zulu.431.bread
No-knead Wholewheat Bread
Izithako
1 iphakethe (1kg) i-wholewheat flour
1 i-teaspoon (5ml) usawoti
1 iphakethe (10g) i-instant yeast
1/4 inkomishi (60ml) uwoyela (ngokuthanda kwakho)
4 izinkomishi (1 ilitha) amanzi antukuntuku
1/2 inkomishi (125ml) ama-raisins (ngokuthanda kwakho)
Indlela yokwenza
1. Endishini hlanganisa ufulawa nosawoti uvuvuzele nge-yeast ngaphezulu.
Faka uwoyela, amanzi nama-raisins. Usebenzisa isipuni sokhuni, kuhlanganise kahle.
2. Phendulela inhlama kuma-loaf tins amabili agcotshiwe. Kummboze kancane nge-clingwrap bese ukuyeka endaweni efudumele ukuze kukhukhumale.
3. Kubhake kuhhavini ongu-180oC imizuzu engu-40 (kuze kuzwakale sengathi kunomgodi ngaphakathi lapho ukushaya).
4. Kuphendulele kwi-wire rack ukuyeke kuphole kancane ngaphambi kokuba ukudle.
Kuphuma olofu ababili
Kubiza: R7,65
Potato And Cheese Bread
Izithako
2 izinkomishi (500ml) ufulawa
i-self-raising
3 amazambane acwecwiwe agreythiwe
2 ama-teaspoon (10ml) usawoti
1 1/4 izinkomishi (310ml) ushizi ogreythiwe iCheddar
1 iqanda
5 izipuni (75ml) ubisi
Indlela yokwenza
1. Endishini hlanganisa ufulawa, amazambane, usawoti noshizi. Kubonde ngemfoloko.
2. Kujeke shaya ndawonye iqanda nobisi. Kufake engxubeni yezambane. Kuhlanganisise wenze inhlama.
3. Phendulela inhlama ebhodini elibhuqwe kancane ngofulawa bese uyixova. Kubumbe kube yibhola ukubeke kwi-baking tray egcotshiwe. Kubrashe ngobisi. Usebenzisa ummbese obukhali, phezulu yenza izikwele ezinkulu.
4. Kubhake kuhhavini ongu-180oC imizuzu engu-45-50 noma kuze kube nsunjwana ngombala.
Kuphuma ulofu owodwa
Kubiza: R10,15
Extra Special Beer Bread
Izithako
1 isipuni (15ml) uwoyela
1 u-anyanisi osikwe izingcezu
1 uphepha oluhlaza oqotshiwe
1 iphakethe (500g) ufulawa i-self-raising
1 i-teaspoon (5ml) usawoti
1 x 340ml ikani likabhiya
1/2 inkomishi (125ml) ushizi ogreythiwe iCheddar
Indlela yokwenza
1. Epanini, shisa uwoyela uthose u-anyanisi nophepha oluhlaza kuze kuthambe. Kugudluze emlilweni.
2. Endishini sefa ufulawa nosawoti. Faka ubhiya, ukuhlanganise ukuze kwakheke inhlama. (Uma inhlama iqinile, faka amanzi amancane.)
3. Phendulela inhlama kwi-loaf tin egcotshiwe. Kubhake kuhhavini ongu-180oC cishe isikhathi esingangehora, kuze kube i-testing skewer iphuma ihlanzekile.
4. Siyeke isinkwa siphole ethinini ngaphambi kokusiphendulela kwi-wire rack
Kuseve kushisa noma kubanda.
Kuphuma ulofu owodwa
Kubiza: R9,18
Texan Corn Bread
Izithako
1 inkomishi (250ml) ufulawa
1 inkomishi (250ml) ummbila ogayiwe
1 isipuni (15ml) ushukela
1 isipuni (15ml) i-baking powder
3 amaqanda ashayiwe
3/4 inkomishi (185ml) i-fat free milk
2 izipuni (30ml) amasi
4 izipuni (60ml) uwoyela
3/4 inkomishi (185ml) ama-corn kernels
1 uphepha obomvu oqotshiwe
1 upelepele obomvu okhishwe izinhlamvu waqotshwa
1 u-anyanisi oqotshiwe
u-curry powder
Indlela yokwenza
1. Endishini hlanganisa ufulawa, ummbila, ushukela no-baking powder.
2. Vula isikhala phakathi nendawo. Faka amaqanda, ubisi, amasi nowoyela ukuhlanganise kahle. Ekugcineni bondela phakathi ama-corn, uphepha obomvu, upelepele no-anyanisi.
