zulu.2940.Golden Cloud
APPLE AND CINNAMON MUFFINS
KUPHUMA ANGU-12
300g iGolden Cloud Self-raising Flour
60ml i-caster sugar, nenye yokuvuvuzela
15ml i-ground cinnamon, nenye yokuvuvuzela
2ml i-ground nutmeg
200g imajarini
60ml uju
2 amaqanda ashayiwe
2 ama-apula acwecwe akhishwa izinhlamvu aqotshwa
1. Shisisa uhhavini ngo-200°C. Gcoba ipani lokwenza ama-muffin angu-12.
2. Endishini sefa ufulawa, ushukela, i-cinnamon ne-nutmeg.
3. Epanini ncibilikisa imajarini noju, thela kufulawa. Faka amaqanda ne-apula ugovuze.
4. Kukhe ngesipuni ukufake epanini lama-muffin. Vuvuzela nge-cinnamon noshukela. Bhaka imizuzu engu-20.
Iseluleko Sababhaki
Ungayigovuzi kuze kweqe inhlama, enezigaxa ikahle ekwenzeni ama-muffins.
AbakwaGolden Cloud basungule umkhankaso we “I Bake, I Care” ozohlomisa abesimame ukuze bazitholele imali ngokubhaka. Njalo uma uthenga iGolden Cloud uzobe usiza abakwaGolden Cloud ukuze baqoqe u-R1 million ozoya kwiHOPE Worldwide, inhlangano ezimele enezinhlelo zomphakathi ezimiselwe ukunakekela abaneHIV/AIDS, ukuxhaswa nokufundiswa kwabadala nabancane ngalolu bhubhane.
Wina ngeGolden Cloud!
Bonke ababhaki abaxhase umkhankaso weGolden Cloud we “I Bake, I Care” basethubeni lokuwina ivawusha ka-R500 yeGolden Cloud. Ukuze uwungenele, sika i-barcode ephaketheni, bhala igama lakho, ikheli, nenombolo yocingo otholakala kuyona emini emhlane we-barcode uyithumele kuleli kheli: Golden Cloud “I Bake, I Care” PO Box 35413 Northway 4065.
Uvalwa mhlaka 30 September 2007
UMA ubhaka ozokudayisa kusemqoka ukusebenzisa izithako ongazethemba. Uma kuza ekukhetheni ufulawa – khetha iGolden Cloud… AbakwaGolden Cloud bakhetha ukolweni oseqophelweni eliphezulu baqinisekise ukuthi bakhiqiza ufulawa okahle ngesikhathi bewenza. NgeGolden Cloud Flour ungaba nesiqiniseko sokuthi uzothola imiphumela egculisayo njalo. I-Golden Cloud Flour ungayisebenzisa kukho konke okubhakayo, ungabhaka amakhekhe, izinkwa namabhanisi. [z]
IZELULEKO ZABABHAKI
• Qiniseka ukuthi ama-muffins akho aphole kahle ngaphambi kokuwapakisha.
• Ukuze ande, yenza osayizi abancane – azoba maningi uma usuwapakisha ahehe namehlo omthengi.
• Ama-muffins amancane angena anele kahle esitsheni esihle esincane.
• Ungonga i-icing sugar ne-cinnamon uma usebenzisa isisefo ngesikhathi uvuvuzela kuma-muffins.
• Thenga okokufaka ama-muffins kube kuningi ukuze wonge imali.
• Sebenzisa amaribhini namaphepha ahlotshisiwe ukuze kubukeke kahle uma usupakisha ama-muffins akho.
• Indlela ama-muffins akho abukeka ngayo isemqoka kakhulu uma usudayisa.
• Shintsha izinhlobo zama-muffins uthokozele ukuwenza.
ezentengiso
Ukubhaka ngofulawa ofanele kungenza omkhulu umehluko kanti ngeGolden Cloud awusoze waphuma eceleni
Bhaka
kahle!
