ZULU.348.cakes
amaresiphi ne-styling abeGEMINI FOOD PROMOTIONS
izithombe nguKIM THUNDER
Ngabe ufuna ukwenza okwehlukile kwi-birthday party? Zenzele lawa maresiphi alula akongela imali
Birthday Butter Cake
Ibiza: R10,45
Izithako
1/2 inkomishi (125ml) i-margarine
1 1/4 izinkomishi (312ml) i-caster sugar
3 amaqanda
1 i-teaspoon (5ml) i-vanilla essence
2 1/2 izinkomishi (625ml) ufulawa
1/2 i-teaspoon (2,5ml) usawoti
3 ama-teaspoon (15ml) i-baking powder
2/3 inkomishi (170ml) ubisi
Indlela yokwenza
1. Shaya i-margarine noshukela endishini. Faka amaqanda, elilodwa ngesikhathi, shaya kahle emva kokufaka iqanda ngalinye. Faka i-vanilla essence.
2. Sefa izithako ezomile kwenye indishi. Thela engxubeni yeqanda ngokwahlukana nobisi ugovuze.
3. Gcobisa amathini amabili okwenza ikhekhe. Faka inhlama emathinini. Mbambatha kancane ukuze kuphele umoya.
4. Bhaka kuhhavini oshisiswe ngo-180oC imizuzu engu-30-35. Beka kwi-wire rack. Kupholise ngaphambi kokufaka i-icing.
Basic Icing
Kubiza: R8,95
Izithako
1 inkomishi (250ml) i-margarine
500g i-icing sugar
amanzi amancane
1 i-teaspoon (5ml) i-vanilla essence
Indlela yokwenza
1. Shaya i-margarine ne-icing sugar endishini. Thela amanzi ne-vanilla essence. Hlanganisa i-icing ishube kahle.
2. Ndlala i-icing phezu kwekhekhe usebenzise ummbese obanzi noma i-spatula. Beka elinye ikhekhe ngaphezulu ugcobe i-icing.
Girl’s Cake
Uzodinga iBirthday Butter Cake eyodwa enama-layer amabili neBasic Icing.
Ukuhlobisa
1 inkomishi (250ml) i-sprinkle nuts (ngokuthanda kwakho)
i-food colouring e-pink
7-8 ama-marshmallows
7-8 uswidi ongosayizi abancane amakhandlela e-birthday
Indlela yokwenza
1. Gcoba ikhekhe nge-basic icing, ubeke ozoyifaka embaleni o-pink.
2. Bhuqa ikhekhe kwi-sprinkle nuts uma uthanda.
3. Sebenzisa i-food colouring e-pink uyifake kwi-icing esele. Kukhe ngesipuni ukufake epulasitikini ozoyinquma ngaphandle uyisebenzise njenge-piping bag uhlobise ikhekhe.
4. Sebenzisa isikele uqobe i-marshmallow ngayinye ibe ophisi abahlanu. Beka ekhekheni njengoba ukhonjisiwe. Hlobisa ngoswidi abancane phakathi nendawo.
5. Beka amakhandlela ekhekheni.
Boy’s Cake
Uzodinga iButter Birthday Cake eyodwa enama-layer amabili. Uma ufuna iChocolate Cake (njengoba sikukhombisile), esikhundleni sika- 1/2 inkomishi (250ml) kafulawa sebenzisa u-1/2 inkomishi (250ml) i-cocoa powder. Uzodinga neBasic Icing.
Ukuhlobisa
3 izipuni (45ml) i-cocoa powder, esefiwe
1 isitsha se-chocolate vermicelli (ngokuthanda kwakho)
1/4 inkomishi (60ml) i-dessicated coconut
i-food colouring e-green
oswidi abanemibala egqamile
amathoyizi ezimoto
amakhandlela e-birthday
Indlela yokwenza
1. Beka iBasic Icing ozobhala ngayo iminyaka. Faka i-cocoa powder kwi-icing esele. Hlanganisa kuze kushube kugcobeke kahle. (Kungenzeka kudingeke ukuba ufake amanzi abilile kancane.) Gcoba i-icing ekhekheni.
2. Bhuqa izinhlangothi zekhekhe kwi-chocolate vermicelli.
3. Faka iBasic Icing epulasitikini encane. Nquma upulasitiki uwusebenzise njenge-piping bag ubhale iminyaka nge-Icing.
4. Hlanganisa i-coconut ne-food colouring e-green. Kusebenzise njengotshani. Beka uswidi namathoyizi ezimoto ekhekheni.
5. Ungawakhohlwa amakhandlela!
Marshmallow Crackle Treats
Kubiza: R35,67
Kuphuma angu-40
Izithako
1/2 inkomishi (125ml) i-margarine
500g iphakethe i-marshmallows
350g ama-rice crispies
50g i-glace cherries eqotshiwe
2 x 200g ama-slabs i-white cooking chocolate encibilikisiwe
amaphakethe amaphepha amancane
Indlela yokwenza
1. Ncibilikisa i-margarine epanini. Faka ama-marshmallows ugovuze kuze kucishe kuncibilike.
2. Faka ama-rice crispies nama-cherries. Govuza kuze kukhaveke kahle.
3. Kubeke ethreyini lokwenza amabhisikidi eligcotshipsiwe.
Ndlala u-chocolate ngaphezulu.
4. Kuyeke ihora elilodwa. Kuqobe kube yizikwele. Kubeke emaphaketheni amaphepha.
Funny Face Biscuits
Kubiza: R15,98
Kuphuma angu-40
Izithako
250g amaMarie Biscuits
1 x 350g ithini iCaramel Treat
uswidi ongosayizi abancane
15 i-chocolate buttons
4 i-liquorice strips
i-chocolate ne-coloured sprinkles
Indlela yokwenza
1. Gcoba iCaramel Treat emabhisikidini.
2. Sebenzisa uswidi, i-liquorice nama-sprinkles wenze ama-funny faces.
Monkey Bites
Kubiza: R15,70
Kuphuma angu-10
Izithako
10 ubhanana
10 i-lollipop sticks
500g i-cooking chocolate
1 inkomishi (250ml) i-sprinkle nuts
Indlela yokwenza
1. Ndlala i-foil ethreyini lokubhaka. Shutheka i-lollipop sticks kobhanana. Beka endishini uqandise kuze kuqine.
2. Ncibilikisa u-chocolate epanini. Govuza kushube.
3. Cwilisa ubhanana ngamunye ku-chocolate uphinde uwucwilise kwi-sprinkle nuts useve.[z]
BONA ZULU – November 2005
Girl’s Birthday Cake.
Y
isikhathi semicimbi!
BONA ZULU – November 2005
Boy’s Birthday Cake.
u
72 BONA ZULU – November 2005
Y
t
isikhathi semicimbi!
