zulu.435.yourfood_star
Amstel’s
Spicy Chicken
SIPHEKA NEZIHLABANI
Intatheli yethu yezokudla uNtwenhle Mpanza uxoxisane no-Amstel Makwane oyilungu leqembu lomculo i-3Sum, nokunguye osicobelela ngokuconsisa amathe akuthandayo!
U-AMSTEL EKUDLENI
■ Ukudla engithanda ukukuphekela isoka lami - yisobho laseNigeria okuthiwa yi-egusi (melon seed) ne-lasagne.
■ Angisoze ngakudla ukudla kwamaShayina. Ngiyakwesaba.
■ Into engajwayelekile engake ngayidla - yinhlanzi emnyama yaseCongo.
■ Ukudla okuthandwa wumama - usu namanqina enkomo.
■ Ukube imali ayisiso isithiyo ngabe ngizidlela ama-Cherries no-cream kwabansundu bezambane likapondo!
OKUDINGAYO
* 2 izipuni (30ml) uwoyela
* 1 u-anyanisi oqotshiwe
* 1 i-teaspoon (5ml) u-curry powder
* 1/2 i-teaspoon (2,5ml) i-paprika
* 1 i-teaspoon (5ml) i-cumin
* 1 utamatisi oqotshiwe
* 1/4 uphepha oluhlaza oqotshiwe
* 4 amathanga enkukhu
* 2 izinkomishi (500ml) i-chicken stock
INDLELA YOKUKWENZA
1. Epanini shisa uwoyela uthose u-anyanisi imizuzu engu-3 uze ube nsunjwana.
2. Faka u-curry powder, i-paprika, i-cumin, utamatisi, uphepha oluhlaza nenkukhu. Kupheke imizuzu emihlanu ulokhu ukugovuza inkukhu ize inindeke yonke nge-curry paste.
3. Faka i-stock, upheke ngomlilo okahle imizuzu engu-30 i-gravy ize ishube.
4. Kuseve nama-veg nerayisi.[z]
Isithombe: Peter Whitfield
