (60ml) imajarini
6 amaqanda
Indlela yokwenza
1. Endishini nonga inyama yamasosiji ngosawoti nophepha. Kuhlanganise no-anyanisi. Kwehlukanise izingxenye eziyisithupha. Kubumbe kube ama-patties bese ukwemboza ngezimvuthu zesinkwa.
2. Epanini shisa imajarini uthose ama-patties.
4. Thosa amaqanda. Seva ama-patties namaqanda ngaphezulu kanye no-toast.
Breakfast Crumpets
Kubiza: R10,29
Kwanela abangu-6
Izithako
2 izinkomishi (500ml) i-cake flour
4 ama-teaspoon (20ml) i-baking powder
1/2 i-teaspoon (2ml) usawoti
4 ama-teaspoon (20ml) ushukela
2 amaqanda
1 1/3 izinkomishi (330ml) ubisi
2 izipuni (30ml), imajarini encibilikisiwe
Indlela yokwenza
1. Endishini sefela ndawonye izithako ezomile.
2. Kwenye indishi shayela amaqanda. Faka ingxube esefiwe, ubisi nemajarini. Kuhlanganise kuze kube bushelelezi. (Inhlama kufanele ibe nokhilimu oshubile).
3. Gcoba ipani, ulishise. Faka amageqelana enhlama ngesipuni. Aphendule nge-egg-lifter ngesikhathi eyeka ukuba namabhamuza. Nelinye isayidi liyeke lize libe nsunjwana.
4. Kuseve nemajarini ne-syrup noma noju.[z]
BONA ZULU – October 2005
Sausage Patties With Fried Eggs.
Special Treat Porridge.
BONA ZULU – October 2005
