zulu.363.offal
Tongue Florentine
Izithako
1kg ulimi
1 isixha sesipinashi
2 izipuni (30ml) imajarini
1 1/2 izinkomishi (375ml) ubisi
2 ama-teaspoon (10ml) i-cornflour
usawoti nophepha wokunonga
i-parsley yokuhlobisa
Indlela yokwenza
1. Epanini, pheka ulimi emanzini anosawoti luze luvuthwe. Cwenga uqobe.
2. Kwelinye ipani, pheka isipinashi emanzini amancane. Cwenga uqobe. Faka imajarini ukubeke emaceleni endishini esetshenziswa kuhhavini.
3. Thela ubisi kwelinye ipani ufudumeze. Faka ulimi. Faka i-cornflour exutshwe nobisi oluncane. Yeka kushube, unonge.
4. Beka ulimi phakathi nendawo endishini. Thela i-sauce uvuvuzele nge-parsley ngaphezulu.
Kubiza: R35,89
Kwanela abangu-6
Kidney Kebabs With Orange Sauce
Izithako
Kebabs
10 izinso zemvu ezisuswe isikhumba
2 u-anyanisi oqotshiwe
1 u-green pepper oqotshiwe
5 imicu kabhekeni engohhafu
uwoyela wokugrila
Orange Sauce
amakhasi amawolintshi angu-2
1 1/2 izinkomishi (375ml) iqhuzu lesobho lenkomo
1/4 inkomishi (60ml) i-cornflour
ujusi wamawolintshi angu-2
2 izipuni (30ml) imajarini
usawoti nophepha wokunonga
1 i-teaspoon (5ml) ushukela
Indlela yokwenza
1. I-sauce yewolintshi. Shisisa ingxenye yesobho epanini. Faka ikhasi lewolintshi, pheka imizuzu engu-5. Cwenga ulahle ikhasi lewolintshi. Phindisela isobho epanini.
2. Hlanganisa i-cornflour nesobho elisalile. Thela epanini. Faka ujusi wewolintshi, imajarini, isinongo noshukela.
3. Gxabhisa ugovuze kushube.
4. AmaKebabs. Nonga izinso. Zifake kuma-skewers angu-4, ufake no-anyanisi, u-green pepper nobhekeni ogoqiwe.
5. Brasha ngowoyela ugrile imizuzu engu-8 ukuphendule njalo.
6. Seva nerayisi ne-sauce yewolintshi.
Kubiza: R28,90
Kwanela abangu-6
Liver Normandy
Izithako
750g isibindi semvu noma sengulube esiqotshwe imisweswe
1/4 inkomishi (60ml) ufulawa
usawoti nophepha wokunonga
2 izipuni (30ml) imajarini
2 ama-apula akhishwe izinhlamvu ungawacwecwi kodwa uwaqobe
1 u-anyanisi oqotshiwe
1 x 340ml ithini i-cider
Indlela yokwenza
1. Endishini bhuqa isibindi kufulawa usinonge.
2. Ncibilikisa ingxenye yemajarini epanini uthose isibindi imizuzu embalwa. Beka eceleni.
3. Ncibilikisa imajarini esele, uthose i-apula no-anyanisi. Faka i-cider, upheke kuze kuthambe. Faka isibindi ufudumeze.
4. Seva nesitambu noma namazambane abondiwe.
Kubiza: R22,67
Kwanela abangu-6
Crumbed Brains
Izithako
750g ubuchopho
1/2 inkomishi (125ml) iqhuzu lesobho lenkomo
2 izipuni (30ml) ufulawa
1 i-teaspoon (5ml) usawoti
usawoti nophepha wokunonga
1 iqanda elishayiwe
1/2 inkomishi (125ml) izimvuthu zesinkwa
2 izipuni (30ml) uwoyela
i-parsley eqotshiwe (ngokuthanda kwakho)
Indlela yokwenza
1. Cwilisa ubuchopho endishini enamanzi antukuntuku anosawoti imizuzu engu-30. Cwengisisa.
2. Gxabhisa isobho epanini. Faka inyama upheke imizuzu engu-20.
3. Khipha inyama esobheni uyicwenge uyiqobe. Beka eceleni.
4. Endishini, hlanganisa ufulawa nesinongo. Bhuqa inyama kufulawa nasemvuthwini yesinkwa.
5. Qandisa imizuzu engu-20-30 (ukuze kuqine izimvuthu). Shisa uwoyela epanini uthose ubuchopho. Vuvuzela i-parsley.
6. Seva nesitambu noma namazambane abondiwe.
Kubiza: R24,97
Kwanela abangu-6
Eastern Ox Tripe
Izithako
1,5kg usu
2 izipuni (30ml) uwoyela
1 u-anyanisi oqotshiwe
3 ugaligi ogxotshiwe
2 ama-teaspoon (10ml) u-curry powder
4 u-anyanisi oqotshiwe
6 ukherothi ocwecwe waqotshwa
3 amazambane acwecwe aqotshwa
1/2 inkomishi (125ml) iqhuzu lesobho lenyama
1/2 inkomishi (125 ml) ubisi
2 izipuni (10ml) usawoti
u-pepper wokunonga
Indlela yokwenza
1. Beka usu epanini uthele amanzi abandayo. Pheka amahora angu-3. Cwenga uqobe.
2. Shisa uwoyela epanini. Thosa u-anyanisi nogaligi. Faka u-curry powder, uthose umzuzu owodwa.
3. Faka izithako ezisele. Mboza upheke kuze kuvuthwe ama-veg.
4. Seva nesitambu noma namazambane abondiwe.
Kubiza: R35,90
Kwanela abangu-6
Spiced Ox Heart
Izithako
1kg inhliziyo yenkomo (ukhiphe okuqinile nemisipha) eqotshiwe
2 izipuni (30ml) uwoyela
2 u-anyanisi oqotshiwe
1 ugaligi ogxotshiwe
2 ama-teaspoon (10ml) usawoti
1 1/2 izinkomishi (375ml) iqhuzu lesobho lenyama
ujusi kalamula owodwa
4 izipuni (60ml) ufulawa
Indlela yokwenza
1. Shisa uwoyela epanini. Thosa inyama. Faka u-anyanisi nogaligi, thosa kuthambe. Nonga ufake isobho.
2. Mboza upheke amahora angu-2 1/2.
3. Faka ujusi kalamula. Shubisa ngofulawa oxutshwe namanzi.
4. Seva nesitambu.
Kubiza: R25,23
Kwanela abangu-6 [z]
BONA ZULU – August 2006
Inyama yangaphakathi
izindlela zokuhlela namaresiphi ngabeGEMINI FOOD PROMOTIONS
izithombe nguKIM THUNDER
Ukwenza inyama yangaphakathi ibe mnandi kulula ngamaresiphi afana nalawa...
Kidney Kebabs With Orange Sauce.
BONA ZULU – August 2006
Liver Normandy.
u
t
Inyama yangaphakathi
