zulu.2971.bec events
▲Kuyonandisa Isolomzi.
Nini: 3 May 2008
Kuphi: The Protea Edward Hotel, Belmont Terrace, Port Elizabeth
Isikhathi: Fikani ngo-9.30am ukuze siqale ngo-10am
Imali: R50 umuntu emnyango
(Ilantshi nezinye iziphuzo kubaliwe.) Umuntu uyozithengela ngokwakhe e-bar.
UKUZE UBHUKE: Shayela uPuleng ucingo kule nombolo:
011-883-8829 ngezikhathi zomsebenzi (8.30am-5pm phakathi nesonto)
Izindaba zeMpumelelo zeSasko Flour
I-SASKO Flour ifuna ababhaki baseSouth Africa abaphumelelayo. Hlangana nethimba lakwaSasko Flour ngomhlaka 3 May eProtea Edward Hotel ePort Elizabeth ungenele ngalolo suku.
Njengabaxhasi abamqoka beBake & Cook yeBONA Empowerment Club, abakwaSasko Flour bayaziqhenya ngochunge lofulawa babo abahlukahlukene.
Njengoba iSasko Flour ineminyaka eyevile kwengu-70, uthola isiqiniseko sokuthi okubhakayo kuyohlale kunambitheka kamnandi!
I-Mageu Number 1 Business Start-up Awards
SEKUPHELE iminyaka emithathu iMageu Number 1 ibambisene neBONA Empowerment. Njengoba lo mkhiqizo wenzelwe ukusimamisa osomabhizinisi abasafufusa, iMageu Number 1 Business Start-up Awards iphisana ngo-R50 000 ongukheshi ngonyaka - nokuyimali eya kosomabhizinisi abasacathula.
Ungahlomula ngokungenela lo mncintiswano ngoba ungathola imali ezokusiza ebhizinisini lakho noma uvule elinye elisha.
Owawina okokuqala ngo-2008 wamenyezelwa ngomhlaka 1 March kwi-workshop eyayisePolokwane - lowo nguDaphne Leso onguthishanhloko eNkokone Primary School eSandsloot. Wavula ibhizinisi lokutshala ukuze ehlise izinga lendlala nomphakathi uthole ithuba lokwenza okuzowusiza.
Lolu hlelo lwakhiwe yikomiti labayisishiyagalombili kanti luphakela izitolo zendawo ngama-veg. Imali etholakala ngezitshalo yabelwa izintandane nezingane zesikole ezintulayo.
Isikole sihlomula ngokuthola imali ngalolu hlelo kanti lukhuthaza abantu ukuba bavule amabhizinisi. Abafundi namalungu omphakathi sebefunde okuningi ngokunakekelwa nangokongiwa kwemvelo.
Sithanda ukumhalalisela uDaphne! Siyethemba ukuthi ibhizinisi lakhe lizodlondlobala.
BONA ZULU – May 2008
Ingqikithi:
■ Ukwakha namaThenda kaHulumeni
■ Ukuvula i-spaza nokuqala ibhizinisi lokupheka
NGE-BONA Empowerment Club senza isiqiniseko sokuthi imboni yezitokofela iyaqhubeka nokufeza umgomo wayo wokufaka isandla ekulondolozweni kwemali.
UBONA wenza isiqiniseko sokwenza umehluko empilweni yabantu ngokubakhuthaza ukuze baqhubeke benze izinhlelo zokulondoloza imali.
UBONA uzophindela ePort Elizabeth eProtea Edward Hotel ngomhlaka 3 May 2008 ngenhloso yokwazisa, ukufundisa nokuthokozisa izihambeli.
Owawina ngo-April kwiMageu Number 1 Business Start-up awards uyomenyezelwa ngalolo suku kukhishwe nomklomelo
ka-R2 000. Njengenjwayelo, kuyobe kunendathane yemiklomelo.
AbeBake & Cook bayokhombisa abantu ukuthi bangayithola kanjani imali ngokubhaka nokupheka.
Izitokofela nezinhlangano zomphakathi ziyamenywa kule workshop ethokozisayo nefundisayo.
▲U-Force Khashane.
▲UMakheni Motana.
▲Umbukiso wengqephu.
▲UBoitumelo Mofokeng.
▲Amalungu eBONA Empowerment Club ezitika ngezibiliboco.
INDLELA YOKUNGENELA UMNCINTISWANO
“WEZINDABA ZEMPUMELELO”
UMA unebhizinisi lokubhaka nokupheka, noma uma uzithandela ukubhaka, sibhalele uchaze:
■ Ngeresiphi yakho eyenziwe ngeSasko Flour.
■ Ngofisa ukukuzuza ngebhizinisi lakho.
(Sitshele ngamaphupho akho.)
Uma udaba lwakho lukhethwe njengoluyimpumelelo kuleyo nyanga, uzowina izimpahla ezizokusiza ebhizinisini lakho lokupheka.
Thumela imininingwane yakho kuleli kheli:
BONA/Sasko Flour Top Baker Competition, Box 1300, Rivonia, 2128.
BONA ZULU – May 2008
▲U-Gladys Jonas owawina kwiMageu Number 1 Business Start-up Awards (owesibili ukusuka kwesobunxele), Dorah Ditshwene, Karin Fritz noForce Khashane.
▼Abawine kwiMageu Number 1 Business Start-up Awards.
INDLELA YOKUNGENELA I-MAGEU NUMBER 1 BUSINESS START-UP AWARDS:
Ngenela kunoma yimuphi umcimbi weBONA Empowerment Club noma uthumele nge-fax imininingwane ye-business plan yakho kuPuleng ku-011-883-8830. Ungangenela nangokubhalela kuleli kheli: Mageu Number 1, Small Business Start-up Awards, Box 3858, Rivonia, 2128. [z]
