zulu.442.lunch
amaresiphi nezindlela zokuhlela ngabeGEMINI FOOD PROMOTIONS
izithombe nguKIM THUNDER
Ngesinye isikhathi siyakudinga okokuthiba indlala. Zama lawa maresiphi – akahle kakhulu!
BONA ZULU – October 2006
Okokuthiba
Chocolate Peanut Bars
Izithako
1/3 inkomishi (80ml) imajarini
1/2 inkomishi (125ml) ushukela
4 izipuni (60ml) i-syrup
2 1/4 izinkomishi (560ml) i-oats
1 x 100g i-dark chocolate
5 izipuni (75ml) i-peanut butter
50g amakinati aqotshiwe
Indlela yokwenza
1. Endishini shaya imajarini noshukela ufake i-syrup ne-oats ukuhlanganise.
2. Kwendlale ethreyini lokubhaka eligcotshiwe. Bhaka ngo-180oC imizuzu engu-15.
3. Epanini ncibilikisa u-chocolate ne-peanut butter ukuhlanganise ukwendlale epanini. Vuvuzela ngamakinati. Qandisa uqobe.
Kubiza: R14,46
Kuphuma angu-12
Crustless Vegetarian Quiche
Izithako
1/3 inkomishi (80ml) imajarini
1 u-anyanisi oqotshiwe
1 i-baby marrow eqotshiwe
4 amaqanda
500g amasi
2 izinkomishi (500ml) i-butternut ephekiwe
1 inkomishi (250ml) ushizi iCheddar egreythiwe
1 inkomishi (250ml) isipinashi esiphekiwe
usawoti nophepha wokunonga
Indlela yokwenza
1. Epanini shisa imajarini. Thosa u-anyanisi ne-baby marrow kuze kucishe kuthambe ukupholise.
2. Endishini shaya amaqanda namasi. Faka i-butternut, ushizi nesipinashi. Faka u-anyanisi ne-baby marrow ukunonge.
3. Faka endishini egcotshiwe esetshenziswa kuhhavini. Bhaka ngo-160oC imizuzu engu-40-50.
Kubiza: R18,95
Kwanela abangu-4
Picnic Rolls
Izithako
6 amaFrench rolls
2 izipuni (30ml) imajarini
1 upelepele okhishwe izinhlamvu waqotshwa
1 u-anyanisi oqotshiwe
1/2 u-green pepper oqotshiwe
1 inkomishi (250ml) ushizi iCheddar egreythiwe
5 izipuni (75ml) i-mayonnaise
ibinzana likasawoti
Indlela yokwenza
1. Hlukanisa ama-rolls phakathi nendawo. Khipha okungaphakathi. (Kubeke ukusebenzise njengezimvuthu zesinkwa noma uma wenza ama-meatballs.)
2. Endishini hlanganisa izithako ezisele.
3. Faka kuma-rolls. Goqa nge-foil uwahlukanise. Shisisa uhhavini ngo-160oC. Fudumeza ama-rolls imizuzu engu-7-10 uwadle eshisa.
Kubiza: R9,23
Kwanela abangu-6
Fried Chicken
Izithako
usawoti wokunonga
1/2 inkomishi (125ml) ufulawa
ibinzana likaphepha
1 i-teaspoon (5ml) i-paprika
1 inkukhu eqotshwe ama-portions
1 iqanda
4 ama-teaspoon (20ml) ubisi
3/4 inkomishi (185ml) izimvuthu zesinkwa ezonyisiwe
1/2 inkomishi (125ml) imajarini
Indlela yokwenza
1. Endishini hlanganisa usawoti, ufulawa, uphepha ne-paprika. Vuvuzela kophisi benkukhu.
2. Kwenye indishi shaya iqanda nobisi. Faka ophisi benkukhu.
3. Bakhiphe ubabhuqe ebhodini elinezimvuthu zesinkwa. Qandisa imizuzu engu-20.
4. Fudumeza imajarini epanini. Thosa ophisi benkukhu.
Kubiza: R28,45
Kwanela abangu-4
Picnic Meatballs
Izithako
2 izingcezu zesinkwa esimhlophe
ubisi oluncane
500g i-beef mince
1 u-anyanisi oqotshiwe
2 izipuni (30ml) i-tomato sauce
1 isipuni (15ml) u-curry powder
usawoti nophepha
2 izipuni (30ml) ufulawa
uwoyela wokuthosa
Indlela yokwenza
1. Endishini, thela ubisi phezu kwesinkwa. Yeka kuthambe ubonde ngemfoloko.
2. Kwenye indishi hlanganisa i-mince no-anyanisi. Faka isinkwa, i-tomato sauce no-curry powder. Nonga.
3. Bumba kube amabhola. Kubhuqe kufulawa.
4. Shisa uwoyela epanini. Thosa ama-meatballs avuthwe.
Kubiza: R17
Kwanela abangu-6 [z]
French Loaf Sandwich

indlala
French Loaf Sandwich
Izithako
1 iFrench loaf
imajarini yokugcoba
2 izipuni (30ml) i-chutney (ngokuthanda kwakho)
18-20 izingcezu u-polony
8-10 izingcezu i-processed cheese
2 utamatisi oyizingcezu
amahlamvu ka-lettuce
Indlela yokwenza
1. Qoba ulofu uwuvule phakathi nendawo. Gcoba imajarini ne-chutney.
2. Beka i-layer ka-polony noshizi. Beka utamatisi no-lettuce ngaphezulu.
3. Goqa nge-foil. Qandisa imizuzu engu-20. Qoba kube yizingcezu useve.
Kubiza: R21,34
Kwanela abangu-6
Fried Chicken
BONA ZULU – October 2006