3. Thela inhlama ethinini eligcotshiwe elingu-30 x 20cm. Vuvuzela ngo-curry powder. Kubhake kuhhavini ongu-180oC imizuzu engu-35.
4. Kupholise kancane bese ukuphendulela ebhodini. Kusike izikwele.
Kubiza: R12,78 [z]
Zwisa umndeni wakho elimnandi iphunga lesinkwa esifreshi nesimnandi esibhakwe ekhaya
amaresiphi nezindlela zokuhlela ngabeGEMINI FOOD PROMOTIONS
isithombe nguKIM THUNDER
Esimnandi
isinkwa
BONA ZULU – May 2007
Extra Special Beer Bread.
Ukuvula izivalo
Ngabe isivalo sebhodlela le-peanut butter yakho siqine kangangoba kulukhuni ukusivula? Nantu usizo!
Ngesikhathi izinto ezifakwa emabhodleleni zenziwa, kuba khona umoya omncane ongenayo osiza isivalo sikwazi ukuvaleka ngci nokwenza ukudla kuhlale kufreshi futhi kuhlale isikhathi eside. Ngabe mhlawumbe yiwo lo moya owenza isivalo siqine kakhulu.
Zimbili izindlela zokusixegisa. Okokuqala, zama ukusixegisa ngamanzi antukuntuku ozowathela kusona. Noma, okwesibili thatha isipuni sokhuni, noma isibambo sommbese ulokhu usishaya ekugcineni kwesivalo sebhodlela.
Ukuze ukwazi ukubambisisa isivalo ezivaleke kakhulu, beka i-tea towel emanzi uyizungezise kusona.
Ujusi kalamula!
Ayikho into efana nokukhama ujusi kalamula ukuze ulimi lwakho ekuzweni izinto lusebenze kahle. Uma uthenga ulamula usuke ufuna ukuwusebenzisa. Nazi izindlela zokuwusebenzisa...
Ngaphambi kokukhama ulamula, ucwilise endishini yamanzi ashisayo imizuzu engu-15, uzomangala ukuthola ukuthi kuphuma uketshezi oluningi kangakanani.
Wake wazama ukukhamela ulamula enhlanzini yakho kwaze kwatheleka isivakashi sakho ebusweni etafuleni? Gwema lokhu ngokuba uwubhoboze ngemfoloko izikhathi ezimbalwa.
Ukugeza i-corn
Ayikho into enambitheka kamnandi kuneklamuzelayo i-sweetcorn ebrayiwe yathoswa ngemajarini. Ave imnandi! Ngabe kodwa akukucasuli okusasilika okukuyo? Indlela elula yokukususa wukuba ukuphale nge-vegetable brush ngaphansi kwamanzi agijimayo ngaphambi kokuba uyipheke.
Ukungcolisa kwe-sauce
Izingane ziyayithanda i-tomato sauce...ngisho ngabe ifakwe kuphi. Kodwa kunzima ukuyithela kuze kudingeke ukuba zitshekise ibhodlela zilishaye esinqeni bese iphuma kakhulu igcwala yonke indawo. Ikhona indlela yokugwema lokhu! Ukungavumi ukuphuma kwayo kudalwa wumoya ebhodleleni. Okufanele ukwenze ukuze iphume kahle, wukufaka i-straw (noma ummbese) phakathi ebhodleleni.[z]
Izinkinga ezincane zasemakhishini zingagcina sezizinkulu. Nazi izeluleko zokwenza impilo ibe lula
Okungakusiza ekhishini
BONA ZULU – May 2007
