zulu.450.world
BABEZIPHOLELE
UMCULO
omnandi
Labo phuma langa sikothe bezintokazi babethamele i-Urban Music Festival eCoca-Cola Dome eNorthriding eJozi. U-Akon noFat Joe babephakathi kwabaculi ababeboshelwe…
BONA ZULU June 2008
UMHLABA WETHU
UBUCHWEPHESHE
UVUSELELA AMANDLA
ONGUPHROJUSA womculo eSA nomenzi wamafilimu bakhethe ukusebenzela e-Antarctic indawo ebandayo enomoya kodwa bathola imiphumela emihle ngalokho.
UNtsikelelo Ntshingila noSiphiwe Ngwenya ongumenzi wamafilimu abagcinanga ngokuvula isiteshi somphakathi esizosakazela abantu abahlala kwiSouth Pole kuphela kodwa babuye baba nesandla ekwakhiweni komshini osebenzisa ilanga nomoya ukuphehla ugesi.
■ Steve Kretzmann
◄Umshini obizwa ngoMthombo Womlilo ovuselela amandla usebenza ngelanga.
USiphiwe Ngwenya ongumenzi wamafilimu noNtsikelelo Ntshingila onguphrojusa womculo begqoke ezihambisana nesimo sezulu e-Antarctic.
Babegqoke beconsa beshaya ama-get-down laba bathandi bobumnandi ababezibiza eBack Room ePimville Square, eSoweto…
BONA ZULU June 2008
UMTITILIZO
U-Rebecca!
WAHLANGANISA iminyaka engu-8 engakwazi ukuhamba – kodwa uRebecca Malope akayeki ukuDumisa uNKULUNKULU.
Usedayise ama-albhamu ayizigidi ezintathu, waba ngumculi onama-albhamu athengwa kakhulu eSA, kanti kulo nyaka uzobe egubha iminyaka engu-21 aqala ukucula esebenza noSizwe Zako, onguphrojusa omkhuthazayo nongumngani.
Akugcini lapho ngoba uzokhipha i-albhamu yakhe ka-29 esihloko sithi UJehova Ungu’Madida.
Inemicu engu-17 yomculo woKholo kanti iqhakambisa ubumtoti bephimbo lakhe nokholo lwakhe olumnika amandla okuqhubekela phambili ezikhathini ezinhle nezimbi.
Ezigomeni azithanda kakhulu kukhona ethi AmaZulu; Sinje Ngamajuba nothi How Great Thou Art.
■ Patricia McCracken
Sibonga kakhulu kwabakwaCCP Music njengoba sinamakhophi angu-10 e-albhamu kaRebecca entsha esiphisana ngawo. Ukuze uthole eyakho, SMSa REBECCA ku-35919 ngaphambi komhlaka 30 June 2008. I-SMS ibiza R3.
u
◄
Indlela udokotela asindiswa ngayo umakhelwane wakhe nomthandazi
YIMPILO LE!
Weqa uthango esindisa mina!
UDkt. Mokae (ngenhla) noMonica Kleinhans (ngezansi), umakhelwane wakhe owamsiza.
BONA ZULU June 2008
UMHLABA WETHU
KUNGENZEKA ukuthi uDkt. Gomolemo Mokae umazi ngencwadi yakhe ethi A Coloured Life, ekhuluma ngoRobert McBride. Kungenzeka futhi ukuthi umazi njengentatheli. Okungenzeka ukuthi awukwazi ngaye wukuthi impilo yakhe yaphephiswa umthandazi.
UDkt. Mokae usanda kushaywa yi-stroke. Samshiya ekhubazekile engakhumbuli lutho olwenzeka singakamshayi.
Uthi walulamiswa wukwelashwa ngokufakwa emanzini abusisiwe.
“Nakuba ngingudokotela, ngiyazi ukuthi kukhona izifo ongazelapha ngamakhambi esintu,” kusho uDkt. Mokae.
