zulu.279.birnam
NAKUBA esangenela eminingi imincintiswano, uPauline Dhlamini oneminyaka engu-21 akakaze awine lutho - kwaze kwaba ungenela umncintiswano kaBONA owawuxhaswe ngabeBirnam College.
Waqokelwa ukufunda unyaka owodwa enza isifundo sokuba ngumsizi womphathi i-personal assistant.
UDhlamini owazalelwa wakhulela endaweni yaseSoshanguve eTshwane, waqhubeka waphasa isifundo sakhe ngamalengiso.
Uthi wasithola lesi sifundo sithokozisa kakhulu kanti kuningi okwamdonsela kuso.
Uthando lwakhe ngomsebenzi wakhe omusha lugqame bha! “Uma ungumsizi womunye umuntu oqikelelayo ngekhwalithi ephezulu yomsebenzi, lokho kusho ukuthi nawe kufanele usebenze kanzima futhi,” kusho yena.
“Ukuzinikela ezintweni umphathi wakho azimisele ngazo, yizona zinto ezibalulekile.”
Kumanje lo msebenzi usuvulele uDhlamini amathuba omsebenzi.
“Ngiyethemba ukuthi ngizokuba ngomunye wabaphambili emsebenzini wami njengoba sengikhombisile ukuzinikela kwami ngokuba ngiphase lesi sifundo ngamalengiso,” kusho uPauline ehleka.[z]
Owokusiza umphathi wakho
Ukuba yi-personal assistant
Sixoxisana noyedwa wabawine umfundaze waseBirnam College…
BONA ZULU – July 2007
indaba nguTEDDY GOMBA
isithombe nguJUDAS HLONGWANE