Ukusebenzisa kukamakhelwane wakhe onguMonica Kleinhans umqondo nakho kwamsiza.
Uyena owamphuthumisa kumthandazi emva kokushaywa kwakhe yi-stroke.
Kodwa kwadingeka ukuba eqe uthango ukuze afike kuGomolemo owayequlekile – kanti kwaba yinhlanhla ukuthi uMama uKleinhans wayekwazi ukushayela.
“Umyeni wami wayengafuni ukuba ngifunde ukushayela,” kusho yena.
Noma kunjalo uMama uKleinhans wafunda ukushayela wathola izincwadi zokushayela umyeni wakhe engazi.
“Wamangala kodwa wangathukuthela ngesikhathi ngimtshela ukuthi senginezincwadi.”
Kwakungaqali ukuthi ukukwazi kwakhe ukushayela kube lusizo, kwake kwadingeka ukuba aphuthumise umyeni wakhe esibhedlela exinwe yisifo sikashukela.
“Angazi ukuthi sasiyosizwa ngubani ukuba uMama uKleinhans walalela umyeni wakhe,” kusho uDkt. Mokae.
■ Force Khashane
OWINILE
INTOKAZI ENENHLANHLA
Halala Vatiswa – siyazithanda izinwele zakho!
SABUZA ukuthi uyazithanda yini izinwele zakho – sathola imingenelo engu-16 000 iphuma kwabesimame abanezinwele ezinhle. Amajaji akhetha abangu-12 abafinyelela kowamanqamu, umphakathi wavotela onezinwele ezinhle.
UVatiswa Nthoesane waseNelspruit uyena owawina koweSof n’free “Do You Love Your Hair”. Wathola amavoti angaphezulu kuka-20 000!
▲UVatiswa noPhemelo Ngcobo wakwaSof n’free. Wawina imoto yohlobo lweChrysler PT Cruiser Cabriolet. Okunye akuthola ngu-R25 000 nezimpahla zokugqoka zika-R10 000.
USEBENZA KAHLE
Uzwana nolwandle
Ungumtshuzi oqeqeshiwe othanda ulwandle. U-Jerry Ntombela ozifelayo ngolwandle wenza umsebenzi awuthandayo…
SIDE isikhathi uJerry Ntombela ephethe e-Open Ocean eShaka Marine World eThekwini. “Kumnandi ukufezeka kwamaphupho akho,” kusho yena ehleka.
Wazalelwa eMbazwana, ngasemngceleni waseMozambique, indawo eku-10km ukusuka eSodwana Bay.
Abazali bakhe bamkhuthaza ukuba abheke amatoho kuleyo ndawo kodwa bamdonsa ngendlebe bathi angalokothi abhukude olwandle. Babengazi ukuthi uJerry wayesengumbhukudi omdala ozithandela ulwandle…
Ngesikhathi enza uGrade 12 inkampani ye-scuba diving yaqala ukusebenzela eSodwana.
U-Jerry nabangani bakhe bajwayelana nabantu ababesebenza kuyona kanti ngelinye ilanga kwathathwa yena namanye amakhasimende ale nkampani bayiswa phansi ekujuleni kolwandle. Nakuba ayengakwazi ukutshuza, kwamhlaba umxhwele akubona kwenziwa abatshuzi wathatha isinqumo sokwenza lo msebenzi.
Wafaka isicelo sokuqeqeshwa yile nkampani izinyanga ezingu-9 engaholi ngesethembiso sokusebenza kuyona uma eseqedile.
“Ngeke ngilukhohlwe usuku lwami lokuqala ngitshuza olwandle. Nganginovalo kodwa kwathi lapho sengisemanzini kwaphela konke ukwesaba. Ngangikomunye umhlaba omuhle ngendlela engachazeki.”
■ Johan Smidt
◄Umsebenzi uJerry awenza eShaka owokuqinisekisa ukuthi izinhlanzi ziphila kahle, aziphe ukudla ahlole nezinga lamanzi.
u
▼Izinhlanzi ezinkulu zingabangani bakhe. U-Jerry uyawuthanda lo msebenzi.
BONA ZULU June 2008
EZEMIDLALO
UNAMANDLA muhle
NGEKE usho ukuthi wenza le nto ayenzayo uFundiswa Mbande oneminyaka engu-24. Ungundaba-mlonyeni ngokungenela kwakhe imincintiswano ebandakanya owokugijima ibanga elingu-42,2km, ukugijima u-180km ngebhayisikili nokubhukuda u-3,8km olwandle.
◄
EZEMIDLALO
Bayatshuza
WAYEBUKWA yizigidi zabantu kwiWebcast uBo Shabalala waseThekwini ngesikhathi ewina isicoco seKomunity Project Future Star emncintiswaneni weQuikSilver Pro eBay of Plenty eThekwini.
I-QuikSilver Pro ihlanganisa amazwe ngamazwe kanti ingumqhudelwano ohlonishwa kakhulu ongenelwa abatshuzi abakhokhelwayo eSA. U-Bo wawina emzuliswaneni wesibili wePro-Junior Division kanti uzoxhaswa unyaka wonke abeKomunity Project. ULungani Memani wasePort Alfred walala isibili.
■ Patricia McCracken
USIKO LWETHU
Bayede Nkosi!
Isizwe samaNdebele akwaManala sasigubha umkhosi ka-28 waminyaka yonke kukhunjulwa iNkosi uSilamba..
▲UNathi Ngcobo.
BONA ZULU June 2008
UMHLABA WETHU
SEKUPHELE iminyaka engu-20 isizwe samaNdebele akwaManala sitheleka ngobuningi baso eKomjekejeke indawo yamaGugu eseWahlmansthal, ngaphandle kwasePitoli kukhunjulwa iNkosi uSilamba ongumbumbi wesizwe samaNdebele akwaManala.
Isigodlo seNkosi uSilamba sasiKwaPhulwana, ngaKwaNanduna indawo ephakathi kweBronkhorstspruit neTshwane. Emva kokuxabana kweNkosi noJenene uBronkhorst kubangwa umhlaba, iNkosi yathatha abantu bayo bathuthela eKoMjekejeke ngeminyaka yo-1850.
Yabusa kwaze kwaba ngu-1892 kwalandela umfowabo omdala iNkosi uMbhedlengani.
Umcimbi awuphethwe yisizwe samaNdebele akwaManala esibuswa yiNkosi uMakhosonke II wesizukulwane seNkosi uSilamba.
Kulo mkhosi kwakukhona uMntwana uLambert Kandaza wesizwe sabaTshokwe esiseDRC, iNkosi uWiseman Mabena wesizwe samaNdebele eZimbabwe, uSiphosezwe Masango onguNgqongqoshe wezeMfundo eMpumalanga no-Agnes Mlondolozi okuMasipala waseMeTsweding. Kwanandisa iHhashi Elimhlophe, uNothembi Mkhwebane, uHlanikuhle Mahlungulu nabanye.
▲U-Bo Shabalala etshuza. Kwesishuthekiwe: ULungani Memani.
▲Kusukela kwesobunxele: U-Adele Kayinda, Lambert Kandaza, iNkosi uMakhosonke II, noVeronique Nuzangila.
u
◄
IZIHLABANI
HAPPY BIRTHDAY!
UMHLABA WETHU
U-Eddie Murphy wagubha usuku lwakhe lokuzalwa ngendlela esesitayeleni eLA. Uneminyaka engu-47 manje kanti nakuba besingezwa lutho ngaye, uyisihlabani esesidlale emafilimini angu-33 enze ngaphezulu kuka-$3,4 billion eMelika kuphela nalapho ifilimu ngayinye yenze u-$104 million.[z]
Muhle!
Sikwethulela uHe Pingping, indoda emfishane kunawo wonke emhlabeni, ubude bakhe bungu-74,61cm.
